Тун.кал10
1Соломонын туныктен каласыме ойжо-влак.Мунло эрге – ачалан куан,а ушдымо эрге – авалан ойго.2Пайдам ок пу шолагай поянлык,а чын ыштымаш колымаш деч утара.3Чын ыштыше еҥым Господь шужышым ок кодо,а осал еҥын опкын кумылжым шуктыде кода.4Йолагай кид йорлылыкым конда,а тыршыше кид – поянлыкым.5Кӧ кеҥежым пога – тудо ушан,а кӧ тӱредме жап годым мален кия – намысыш пура.6Чын ыштыше еҥын вуй ӱмбалныже суапландарымаш,а осал-влакын шомакыштышт шылын шинча весым темдымаш.7Чын ыштыше еҥым шарнымаш суапландарымашым конда,а осал еҥын лӱмжӧ йомеш.8Мунло шӱман еҥ каҥашым колыштеш,а ушдымын умшаже шукта пытымашке.9Кӧ чын корно дене коштеш, тудлан лӱдыкшӧ огыл,а кӧ тушеч кораҥеш – осаллыкше чараш лектеш.10Шинчам пӱялымаш ойгым конда,а ушдымын умшаже пытымашке шукта.11Чын ыштыше еҥын умшаже – илыш памаш,а осал-влакын шомакыштышт шылын шинча вуянче койыш.12Ужмышудымаш келшыдымашым луктеш,а йӧратымаш чыла сулыкым леведеш.13Ушан еҥын умшаштыже – мунлылык,а ушдымын тупыштыжо – розго.14Мунло-влак шинчымашым погат,а ушдымын умшаже пытымашке наҥгая.15Поян еҥ шке погыжым чоткыдемдыме олалан шотла,а йорлым нужналык пытара.16Чын ыштыше еҥын тыршымыже илышым конда,а осал еҥын парышыже сулыкыш наҥгая.17Кӧ шылталымым колыштеш – илыш корнышто шога,а кӧ тудым шотыш ок нал – йомын коштеш.18Кӧ ужмышудымашым шылта, умшаштыже – шояк,кӧ манеш-манешым шаркала, тудо – ушдымо.19Шуко ойлымо годым сулыкыш пурыде от код,а йылмым кучен моштышо – ушан.20Чын ыштышын йылмыже – яндар ший,а осал еҥын шӱмжӧ нимом ок шого.21Чын ыштыше еҥын шомакше шукым пукша,а ушдымо-влак ушышт укелан кӧра пытат.22Господьын суапландарымашыже пойдара,пеленже ойгым ок кондо.23Ушдымо еҥым осал пашам ыштымыже куандара,а ушан еҥын куанже – мунлылык.24Мо деч осал еҥ лӱдеш, тидак тудын дене лиеш,а чын ыштыше-влакын ӱшанен вучымышт шукталтеш.25Тӱтан мардеж эртен кая – осал еҥ тетла уке,а чын ыштыше еҥ курымеш пеҥгыдын шога.26Кузе уксус умшалан да шикш шинчалан,тугак йолагай еҥ – тудым сомыл ышташ колтышылан.27Господь деч лӱдмаш ешара илышаш кечым,а осал еҥ-влакын ӱмырышт кӱчыкемеш.28Чын ыштыше-влакын вучен илымышт конда куаным,а осал еҥ-шамычын ӱшанышт шукталтде кодеш.29Шылталаш амалдыме еҥлан Господьын корныжо – кӱ курык,а осалым ыштышылан тудо лӱдмашым конда.30Чын ыштыше эре пеҥгыдын шога,а осал-влакын ӱмырышт кӱчык лиеш.31Чын ыштышын умшаж гыч мунлылык йога,а аяр йылме пӱчкын шуымо лиеш.32Чын ыштышын умшаж гыч сай лектеш,а осал еҥ-влакын йылмышт гыч – аяр.
Institute for Bible Translation, Finland