Шотл2
1Господь Моисей ден Ааронлан каласен:2«Тек израиль калык шке станжым Юмо дене вашлийме омаш деч умбалнырак, тудын йыр шогалта. Кажне тукымын станже шке тистыже, шке тукым тамгаже пелен вераҥдыме лийшаш.3Ончылно, эрвел могырым, шке тистыж пелен тӱшкан-тӱшкан шке станжым Иуда шогалта. Иуда тукымын онжо – Наассон, Аминадавын эргыже.4Тудын сарзывийже – 74 600 пӧръеҥ.5Иуда деч вара шке станжым Иссахар тукым шогалта. Иссахар тукымын онжо – Нафанаил, Цуарын эргыже.6Тудын сарзывийже – 54 400 пӧръеҥ.7Умбакыже шке станжым Завулон тукым шогалтышаш. Завулон тукымын онжо – Елиав, Хелонын эргыже.8Тудын сарзывийже – 57 400 пӧръеҥ.9Иудан станышкыже пурышо тиде чумыр сарзывийын чотшо 186 400 еҥ лиеш. Корныш нуно эн ончыч кайышаш улыт.10Кечывалвелне шке тистыж пелен тӱшкан-тӱшкан Рувимын станже вераҥеш. Рувим тукымын онжо – Елицур, Шедеурын эргыже.11Тудын сарзывийже – 46 500 пӧръеҥ.12Рувим тукым воктене шке станжым Симеон тукым шогалта. Симеон тукымын онжо – Шелумиил, Цуришаддайын эргыже.13Тудын сарзывийже – 59 300 пӧръеҥ.14Вара Гад тукым шке станжым шогалта. Гад тукымын онжо – Елиасаф, Регуилын эргыже.15Тудын сарзывийже – 45 650 пӧръеҥ.16Рувимын станышкыже пурышо тиде чумыр сарзывийын чотшо 151 450 еҥ лиеш. Корныш нуно кокымшо кайышаш улыт.17Покшелне, стан-влак коклаште, левит-влакын станышт да Юмо дене вашлийме омаш каяш тӱҥалыт. Стан-влак кузе шогеныт, тек тиде рат денак каят: кажныже – шке тистыж дене.18Касвелне шке тистыж пелен тӱшкан-тӱшкан Ефремын станже вераҥеш. Ефрем тукымын онжо – Елишама, Аммиудын эргыже.19Тудын сарзывийже – 40 500 пӧръеҥ.20Тудын воктене Манассий тукым лиеш. Манассий тукымын онжо – Гамалиил, Педацурын эргыже.21Тудын сарзывийже – 32 200 пӧръеҥ.22Вара – Вениамин тукым, Вениамин тукымын онжо – Авидан, Гидеонийын эргыже.23Тудын сарзывийже – 35 400 пӧръеҥ.24Ефремын станышкыже пурышо тиде чумыр сарзывийын чотшо 108 100 еҥ лиеш. Нуно кумшо кайышаш улыт.25Йӱдвелне шке тистыж пелен тӱшкан-тӱшкан Данын станже вераҥеш. Дан тукымын онжо – Ахиезер, Аммишаддайын эргыже.26Тудын сарзывийже – 62 700 пӧръеҥ.27Дан тукым воктене шке станжым Асир тукым шогалта. Асир тукым он – Пагиил, Охранын эргыже.28Тудын сарзывийже – 41 500 пӧръеҥ.29Вара шке станжым Неффалим тукым шогалта. Неффалим тукымын онжо – Ахира, Енанын эргыже.30Тудын сарзывийже – 53 400 пӧръеҥ.31Данын станышкыже пурышо тиде чумыр сарзывийын чотшо 157 600 еҥ лиеш. Нуно шке тистышт дене пытартыш кайышаш улыт».32Теве еш еда шотлен лукмашке пурышо израиль эрге-влак. Станлаште улшо чумыр сарзывийын чотшо 603 550 еҥ лийын.33Господьын Моисейлан кӱштымыж семынак, моло израильтян-влак дене пырля шотлымо чотыш Левий тукым еҥ-влакым пуртен огытыл.34Господь Моисейлан мом кӱштен, израиль калык чыла шуктен: ончыктымо радам почеш кажне тукым шке тистыж воктене станым шогалтен да кажне еҥ шке урлыкшо, шке ешыж дене корныш тарванен.
Institute for Bible Translation, Finland