Шотл17
1Господь Моисейлан каласен:2«Израиль эрге-влаклан кажне тукым деч ик пондо дене кондаш кӱштӧ – кажне тукымвуй деч иктым, чылаже латкок пондо лийже. Кажне пондышто озажын лӱмжым возен шынде.3Левий тукымын пондыштыжо Ааронын лӱмжым возо. Кажне тукымвуй ик пондым пуышаш.4Нине пондо-влакым Мыйын тыланда кончымо верыш – Юмо дене вашлийме омашыш, ойпидыш шондык ончылан – пыште.5Кӧм Мый ойырен налам, тудын пондыжо пеледаш тӱҥалеш. Тыге Мый израиль калыкын тыланда ӧпкелымыжым чарем».6Моисей тидым израиль калыклан каласен, да кажне тукымвуй тудлан шке пондыжым конден. Чылаже латкок пондо лийын – кажне тукым деч ик пондо. Нунын коклаште Ааронын пондыжат лийын.7Моисей пондо-влакым ойпидыш скинийыш Господь ончыко пыштен.8Эрлашыжым, скинийыш пурымеке, Моисей [ден Аарон] ужыныт: Ааронын пондыжо – Левий тукымын пондыжо – пеледын: лышташнерым колтен, пеледышым пуэн да миндаль кушкын.9Господь ончылно лийше чыла пондым Моисей израиль эрге-влак деке луктын. Нуно пондо-влакым ончалыныт, вара кажныже шке пондыжым мӧҥгеш налын.10Господь Моисейлан каласен: «Ааронын пондыжым мӧҥгеш ойпидыш шондык ончыко пыште. Тек вуянче-влаклан тудо танык семын аралалташ тӱҥалеш. Тыге нунын Мыйын ваштареш ӧпкешт пыта, да нуно огыт коло».11Моисей Господь кӱштымӧ семынак ыштен.12Израиль эрге-влак Моисейлан каласеныт: «Мыланна мучаш! Ме колена, ме чыланат пытена!13Господьын скинийже дек лишемше кажне еҥ кола! Мыланна чылаланна колаш логалеш мо?!»
Institute for Bible Translation, Finland