Мих2
1Ойго нунылан, кӧмыт осалым ышташ шонат!Малаш вочмекышт, нуно тидым кузе ышташ шонкалат,а эрдене, волгыжмеке, шонымыштым шуктат,вет тидым ышташ вийышт уло.2Еҥ пасум налнешт – руалтен налыт,пӧртым налнешт – тидымат ыштат:озажым, тудын ешыжым шыгыремдат,мландыштым шупшын налыт.3Сандене Господь тыге ойла:«Тиде тукым ӱмбаке Мый тугай туткарым колташ шонем,могайым ӱмбачда налын огыда кудалте.Тетла оҥдам кадыртен ода кошт,вет тиде ойган жап лиеш.4Тудо кечын тендам сотараш тӱҥалыт,шортмо мурым мурымо семын тыге мыскылат:”Мучаш, мыланна мучаш толын,калыкнан мландыжым весе-влаклан пуымо!Тудым пӧртылташ лиеш мо?Пасуна-влакым йот калык-шамыч пайленыт!”»5Сандене Господьын калыкше коклаштетыланет мландым шерева дене пайлыше нигӧ ок лий.6Калык манеш: «Пророк шомакдам ида ойло!Тыгай нерген пророклен ойлаш ок лий!Ме намысыш огына пуро!»7Лиеш мо тыге ойлаш, Иаков тукым?Господьын чытымашыже пытен мо?Тудо тыгайым ышта ыле мо?«Кӧ чын корно дене коштеш,тудлан Мыйын шомакем сайлан огыл мо? 8Шукерте огыл те Мыйын калыкем лийында,а кызыт тушман гайыш савырненда:кӧмыт воктечда тыныслын эртен каятале сар гыч пӧртылыт,те вургемыштым кудашын налыда.9Мыйын калыкемын ӱдырамашыштымте йӧратыме пӧртышт гыч поктен луктыда,йочаштым Мыйын пуымо мландем деч посна кодеда.10Кынелза да кайыза, тетла тыште тыныс уке!Шакшылалтмыжлан кӧра тиде вер пеш чот шалатыме лиеш.11Иктаж шояче, муторгаж тендан деке толеш да”Мый йошкар арака да пӱрӧ нерген ойлем!” манеш гын,тудо тыланда келшен толшо пророк лиеш.12Но Мый тендам, Иаков тукым, чыладам погем,Израильын утлен кодшыжо-влакым иктеш чумырем –кузе Восораште шорыкым, кӱтымӧ верыште кӱтӱм погат,тугак нуным пырля чумырем.Тунам кугу калык тӱшкан йӱкшӧ шокташ тӱҥалеш».13Нунын ончыч пырдыжым шалатыше кая,чаракым шалатен, нуно капка гоч каят да тушечын лектыт.Нунын ончыч кугыжашт кая,а вуйлатышышт Господь лиеш.
Institute for Bible Translation, Finland