Суд5
1Тиде кечын Девора ден Варак, Авиноам эрге, тыгай мурым муреныт:2«Он-влак Израильым наҥгаеныт,калык сарыш шке кумылын каен –Господьым чапландарыза!3Кугыжа-влак, колыштса! Вуйлатыше-влак, колза!Господьлан мый мураш тӱҥалам!Господьлан, Израильын Юмыжлан, шоктем!4Кунам Тый, Господь, Сеир гыч лектынат,кунам Тый Едом мланде гыч каенат –мланде чытырналтын, кава гыч кугу йӱр йӱрын,пыл-влак вӱдым йоктареныт.5Курык-влак Господь ончылно лӱҥгеныт,Израильын Господь Юмыжо ончылно Синай курыкат чытырен.6Анаф эрге Самегар илыме годым,Иаильын кечылаштыже,корно-влак пустаҥыныт,ончыч вияш корно дене коштшо-шамыч йыргорно дене коштыныт.7Калык деч посна кодыныт Израиль илем-влак,пуста лийыныт нуно мыйын, Деворан, кынел шогалмешкем,мыйын, Израильын аважын, кынел шогалмешкем.8Вес юмо-влакым ойырен налын Израиль,садлан капка воктене сар кая.Израильын нылле тӱжем сарзыжын лийын мо авыртыш ден умдыжо?9Шӱмем мыйын Израиль вуйлатыше-влак дене,сарыш шке кумылын кайыше калык дене!Господьым чапландарыза!10Ош тӱсан ава осёл ӱмбалне шинчын коштшо,пушкыдо шартыш ӱмбалне шинчышеда корно дене коштшо-шамыч, мурым мурыза!11Таве воктене вольыкым йӱктышӧ-шамычын йӱкышт:нуно Господьын кугу пашаж-влак нерген,Израиль вуйлатыше-влакын мом ыштымышт нерген каласкалат!Тунам Господьын калыкше капка деке лишемын.12Кынел, кынел, Девора!Кынел, кынел, мурым муралте!Кынел, Варак!Пленыш налме еҥет-влакым наҥгай, Авиноам эрге!13Икмыняр виян еҥын кидышт йымаке Господь пуэн калыкым,лӱддымӧ еҥ-влакым Тудо мыйын кидыш пуэн.14Амалик мландеш вожым колтышо-влак Ефрем деч толыныт.Тыйын почешет, Вениамин, тыйын калыкет дене пырля нуно толыныт.Вуйлатыше-шамыч толыныт Махир деч,он-влакын пондыштым кучышо-влак Завулон деч толыныт.15Девора дене пырля Иссахарын онышт улыт,Варак семын Иссахар лапверышке йолын чымалтын.А Рувим тукымышто – кугу кокытеланымаш.16Кӱтӱчын шиялтышыжым колыштын,шорык вӱта коклаште мом тый шинчет?Рувим тукымышто – кокытеланымаш.17Галаад ила Иордан вес велне.Молан гын Дан корабль-влак воктене юватылеш?Теҥыз серыште кодын Асир,ласкан ила шке гаваньже воктене.18Завулон – илышыжым пуаш ямде калык,тудын дене пырля Неффалим – кӱкшака пасушто.19Кредалаш лектыныт кугыжа-влак,ханаан кугыжа-шамыч кредалыныт Фаанахыште, Мегиддо вӱд воктене,но ший арвер нунылан логалын огыл.20Кредалмашыш ушненыт кава гыч шӱдыр-влак,шке корнышт гыч нуно кредалыныт Сисара ваштареш.21Киссон вӱд тушман-шамычым наҥгаен,акрет эҥер, Киссон эҥер, нуным наҥгаен.Виян лий, мыйын чонем!22Виян ожо-влак чымат,имне-влакын тӧргымышт деч мланде чытыра!23”Каргыза Мерозым, – Господьын Суксыжо ойла, –каргыза, каргыза тушто илыше-влакым.Нуно Господьлан полшаш толын огытыл,виян сарзышт дене полшен огытыл Господьлан кредалаш”.24Тек суапландарыме лиеш ӱдырамаш-влак коклаште Иаиль, кеней Хеверын ватыже!Вынер омашыште илыше ӱдырамаш-влак коклаште тек тудо лиеш суапландарыме!25Вӱдым йодын Сисара – тудо шӧрым пуэн,тӧрам йӱктымӧ коркаш конден ӱмбалым.26[Шола] кидшым тудо пашкар деке,а пурлажым пашазын чӧгытшӧ дек шуялтен.Перен тудо Сисарам,вуйжым шалатен, вуйвичкыжшым шӱтен.27Камвозын тудо йолжо воктек, шуҥгалтын да киен!Камвозын тудо, шуҥгалтын Иаильын йолжо воктеке!Камвозын, колышо шуҥгалтын!28Окна гыч ончыштеш Сисаран аваже,решоткан окна гоч мӱгырен шортеш:”Мом юватылыт тудын орваже-влак?Молан имне-шамычын йол йӱкышт ок шокто?”29Вашештат тудлан лӱмлӧ ӱдырамаш-влак кокла гыч эн ушанже,шкежат тудо тыге шонкала:30”Очыни, поген налыныт нуно поянлыкымда шке коклаштышт пайлат –ик сарзылан ик але кок ӱдыр дене,Сисаралан – тӱрлӧ тӱсан чапле вургем,пленыш налме ӱдыр-влакын вачӱмбакышт тӱрлымӧ шовычым пыштат”.31Тек тыге пытарыме лиеш Тыйын чыла тушманет, Господь!А Тыйым йӧратыше-влак тек нӧлталтше кече гай волгалтыт!»Тидын деч вара мландыште нылле ий тыныс илыш лийын.
Institute for Bible Translation, Finland