Суд20
1Тунам израильтян-влак Дан гыч Вирсавий марте, тыгак Галаад мландыште илыше-шамыч Господь ончыко Мицпаш ик еҥ семын погыненыт.2Тушто [Господь ончылно] уло калыкын вуйлатышыже-влак, Израильын чыла тукымжын онжо-шамыч лийыныт. Тушто Юмын калыкше погынен – нылшӱдӧ тӱжем йолешке сарзе, кажныжын кердыже лийын.3Израильтян-шамычын Мицпаш толмышт нерген Вениамин эрге-влакат колыныт. Израиль эрге-влак йодыныт: «Тиде осал паша кузе лийын?»4Левит, пуштмо ӱдырамашын марийже, каласен: «Мый шке изватем дене Вениамин мландысе Гиваш малаш пуренам.5Гиваште илыше-влак йӱдым толыныт да, мыйым пушташ шонен, малаш шогалме пӧртым авыреныт. Нуно мыйын изватем виешленыт, [мыскыленыт], да тудо колен.6Мый изватемын капшым налынам, тудым ужашлан пӱчкынам да Израильын чыла кундемышкыже колтенам. Вет нуно Израильыште йырнык, закондымо пашам ыштеныт!7Ынде те, израиль эрге-влак, тиде пашам ончен лекса да мом ышташ каласыза».8Уло калык ик еҥ семын каласен: «Нигӧ мемнан кокла гыч шке омашышкыже, шке мӧҥгышкыжӧ ок кай.9Ме Гива дене теве мом ыштена: тудын ӱмбак шереван ончыктымыж почеш каена.10Чыла Израиль тукымышто кажне шӱдӧ еҥ деч лу еҥым, тӱжем деч шӱдӧ еҥым да лу тӱжем деч тӱжем еҥым налына. Тек нуно мемнан сарзывийлан кочкыш шапашым муын кондат. А сарзе-влак Вениамин мландысе Гева ола ваштареш каят да тудын Израильыште ыштыме шакше пашажлан ӱчым шуктат».11Тыге израильтян-влак тиде ола ваштареш каяш ик ой дене погыненыт.12Израиль тукым-влак пӱтынь Вениамин тукымлан тыге каласаш колтеныт: «Могай йырнык паша тендан дене ышталтын!13Гиваште улшо нине йӧрдымӧ еҥ-влакым пуыза. Ме нуным пуштына, Израиль гыч осалым кораҥдена». Но Вениамин эрге-влакын шке израильтян иза-шольыштым колыштмышт шуын огыл.14Израильтян-шамыч дене кредалаш манын, нуно шке олалашт гыч Гиваш погыненыт.15Тиде кечын Вениамин эрге-влак шке олалашт гыч кердым нумалше коло куд тӱжем еҥым погеныт. Тидын деч посна Гиваште илыше-влак кокла гыч виян шымшӱдӧ сарзе лийын.16Чыла нине сарзе коклаште виян шымшӱдӧ шолагай еҥ лийын. Нунын кокла гыч кажныже, шӱштӱштӧ дене кӱм кышкен, ӱп пырчыш логалтен кертын.17А израильтян-влакын чотышт, тышке Вениамин тукым пурен огыл, кердым нумалше нылшӱдӧ тӱжемыш погынен. Нуно чыланат уста сарзе лийыныт.18Израильтян-влак Вефильыш миеныт да Юмо деч йодыныт: «Вениамин эрге-влак дене кредалаш мемнан кокла гыч кӧ икымше кая?» Господь вашештен: «Ончыч Иуда кая».19Эрдене израиль эрге-влак кынелыныт да станыштым Гива воктене шогалтеныт.20Вара, Вениамин эрге-влак дене кредалаш манын, Гива ваштареш рат дене лектын шогалыныт.21Вениамин эрге-влак Гива гыч лектыныт да ӱмбакышт кержалтыныт, тудо кечын нуно коло кок тӱжем израильтяным кырен шалатеныт.22Угыч вийым поген, израильтян-влак икымше кечын кредалме верыш адакат рат дене лектын шогалыныт.23Тидын деч ончыч нуно Господь ончылно кас марте шортыныт да Тудын деч йодыныт: «Вениамин эрге-влак дене, шке иза-шольына-шамыч дене, мыланна адакат кредалаш кайыман мо?» Господь каласен: «Ваштарешышт кайыза».24Тыгеракын, израильтян-влак кокымшо кечынат Вениамин эрге-шамыч ваштареш тарваненыт.25Вениамин эрге-влакат кокымшо кечын нунын ваштареш Гива гыч лектыныт да кердым нумалше эше латкандаш тӱжем израильтяным кырен шалатеныт.26Тунам Израильын уло сарзывийже Вефильыш толын да тушто Господь ончылно шортын шинчен. Тудо кечын нуно кас марте пӱтым кученыт да Господьлан йӱлалтен пуымо надыр ден татулык надырым конденыт.27Израиль эрге-влак Господь деч каҥашым йодыныт. Юмын ойпидыш шондыкшо тунам Вефильыште лийын,28тушто Финеес, Ааронын Елеазар эргыжын эргыже, служитлен. «Вениамин тукым иза-шольына-влак дене мыланна кредалаш лекташ але уке?» – йодыныт нуно. Господь вашештен: «Кайыза. Эрла Мый нуным тендан кидыш пуэм».29Израиль сарзывийын ик ужашыже Гива йыр шылын шинчын.30Кумшо кечын израильтян-влак Вениамин эрге-шамыч дене кредалаш каеныт да ончычсо семынак Гива деке рат дене лектын шогалыныт.31Вениамин тукым эрге-влак нунын ваштареш лектыныт да ола дечын торленыт. Нуно израильтян-влакым ончычсо семынак корнымбалне пуштедаш тӱҥалыныт. Ик корныжо Вефильыш, весыже пасу гоч Гиваш наҥгая улмаш. Чылаже нуно кумло наре израильтяным пуштыныт.32Вениамин эрге-влак ойленыт: «Ме нуным ончычсо семынак кырена». А израильтян-влак каласеныт: «Чакнен куржына да нуным ола дечын корно велыш наҥгаена». [Нуно тыгак ыштеныт.]33Израиль сарзе-влак, шке верыштым коден, Ваал-Тамар воктеке лектын шогалыныт. Тыгак Геван касвел могыржо гыч шылын шинчыше израильтян-влак лектыныт да кредалаш пижыныт.34Гива деке Израильын лу тӱжем эн тале сарзыже толын, да пеш кугу кредалмаш тӱҥалын. Вениамин эрге-влак сеҥалтына манын шонен огытыл,35но Господь тыге ыштен – нуным израильтян-шамыч кырен шалатеныт. Тиде кечын израильтян-влак кердым нумалше коло вич тӱжемат шӱдӧ Вениамин тукым эргым пуштыныт.36Вениамин эрге-влак сеҥалтмыштым умыленыт.
Тыге лийын улмаш: израильтян-влак нунын деч чакнен каеныт – нуно Гива воктене шындыме засадылан ӱшаненыт.37Тунам засадыште шинчыше-влак Гива ӱмбак керылтыныт. Нуно олашке пуреныт да тушто улшо чыла еҥым керде дене пытареныт.38А израильтян-влак засадыште шинчыше сарзе-шамыч дене кутырен келшеныт улмаш: ола гыч шикш нӧлталтмеке,39нуно кредалме верышт гыч чакнен каят. Вениамин тукым эрге-влак израильтян-шамычым пуштедаш тӱҥалыныт, кумло наре еҥым пытареныт. Нуно ойленыт: «Израильтян-влакым ончычсо семынак кырен шалатена».40Но тунам ола ӱмбалне шикш меҥге нӧлталтын. Вениамин эрге-влак шеҥгекыла савырнен ончалыныт да ужыныт: уло олам шикш авалтен, тудо кава дек шуэш!41Тиде жапыште израильтян-влак нунын велыш савырненыт. Вениамин эрге-шамычым лӱдмаш авалтен, нуно ойгыш логалмыштым умыленыт42да израильтян-влак деч ир мланде велыш куржыныт. Нуным почешышт поктен каеныт, а ола гыч лекше-влак авырен пуштеденыт.43Вениамин эрге-влакым авырен, израильтян-шамыч нуным Нуа гыч Гиван эрвел могыржо марте пуштеден каеныт.44Вениамин эрге-влак кокла гыч латкандаш тӱжем еҥ пытен, нуно чыланат виян сарзе лийыныт.45Утлен кодшо-шамыч савырненыт да ир мланде могырыш, Риммон кӱ курык деке, куржыныт. Тунам израильтян-влак тиде корнышто эше вич тӱжем еҥым пуштыныт. Почешышт нуно Гидом марте каеныт да эше кок тӱжем еҥым пытареныт.46Тиде кечын Вениамин тукым эрге-влак кокла гыч чылаже кердым нумалше коло вич тӱжем еҥым пуштыныт. Нуно чыланат виян сарзе лийыныт.47Кодшо кудшӱдӧ еҥ ир мландыш, Риммон кӱ курык деке, куржын да тушто ныл тылзе лийын.48А израильтян-влак кодшо Вениамин тукым еҥ-шамыч деке каеныт да [олалаштышт] мо лийын – айдемым, вольыкым – керде дене пытареныт, а корныштышт логалше ола-влакым йӱлалтеныт.
Тыге лийын улмаш: израильтян-влак нунын деч чакнен каеныт – нуно Гива воктене шындыме засадылан ӱшаненыт.37Тунам засадыште шинчыше-влак Гива ӱмбак керылтыныт. Нуно олашке пуреныт да тушто улшо чыла еҥым керде дене пытареныт.38А израильтян-влак засадыште шинчыше сарзе-шамыч дене кутырен келшеныт улмаш: ола гыч шикш нӧлталтмеке,39нуно кредалме верышт гыч чакнен каят. Вениамин тукым эрге-влак израильтян-шамычым пуштедаш тӱҥалыныт, кумло наре еҥым пытареныт. Нуно ойленыт: «Израильтян-влакым ончычсо семынак кырен шалатена».40Но тунам ола ӱмбалне шикш меҥге нӧлталтын. Вениамин эрге-влак шеҥгекыла савырнен ончалыныт да ужыныт: уло олам шикш авалтен, тудо кава дек шуэш!41Тиде жапыште израильтян-влак нунын велыш савырненыт. Вениамин эрге-шамычым лӱдмаш авалтен, нуно ойгыш логалмыштым умыленыт42да израильтян-влак деч ир мланде велыш куржыныт. Нуным почешышт поктен каеныт, а ола гыч лекше-влак авырен пуштеденыт.43Вениамин эрге-влакым авырен, израильтян-шамыч нуным Нуа гыч Гиван эрвел могыржо марте пуштеден каеныт.44Вениамин эрге-влак кокла гыч латкандаш тӱжем еҥ пытен, нуно чыланат виян сарзе лийыныт.45Утлен кодшо-шамыч савырненыт да ир мланде могырыш, Риммон кӱ курык деке, куржыныт. Тунам израильтян-влак тиде корнышто эше вич тӱжем еҥым пуштыныт. Почешышт нуно Гидом марте каеныт да эше кок тӱжем еҥым пытареныт.46Тиде кечын Вениамин тукым эрге-влак кокла гыч чылаже кердым нумалше коло вич тӱжем еҥым пуштыныт. Нуно чыланат виян сарзе лийыныт.47Кодшо кудшӱдӧ еҥ ир мландыш, Риммон кӱ курык деке, куржын да тушто ныл тылзе лийын.48А израильтян-влак кодшо Вениамин тукым еҥ-шамыч деке каеныт да [олалаштышт] мо лийын – айдемым, вольыкым – керде дене пытареныт, а корныштышт логалше ола-влакым йӱлалтеныт.
Institute for Bible Translation, Finland