Иов42
1Иов Господьлан тыге вашештен:2«Мый палем: Тый чыла кертат,мом ышташ шонет, тудым ыштет.3Тый йодыч: ”Кӧ тый улат,Мыйын ышташ шонымем нимом умылыде ӱмылтышӧ?”Чынжымак, мом умылен омыл, тидын нерген ойленам,ойленам мылам ыҥлаш лийдыме, ӧрыктарыше паша-влак нерген.4Тый каласышыч: ”Колышт Мыйым, Мый ойлаш тӱҥалам.Мый йодышташ тӱҥалам, а тый Мылам умылтаре”.5Тыйын нергенет мый колынам веле улмаш,а кызыт Тыйым шинчам дене ужым.6Сандене чыла ойлымем деч кызыт шӧрлем,ӱмбакем пурак ден ломыжым шавен, мый ӧкынем».7Иовлан чыла тидым ойлымеке, Господь Феман гыч Елифазлан каласен: «Тылат да кок йолташетлан Мыйын шыдем ылыжын: те Мыйын нергенем Иов тарзем семын чын ойлен огыдал.8Сандене, шым самырык ӱшкыж ден шым тагам налын, Мыйын Иов тарзем дек кайыза да шкаланда верч йӱлалтен пуымо надырым кондыза. Мыйын Иов тарзем тендан верч кумалеш, Мый тудын кумалмыжым шотыш налам да ушдымын ойлымыланда тендам мут кучаш ом шогалте. Вет те Мыйын нерген Иов тарзем семын чын ойлен огыдал».9Тунам Феман гыч Елифаз, Савхей гыч Вилдад, Наама гыч Софар каеныт да Господьын кӱштымыж семынак ыштеныт, да Господь Иовын кумалмыжым шотыш налын.10Иовын шке йолташыж-влак верч кумалмекше, Господь тудлан мом йомдарымыжым пӧртылтен. Господь Иовлан ондак мо улмыж деч кок пачаш шукырак пуэн.11Тудын дек чыла иза-шольыжо, ака-шӱжарже, ончычсо палымыже толыныт. Нуно тудын дене пырля пӧртыштыжӧ кочкыныт, Господьын колтымо туткар-влак деч тудым чаманен лыпландареныт. Кажныже тудлан ик кеситам да шӧртньӧ кӧржым пуэн.12Иовын пытартыш ийлажым Юмо ончычсыж деч утларак суапландарен. Тудын латныл тӱжем вуй тыгыде вольыкшо, куд тӱжем верблюдшо, тӱжем мужыр ӱшкыж ден тӱжем ава осёлжо лийын.13Тудын эше шым эргыже да кум ӱдыржӧ шочыныт.14Икымше ӱдыржым тудо Емима, кокымшыжым Кассия, а кумшыжым Керенгаппух манын лӱмден.15Мланде ӱмбалне Иовын ӱдыржӧ гай мотор ӱдырамаш-влак лийын огытыл. Ачашт нунылан югыпогым иза-шольышт дене тӧр пуэн.16Тидын деч вара Иов эше шӱдӧ нылле ий илен, шке эргыж ден уныкаже-влакым нылымше тукым марте ужын.17Иов чот шоҥгеммеке, кужу ӱмырым илен эртарымеке колен.
Institute for Bible Translation, Finland