Иов41
1Арам лиеш тудым кучаш шонымаш –ик гана тудым ужмо деч тый камвозат.2Уке тыгай лӱддымӧ еҥ, кӧ тудым тарваташ тоштеш.Кӧ гын тугеже Мыйын чурием ончылно шоген кертеш?3Кӧ Мыланем иктаж-мом пуэн,кудым Мый пӧртылтышаш улам?Кава йымалне мо уло – Мыйын чылажат.4Каласыде ок лий левиафанын йолжо,вий-куатше да сӧрал капораже нерген.5Кӧ тудын ӱмбал вургемжым кудашеш?Кок пачашан кӱртньӧ тувыржым кӧ шӱта?6Кӧ тудын умша капкажым почеш?Пӱйжӧ-влак тушто улыт шучко.7Тупыштыжо – чоткыдо колшӱмла койшо авыртыш-влак,ушымо улыт нуно пуйто печать дене.8Икте-весышт деке тыге чот чак кият,эсогыл юж нунын кокла гыч ок эрте.9Тыге чот пызненыт икте-весышт дек,пижын шинчыныт – ок лий нуным ойыраш.10Тӱрвынчеш тудо – волгыдо йолгыжеш,шинчаже ӱжара гай йошкаргын йӱла.11Умшаж гычын тул лектеш,тулойып-влак чоҥештат.12Возак ӱмбалне шолшо под гыч лекме семыннеррожшо гыч шикш нӧлталтеш.13Тудын шӱлышыжӧ ылыжта тулшолым,да умшаж гычын тул лектеш.14Шӱйыштыжӧ – вий,тудым ужмеке, шучкын чучеш.15Кап ужашыже-влак велыме кӱртньыла пеҥгыдын ушалтыныт,нуным тарваташ ок лий.16Шӱмжӧ тудын кӱ гай пеҥгыде,ӱлыл вакшкӱ гай чоткыдо.17Кунам тудо кынелеш, ӧрткат патыр-влак,лишеммыж деч лӱдын, нуно чакнат.18Тудын ваштареш керде лиеш вийдыме,умдо, кинжал да пикш тудым огыт сеҥе.19Кӱртньӧ тудлан олым дене иктак,а той – пуйто шӱйшӧ пушеҥге.20Пикш-влак деч тудо савырнен ок кудал,шӱштӱштӧ дене кышкыме кӱ-влак тудлан арва гай улыт.21Шугыньо тудлан пуйто олым пырче,умдын шӱшкен толмыжлан тудо воштылеш.22Мӱшкыр йымалныже – пӱсӧ мугыльо-влак,нунын дене тудо лавырам корен кая.23Ловыртата келге вӱдым пуйто подым,теҥызым тудо шолшо вартыш гайым ышта,24волгалтше кышам кода шке почешыже,теҥыз келгыт тунам чал ӱп гай коеш.25Уке мландымбалне тудын гай весе,Юмо тудым лӱддымым ыштен.26Чыла виян ӱмбаке онча тудо кӱшычын,кугешныше чыла янлык дене кугыжалана».
Institute for Bible Translation, Finland