Иов23
1Тидлан Иов тыге вашештен:2«Ончычсо семынак мутем мыйын кочо:кечкыжам гынат, Юмын кидше ӱмбалнем тыгаяк неле.3Палаш ыле, кушто Тудым муаш,кузе илыме верже дек лишемаш –4мый Тудлан шке пашам каласем ыле,шкем чыныш лукшо шомакым ойлем5да пален налам ыле – могай вашмутым Тудо пуа,умылем ыле – мом Тудо мылам каласа.6Тудо мый денем уло вий-куатше дене судитлалташ тӱҥалеш мо?Уке, Тудо мыйым колышт налеш ыле.7Тунам чын ыштыше еҥ Тудын дене ӱчашен кертеш ыле,да мыйын Судьям курымешлан мыйым титакдымыш луктеш ыле.8Но теве мый эрвелыш каем – Тудо уке,касвелыш каем – Тудым ом му,9иктажым ышта мо йӱдвелне – ом уж,кечывалвелыш савырна мо – ом шеклане.10Но мыйын корнем Тудо пала,тек шӧртньӧ семын мыйым левыктен терга –мый чытем.11Йолем Тудын корныжым тошка,тушечын мый нигуш кораҥын омыл.12Тудын кӱштымашыже-влакым шуктен шогенам,шомакше-влакым шӱмыштем араленам.13Но Тудо шонен пыштен гын, кӧ чарен кертеш?Мом шонымыжым Тудо ышта.14Мылам ышташ шонымыжым Тудо шукта,тыгайже Тудын ушыштыжо шуко уло.15Сандене мый Тудын ончылно чытырем,шоналтем гына, да мыйым лӱдмаш авалта.16Юмо мыйын ӧртем луктын,Чылакучышо мыйым лӱдыктен.17Пычкемыш толмо деч ончыч мый пытарыме лийын омыл,тӱп пычкемыш петыра мыйын чурием!
Institute for Bible Translation, Finland