Иов22
1Тунам Феман гыч Елифаз тыге каласен:2«Айдеме Юмылан пайдам конден кертеш мо?Эсогыл эн ушан айдеме пайдам шкаланже веле конда.3Могай суап Чылакучышылан тыйын чынлыкет деч?Тыйын чын илышет деч Тудлан могай пайда?4Юмо деч лӱдметлан мо Тудо тыйым титаклаш,тый денет судитлалташ тӱҥалеш?5Уке, тыйын осаллыкет кугу,титакет мучашдыме.6Иза-шольыч деч тый арам налынат залогым,еҥ-влакын пытартыш вургемыштым налынат.7Йӱмӧ шушо еҥлан вӱдым йӱаш пуэн отыл,шужышо еҥлан киндым чаманенат.8Виян еҥ озалана мланде дене,лӱмлӧ еҥ тушто илаш тӱҥалын.9Яра кид дене колтенат тулык ватым,нимо деч посна поктен колтенат тулык йочам.10Санденак тыйым оптыш-влак авыреныт,вучыдымо шучкылык тыйым лӱдыкта,11нимом от уж пычкемышыште,кугу вӱд тыйым петырен.12Юмо кава деч кӱшнӧ огыл мо?Ончал шӱдыр-влак ӱмбаке, нуно могай кӱшнӧ улыт!13Ойлет тый: ”Юмо мом пала?Пычкемыш вошт кертеш мо судитлен?14Тудо пыл шеҥгелне, сандене ок уж,каватӱр дене Тудо коштеш”.15Умбакшат ончычсо корным тошкаш шонет мо,осалым ыштыше-влакын корнышт дене коштнет?16Ӱмыр лугыч нуно пытарыме лийыныт,пуйто вӱдйогын нуным наҥгаен.17Ойленыт нуно Юмылан:”Кораҥ мемнан деч!Мом мыланна Чылакучышо ышта?”18А Тудо нунын пӧртыштым тӱрлӧ пого дене темен!Но осал еҥ-влакын шонен пыштымышт йот улыт мыланем!19Нунын туткарыш логалмыштым ужын, чын ыштыше-влак куанат,титакдыме-шамыч нуным воштылыт:20”Тушманна-влак пытарыме улыт,нунын деч мо кодшым тул пӧжген”.21Юмо дек лишем, Тудын дене сӧрасе,тунам тый декет суап толеш.22Тудын туныктымыжым колышт,шомакшым пыште шӱмышкет.23Чылакучышо дек пӧртылатда омашет гыч сулыкым кораҥдет гын,тый угыч нӧлталме лият.24Тый шӧртньым пурак шотеш,Офирысе шӧртньым эҥерысе кӱ шотеш ужаш тӱҥалат гын,25Чылакучышо тыйын шӧртнет,тыйын йылгыжше шиет лиеш.26Тунам тый Чылакучышылан куанет,вуетым Юмо дек вожылде нӧлталат.27Тудлан кумалат – Тудо тыйым колеш,да тый сӧрыметым шуктет.28Мом шонен пыштет – чыла шукталтеш,коштмо корнетым волгыдо волгалтараш тӱҥалеш.29Кунам иктаж-кӧ вуйжым сака,а тый кумалын йодат: ”Ты еҥым нӧлтал!” –ойгыш логалшым Юмо утара.30Утара эсогыл титаканым,ару кидетлан кӧра тудо утарыме лиеш».
Institute for Bible Translation, Finland