Иер8
1Тудо жапыште, – ойла Господь, – Иуда кугыжа ден он-влакын, иерей ден пророк-шамычын луштым, тыгак Иерусалимыште илыше-влакын луштым шӱгарышт гыч луктын кудалтат.2Нуным кече, тылзе да шӱдыр-влак ончылно кышкен пытарат, вет нине еҥ-шамыч нуным йӧратеныт, нунылан служитленыт да кумалыныт, нунын деч каҥашым йодыныт да ончылнышт вуйым савеныт. Нине лу-влак погымо да тойымо огыт лий, нуно мландымбалне терыс семын кияш тӱҥалыт.3А тиде осал калык гыч илен кодшо-влак чыла вере, кушко Мый нуным поктен колтем, колымашым илыш деч сайраклан шотлаш тӱҥалыт, – ойла Господь Саваоф. –4Каласе нунылан: Господь тыге ойла:”Камвочмеке, огыт кынел мо?Корно гыч кораҥмеке, мӧҥгеш огыт пӧртыл мо?5Молан тиде калык Мый дечем кораҥеш?Молан Иерусалим эре йомын коштеш?Умбакыжат шоялан ӱшанен, ынеж пӧртыл мӧҥгеш.6Колыштам Мый тӱткын,но нуно чыным огыт ойло.Осал пашажлан ӧкынен, нигӧ ок ман:’Мом мый ыштылам?’Сӧйыш чошышо имне семын кажныже шке корныж дене вашка.7Эсогыл каваште аист тудлан палемдыме жапым пала,тыгак кеде, вараксим да турня чоҥештен толмо жапым палат.А Мыйын калыкем Господьын тудлан мом палемдымыжым ок пале!8Кузе те ойледа: ’Ме мунло улына,Господьын законжо мемнан дене’,кунам закон туныктышо-влакын шояк возымыштзаконым шоякыш савырат?9Намысыш пурат мунлыеҥ-влак,ӧрыт, оптышыш логалыт.Нуно Господьын шомакшым кӱлдымыш луктыныт –кушто нунын мунлылыкышт?10Садлан Мый нунын ватыштым пуэм весе-влаклан,пасуштым – вес озалан.Вет нуно, изи гыч кугу марте,осалым ыштен, пайдам кычалыт,пророк гыч иерей марте чылан ондалкалат.11Нуно Мыйын калыкем айда-лийже эмлат,’тыныс, тыныс!’ ойлат, а тыныс уке.12Йырныкым ыштымышт деч нуно вожылыт мо?Уке, нимынярат огыт вожыл, огыт йошкарге.Садлан нуно вуйым пыштыше-влак дене пырля камвозыт,мут кучыктымо жап годым сӱмырен кудалтыме лийыт, – ойла Господь.13Мый нуным поген пытарем, – ойла Господь. –Виноград вондышто да смоква пушеҥгыште ик саскат ок код,лышташыштат кошка.Чыла, мом пуэнам, йомдарыме лиеш. 14’Мом ме шинчена?Айста чоткыдемдыме олалашке каена да тушто колена.Господь Юмына мыланна колаш палемден,аяр вӱдым мыланна йӱкта,вет Тудын ончылно ме сулыкыш пуренна.15Тынысым ме вучена, но нимогай поро уке,паремме жапым вучена, но лач шучкылыкым ужына’.16Дан гыч имне-влакын кроклымышт шокта,ожо-шамычын кугу йӱкын рокмалтымышт деч мланде чытырна!Толыт тушман-влак,мландым да тушто мо улым пӧжгат,олам да тушто илыше-шамычым пытарат.17Мый ӱмбакыда кишке-влакым, аяр кишке-влакым колтем.Уке нунын ваштареш юлымо мут,нуно тендам чӱҥгаш тӱҥалыт”», – ойла Господь.18Ойго мыйым темдалын,шӱм-чонем шӱлыкаҥын.19Тора эл гыч калыкемын йӧсын кычкырымыжым колам:«Уке мо Господь Сионышто?Уке мо тетла тушто Кугыжа?»«Молан нуно Мыйым шояк юмышт дене,йот, кӱлдымӧ юмышт дене шыдештареныт?»20Тӱредме жап пытыш, кеҥеж эртен кайыш,но ме утарыме огынал.21Калыкемын орлыкшым ужын, мыят орланем.Ойго мыйым авалтен, шучкылык леведын.22Уке мо бальзам Галаадыште?Уке мо тушто эмлызе?Молан калыкемлан уке пареммаш?
Institute for Bible Translation, Finland