Иер18
1Иеремийлан Господь деч тыгай шомак лийын:2«Кӧршӧк ыштышын пӧртышкыжӧ кай, тушто Мый тылат шке шомакем увертарем».3Мый кӧршӧк ыштышын пӧртышкыжӧ каенам да тудын пӧрдшӧ тыртыш дене пашам ыштымыжым ужынам.4Теве тудын кидыштыже шун гыч ыштыме атыже кӱлеш семын лектын огыл. Кӧршӧк мастар тудын гыч вес атым, шкаланже келшышым, ыштен.5Тунам мылам Господь деч шомак лийын:6«О Израиль тукым, тендан дене Мый тиде кӧршӧк ыштыше семын ыштен ом керт мо? – ойла Господь. – Мыйын кидыштем те, Израиль тукым, тудын кидыштыже улшо шун дене иктак улыда.7Иктаж калык але кугыжаныш нерген Мый ”тудым вожге куклем, сӱмырем да пытарем” манын каласен кертам.8Но пытараш шонымо тиде калык осал пашаж деч кораҥеш гын, Мый шке шонымем вашталтем, тудын ӱмбак туткарым ом колто.9А иктаж калык але кугыжаныш нерген Мый ”пеҥгыдемдем, вияным ыштем” манын каласен кертам,10но тудо Мыйын шинча ончылнем осалым ышта да Мыйын йӱкем колышташ ок тӱҥал гын, Мый тудлан суапым ышташ шонымем вашталтем.11Тыгеракын, Иуда калык ден Иерусалимыште илыше-влаклан каласе: ”Тыге ойла Господь: Мый тыланда туткарым ямдылем, тендан ваштареш сайым огыл шонем. Тек кажныже осал корныж гыч кораҥеш, илышыжым вашталта да уда пашам ыштымыжым чарна!”12Но нуно каласат: ”Итат вучо! Ме шонымына почеш илаш да осал, ӱскырт шӱмнан ӱжмыж почеш ышташ тӱҥалына”.13Сандене Господь тыге ойла:”Чыла калык деч йодса: кӧ тыгайым колын?Пеш йырнык пашам Израиль ӱдыр ыштен!14Коден кая мо лум Ливанысе кӱ курыкым?Умбачын йоген толшо йӱштӧ вӱд пыта мо?15А Мыйын калыкем Мыйым коден,ондалчык юмо-влаклан тӱтырен кумалеш,коштмо корныштыжо шӱртнен.Кораҥын тудо акрет корно гыч,кадыр йолгорно дене кызыт коштеш.16Шке мландыжым тудо шучкылыкыш,курымашле воштылчыкыш савырен!Кажныже, кӧ воктечше эртен кая,ӧрын колта да вуйжым рӱзалта.17Тушман ончылно Мый нунымэрвел мардеж семын шалатем,орлыкан кечышт годым нунын декчурий дене огыл, а туп дене савырнем”».18Но нуно каласеныт: «Толза, Иеремий ваштареш кутырен келшена, вет мыланна законым туныкташ иерей-влак улыт, каҥашым пуаш – мунлыеҥ-шамыч, шомакым ойлаш – пророк-влак. Толза, тудым шомакна дене сеҥена, мом ойлымыжым огына колышт!»19Кол мыйым, Господь!Тушманем-влак мом ойлат, колышт!20Порылан осал дене тӱлат мо?А нуно мылам вынемым кӱнченыт.Шарналте, кузе мый Тыйын ончылнет шогенамда, нине еҥ-влак деч шыдетым кораҥдаш манын,нунын верч поро шомакым ойленам.21Сандене йочаштым пу шужымашлан,кудалте нуным кердылан.Тек ватышт кодыт йоча деч посна, тулык вате лийыт,тек марийышт колат,самырык пӧръеҥыштым сарыште керде пуштеш.22Ӱмбакышт агыше тӱшкам вучыдымын колто,тек пӧртышт гыч магырыме йӱк шокта.Вет мыйым кучаш вынемым кӱнченыт,йолемлан оптышым шолып шынденыт.23Но Тый, Господь, шонымыштым палет –нуно мыйым пуштнешт,ит кудалте нунын титакыштым,сулыкыштым чурий ончычет ит ӱштыл.Пӧртылтӧ нунылан шыдешкымет годым,тек нуно ончылнет сӱмырен кудалтыме лийыт.
Institute for Bible Translation, Finland