Иер12
1Господь, кунам мый Тый денет судитлалташ тӱҥалам,Тый эре чыныш лектат.Но садак мый Тый денет чынлык нерген ойлаш тӱҥалам.Молан осал еҥ-влакын илышышт ворана,ондалыше-шамыч сайын илат?2Тый нуным шынденат – нуно вожым колтеныт,кушкыныт да саскам кондат.Умшашт дене Тыйын нергенет ойлат,но шӱмышт улыт Тый дечет тораште.3А мыйым, Господь, Тый палет да ужат,Тыйын нерген мом шонымем шымлет.А нуным шорык семын шӱшкылаш наҥгае,пуштмо кечылан ойырен ямдыле.4Эше мыняр жап мланде ойгыраш,пасуласе шудо лывыжгаш тӱҥалеш?Айдемын осал пашажлан кӧраянлык ден кайык-влак пытат, вет еҥ-шамыч ойлат:«Мо мемнан дене лиеш, Тудо ок уж».5«Тый йолешке-влак дене куржынат,да нуно тыйым улныктареныт гын,кузе тылат имне-влак дене таҥасаш?Тӧрверыштат камвозат гын,Иордан серысе чашкерлаште тый денет мо лиеш?6Эсогыл иза-шольыч-влак – шке ешет – тыйым ондаленыт,почешет кугу йӱкын кычкырат.Ит ӱшане нунылан сайын кутырымышт годымат.7Коден каенам Мый шке мландем,шке калыкем коденам,шӱмемлан мо эн шерге – тушман кидыш пуэнам.8Чашкерысе лев гай лийын Мыйын калыкем,кугемден тудо йӱкшым ӱмбакем,сандене Мыланем лийын ужмышудымо.9Мыйын калыкем ола-вула кайык гай лийын,тудын ӱмбак вилям кочшо моло кайык чыла могырым кержалтын.Чыла янлык, погынен толза!Толза Мыйын калыкем кочкаш!10Шуко кӱтӱчӧ Мыйын виноград аҥам локтылын,мландем тошкен пытарен,Мыйын йӧратыме мландем чара вершӧрыш савырен.11Ир мландыш тудым савыреныт,пустаҥше тудо Мыйын ончылнем шортеш.Пӱтынь мландым пустаҥденыт,вет тудын верч азапланыше нигӧ уке.12Ир мландысе курыкла гоч пустаҥдыше-влак толыныт,ик мланде тӱр гыч вес тӱрышГосподьын кердыже пытарен кая –ик еҥланат тыныс уке.13Шынденыт шыдаҥым – тӱредыныт пелчаным,пайдам налде, шкеныштым индыреныт,тыгай лектыш деч вожылмашыш пуреныт.Теве мом Господьын йӱлышӧ шыдыже ыштен!»14Шке калыкшын осал пошкудыжо-влак нерген, кӧмыт Израиль калыклан пуымо мландышке керылт пурат, Господь тыге ойла: «Мый нуным мландышт гыч луктын кудалтем, Иуда тукымымат нунын кокла гыч луктын шуэм.15Но, луктын кудалтымекем, Мый нине калыкым серлагем да кажныжым шочмо кундемышкыже, шке тукым мландышкыже пӧртылтем.16Ала-кунам нуно Мыйын калыкемым Ваал дене товатлаш туныктеныт. Но нуно ынде Мыйын лӱмем дене товатлаш да чынжымак Мыйын калыкем семын илаш тунемыт гын, нунын коклаште вожым колтат.17А кудо калык Мыйым ок колышт, тудым вожге куклем, тыгай калыкым пӱтынек пытарем», – ойла Господь.
Institute for Bible Translation, Finland