Ис62
1Сионлан кӧра мый ом шыплане,Иерусалимлан кӧра ом лыплане –эр ӱжара семын тудын чынлыкше нӧлталтмешке,йӱлышӧ факел семын тудын утарымашыже волгалтмешке.2Ужыт калык-влак чын ыштыметым,кугыжа-шамыч – тыйын чапетым.У лӱм дене тыйым лӱмдат,Господь тылат тудым пуа.3Господьын кидыштыже тый чапле вуйчием,Юметын копаштыже кугыжан вуйшӱдыш лият.4Тетла огыт лӱмдӧ тыйым «кудалтыме»,тыйын мландетым – «пустаҥдыме».Лӱмдаш тӱҥалыт тыйым «Господьын куанже»,мландетым – «Марлан налме»,вет тый Господьын куанже лият,Тудо мландетын Пелашыже лиеш.5Кузе самырык пӧръеҥ ӱдырым марлан налеш,туге калыкетын эргыже-влак мландым шкаланышт налыт.Кузе каче шке оръеҥжылан куана,тугак тыйын Юмет тылат куана.6Тыйын пырдыжлаштет, Иерусалим,орол-влакым шогалтенам –кечывалымат, йӱдымат нуно огыт шыплане.О те, Господь нерген шарныктарыше-влак, ида шыплане!7Иерусалимым угыч нӧлталмешкыже,тӱня мучко тиде олам чапланышым ыштымешкыже,Тудлан лым лийде кумалза.8Пурла кидше дене, виян кидше дене Господь товатлен:«Тушманлан шурнетым кочкаш тетла ом пу,ончен куштымо виноградет гыч ыштыме аракатымйот калык еҥ-влак огыт йӱ.9Кӧмыт шурным погеныт, нунак кочкаш да Господьым чаплаш тӱҥалыт.Кӧмыт виноградым погеныт, нунак йошкар аракамсвятой веремын кудывечыштыже йӱаш тӱҥалыт».10Эртыза, эртыза капка гоч!Калыклан корным ямдылыза!Шарыза, шарыза корным,кӱ-влакым кораҥдыза,калык-влаклан тистым нӧлталза!11Теве Господь мланде тӱр марте увертара:«Каласыза Сион ӱдырлан:”Теве тыйын Утарышет толеш!Тудын дене – чап пӧлек,Тудын чурий ончылныжо – пашалан пӧртылтымаш”».12Лӱмдат нуным «Святой калык», «Господьын Сулен налмыже-влак»,а тыйым – «Ужмо шумо», «Кудалтен кайыдыме Ола».
Institute for Bible Translation, Finland