Ис59
1Господьын кидше утарашлан кӱчык огыл,Тудын пылышыже колашлан пеҥгыде огыл.2Уке, Юмо деч тендам осал пашада ойырен,сулыкда тендан деч Тудын чурийжым шылтен,сандене Тудо тендам огеш кол.3Тендан кидда вӱр дене амырген,парняда – осал паша дене.Умшада шоякым ойла, йылмыда ондала.4Судышто нигӧ чынлык верч йӱкшым ок кугемде,нигӧ чын верчын ок шогал.Чылан яра шомаклан инанат, ойлат шоякым,кӧргыштышт осалым нумалыт, осал пашам шочыктат.5Пӱктат нуно кишке муным, эҥыремышвотым куат.Тыгай муным кочшо кола,пудырта гын тудым, лектеш тушеч шемгишке.6Эҥыремышвотышт дене ок лий ышташ вургемым,мом ыштымышт дене нуно леведалтын огыт керт.Пашашт нунын осал, кидышт темда да кыра.7Йолышт куржеш осалым ышташ,титакдыме вӱрым йоктараш вашка.Нунын шонымашышт осал,кайыме корныштышт – пустаҥдымаш ден пытымаш.8Тыныслык корным нуно огыт пале,йолгорныштышт уке чын ыштымаш.Корнышт нунын кадыр,кӧ тудын дене кая – тынысым ок пале.9Сандене чынлык мемнан деч тораште,чыным ыштымаш мемнан дек шуын огыл.Волгыдым вучена, но пычкемыште улына,ош кечым вучена, но тӱп пычкемыште коштына.10Пырдыжым ниялткален, сокыр семын каена,шинчадыме семын кидшӱм дене коштына.Рӱмбыкыштӧ коштмо семын кечывал кечын шӱртньылына,таза капкылан-влак коклаште пуйто колышо улына.11Маска семын мӱгырена ме чылан,кӧгӧрчен семын йӧсланен васланена. Чынлыкым вучена, но тудо уке,утарымашым вучена, но тудо тораште.12Тыйын ончылно ме шуко осалым ыштенна,сулыкна-влак мемнан ваштареш таныклат.Осал пашана-влак эре ончылнына улыт,шке титакнам ме палена.13Ӱшанле лийын огынал Господьлан, Тудын деч кораҥынна,шке Юмына дек тупынь савырненна,весе-влакым шыгыремдылын да ондалкален улына,шӱмыштына шояк мутлам шочыктенна.14Чын ыштымаш поктен колтымо лийын,чынлык торашке каен,олан погынымо верыштыже кере шӱртнен камвозын,чынле койыш тышке пурен ок керт.15Чын йомын, осал деч кораҥше еҥым шыгыремдылыт.Господь тидым ужын, чын укелык деч Тудо йырнен.16Ужын Тудо – нигӧ уке, ӧрын Тудо – пыдал налше уке.Тунам Шкенжын кидше Тудлан сеҥымашым конден,Шкенжын чынлыкше Тудлан полшен!17Чиен Тудо кӱртньӧ тувыр семын чын ыштымашым,утарымаш ӧшлӧкым вуйышкыжо упшалын,ӱчым шуктымашым вургем семын чиен,кугу шыде дене Шкенжым пуйто плащ дене леведын.18Тудо нунылан пашашт почеш пӧртылта:ваштареш шогышо-влак ӱмбаке кугу шыдыже йога,ӱчым шукта нунылан, мутым кучыкта отро-влакланат.19Господьын лӱмжӧ деч лӱдаш тӱҥалыт касвелне,Тудын чапше деч лӱдыт эрвелне,вет гӱжлышӧ эҥер семын тушман толеш,Господьын шӱлалтышыже тудым покта.20«Сулен налше толеш Сионыш,язык деч кораҥше Иаков тукым эрге-влак деке Тудо толеш», –увертара Господь.21Господь нунылан ойла: «Теве Мыйын ойпидышем:Мыйын Шӱлышем – тыйын ӱмбалнет,Мый шке шомакем пыштенам умшашкет.Ты шомак тыйын умшаштет, йочат-влакын умшаштышт,нунын йочашт-влакын умшаштышткызыт да курым-курымеш лиеш». –Тыге ойла Господь.
Institute for Bible Translation, Finland