Ис40
1«Лыпландарыза, лыпландарыза Мыйын калыкем! –тендан Юмыда ойла. –2Тыматлын кутырыза Иерусалим дене,увертарыза тудлан – неле жапше пытен,титакше кудалтыме,вет чыла сулыкшылан Господь кок пачаш пӧртылтен».3Ир мландыште кычкырышын йӱкшӧ шокта:«Господьлан корным ямдылыза!Кукшо мландыште Юмынан йолгорныжым вияшым ыштыза!4Тек корем-влак темыт,чоҥга ден курык-шамыч иземыт,тӧр огыл мланде тӧремеш,лакылан корно-влак тӧр лийыт!5Господьын чапше почылтеш,да [Юмын утарымашыжым] чыла илыше ужеш».Чыла тидым Господьын умшаже ойлен.6Йӱк ойла: «Увертаре!»Мый йодым: «Мом увертараш?»«Кажне айдеме – шудо гай,тудын пеҥгыдылыкше – олык пеледышын гай.7Кунам Господь шӱлалта,шудо кошка, пеледыш йога –чынжымак, айдемат шудо гаяк улеш.8Шудо кошка, пеледыш йога,а Юмынан шомакше курымешлан кодеш».9Поро уверым кондышо Сион,кӱкшӧ курыкыш кӱзӧ!Поро уверым кондышо Иерусалим,шке йӱкетым кугемде!Кугемде йӱкетым, ит лӱд!Иудан олаже-влаклан каласе:«Теве тендан Юмыда!»10Теве Господь Юмо шке вий-куатше дене толеш,Тудын куатан кидыштыже – кучемвий.Теве, Тудын дене – суап,Тудын чурий ончылныжо – пӧлек.11Кӱтӱчӧ семын Тудо шке кӱтӱжым кӱташ тӱҥалеш,налеш кидышкыже пача-влакымда оҥжо пелен нумалаш тӱҥалеш,вӱден кая нунын аваштым.12Кӧ теҥыз вӱдым шке кормыжшо дене,а кавам шеч дене висен?Кӧ висыме атыш мланде пуракым вераҥден,виса дене курык-влакым,пезмен дене кӱкшака-влакым висен?13Кӧ Господьын Шӱлышыжым виктарен,Тудлан каҥашым пуышо лийын да Тудым туныктен?14Кӧ деч Тудо каҥашым йодеш?Кӧ Тудлан ушым шында,Тудым чын корныш виктара?Кӧ Тудым туныктен шога,Тудлан мунлылык корным ончыкта?15Теве калык-влак ведрасе вӱд чӱчалтыш гай,висаште улшо пурак гай улыт.Отро-влакым Тудо ошма пырче семын нӧлталеш.16Надыр туллан Ливан чодыра ок сите,йӱлалтен пуымо надырым кондаш янлыкше-влак лийыт шагал.17Калык-влак Тудын ончылно – нимо,улыт нуно Тудлан укелык да пусталык.18Тыгеракын, кӧ дене те Юмым таҥастареда?Мом Тудын гайым муыда?19Шояк юмым вела кидмастар,шӧртньыӱзгар мастар тудым комыжла шӧртньӧ денеда тушко ший шинчырым ыштен сака.20А кӧ тидым ышташлан йорло,ойырен налеш чоткыдо пушеҥгым,кычал муэш кидмастарым,тудыжо тудлан пеҥгыдын шогышо шояк юмым ышта.21Те огыда пале мо, колын огыдал мо?Тыланда тӱҥалтыш гычак каласыме лийын огыл мо?Тӱням ыштыме жап гычак умылен огыдал мо?22Шинча Тудо каватӱр ӱмбалне,а мландымбалне илыше-влакТудын ончылно шудышырчык гай улыт.Вичкыж куэм семын Тудо кавам шарен,вынер омаш семын тудым шаралтен.23Он-влакым Тудо нимош савыра,мландымбалысе судья-влакым укеш луктеш.24Нуно але шындыме, ӱдымӧ гына улыт,вожым колташ веле тӱҥалыныт –Тудо ӱмбакышт шӱлалта, да нуно кошкат,олым семын нуным тӱтан мардеж наҥгая.25«Кӧ дене те Мыйым таҥастареда,кӧ Мыйын гаем уло?» – йодеш Святой Юмо.26Нӧлталза вуйдам да кавашке ончалза:кӧ чыла тидым ыштен?Тудо, Кӧ каваште мо улым шотлен луктешда кажныжым шке лӱмжӧ дене лӱмда.Тудын кугу куатан да виян улмыжлан кӧранунын кокла гыч иктат йомын огыл.27Кузе тый, Иаков, тыге ойлетда тый, Израиль, кутырет:«Мыйын корнем Господь деч петырыме,мыйын пашам Юмем монден»?28Тый от пале мо? Колын отыл мо?Господь – курымаш Юмо,пӱтынь мландым ик мучаш гыч вес мучаш марте Ыштыше.Тудо ок нойо, ок улно,уш-акылже Тудын шымлаш лийдыме.29Нойышо еҥлан Тудо вийым пуа,ӱнардыме-влакым пеҥгыдемда.30Рвезе-шамычат ноят да пыта ӱнарышт,самырык еҥ-влак шӱртнят да камвозыт,31а Господьлан инаныше-влак у вийым налыт:арыслангайык семын шулдырыштым шарат,куржыт – огыт нойо, каят – огыт улно.
Institute for Bible Translation, Finland