Ос3
1Господь мылам каласен: «Кай да йӧратыше пӧръеҥже улмо ӱмбач яжарланен коштшо ӱдырамаш дек йӧратымашым ончыкто. Тудым туге йӧрате, кузе Господь Израиль эрге-влакым йӧрата, кеч нунышт вес юмо-влаклан кумалыт да нунын изюмыштым йӧратат».2Тиде ӱдырамашым мый латвич ший окса да икытат пеле хомер шожлан налынам.3Мый тудлан каласенам: «Тыште мый денем шуко жап илышаш улат. Ит яжарлане, нимогай пӧръеҥ дене ит лий, мыят тый денет ом мале».4Израиль эрге-влакат кужу жаплан кугыжа ден вуйлатыше, надыр ден кумалме меҥге, ефод ден юмын статуйжо деч посна кодыт.5Тидын деч вара Израиль эрге-влак угыч Господь Юмыштым да Давид кугыжаштым кычалаш тӱҥалыт. Пытартыш кечылаште нуно Господь ончылно да Тудын порылыкшо ончылно лӱдын илаш тӱҥалыт.
Institute for Bible Translation, Finland