Тӱҥ35
1Юмо Иаковлан каласен: «Тарване, Вефильыш кай да тушто илаш тӱҥал. Исав изатын чурийже деч куржмет годым тылат кончышо Юмылан тушто жертвенникым ыште».2Иаков шке мӧҥгысыжӧ-влаклан да пеленже улшо чыла еҥлан манын: «Пеленда налме чыла йот юмо-влакым шуэн кодыза, эрныме йӱлам эртыза, вургемдам вашталтыза.3Ме тарванена да Вефильыш каена. Эҥгекыш логалме кечын мыйым колшо да коштмо корныштем эре пеленем улшо [да арален шогышо] Юмылан тушто мый жертвенникым ыштем».4Пеленышт кондыштмо йот юмо-влакым, пылышешышт сакыме кӧржыштым нуно чыла Иаковлан пуэныт. Иаков чыла тидым Сихем воктене шогышо тумо йымалан урен коден. [Тачысе кече мартеат нуно тыгак кодыныт.]5Вара [Сихем гыч] нуно чыланат корныш тарваненыт. Воктене улшо олалашке Юмо лӱдмашым колтен, сандене Иаковын эргышт-влакым поктен толын огытыл.6Тыге Иаков шкежат, пеленже улшо чыла еҥ-влакат Ханаан мландыште верланыше Лузыш, але вес семынже Вефильыш, толын лектыныт.7Тушан Иаков жертвенникым ыштен да тиде верым Эль-Вефиль манын лӱмден. [Исав] изаж деч шылын куржмыж годым тиде верыште тудлан Юмо кончен улмаш.8Вара Девора, Ревеккам изинекак ончен куштышо ӱдырамаш, колен. Тудым Вефиль деч ӱлнырак тумо йымалан тоеныт. Иаков тумым «шортмаш тумо» манын лӱмден.9Иаковын Месопотамий гыч пӧртылмекыже, Юмо тудлан адакат [Лузышто] кончен да тудым суапландарен.10Юмо тудлан манын: «Тыйын лӱмет Иаков, но тетла тыйым Иаков манын лӱмдаш огыт тӱҥал, тыйын лӱмет Израиль лиеш». Тыге Юмо тудлан Израиль лӱмым пуэн.11Юмо тудлан эше тыге каласен: «Мый Чылакертше Юмо улам. Тӱлаҥ, шукем. Тый дечет шуко калык шочеш, тукымет гыч кугыжа-влак лектыт.12Авраам ден Исааклан пуымо мландем Мый тыланет пуэм, тый дечет вара ты мландым тукымет-влакланат кодем».13Тидын деч вара Юмо тушеч каен.14Юмын тудлан кутырымо вереш Иаков шарныктышым, кӱ шарныктышым, шогалтен. Тудын ӱмбак йошкар аракам, олив ӱйым опталын.15Юмын тудын дене кутырымо вержым Иаков Вефиль манын лӱмден.16Вара нуно Вефиль гыч каеныт. [Шке омашыж-влакым тудо Гадер башне вес могыреш шогалтен.] Ефрафа марте икмыняр уштыш кодын улмаш – Рахиль азам ышташ тӱҥалын. Аза йӧсын шочын.17Азам ыштен йӧсланымыж годым павышка тудлан ойлен: «Ит лӱд, тыйын эрге аза шочын».18Рахиль колаш тӱҥалын, чонжо лекме годым эргыжлан Бенони лӱмым пуэн коден. Но ачаже тудым Вениамин манын лӱмден. 19Рахиль колен. Тудым Ефрафаш – вес семынже Вифлеемыш – кайыме корно ӱмбалан тоеныт.20Шӱгарже ӱмбалан Иаков шарныктыш кӱм шогалтен. Рахильын шӱгарӱмбал шарныктышыже кызыт мартеат шога.21Вара Израиль умбаке каен, Гадер башне вес могыреш омашыж-влакым шогалтен.22Израильын ты элыште улмыж годым Рувим эргыже каен да [Иаков] ачажын Валла кулватыж дене мален лектын. Тидым Израиль пален налын [да шыдешкен].
А эргыже Иаковын латкокыт улмаш.23Лия деч шочшо эргыж-влак: Иаковын Рувим кугэргыже, тудын почеш Симеон, вара Левий, Иуда, Иссахар да Завулон.24Рахиль деч шочшо эргыж-влак: Иосиф ден Вениамин.25Рахильын Валла тарзе ӱдырамашыж деч шочшо эргыж-влак: Дан ден Неффалим.26Лиян Зелфа тарзе ӱдырамашыж деч шочшо эргыж-влак: Гад ден Асир. Иаковын чыла нине эргыж-влак Месопотамийыште шочыныт.27Тыге Иаков Исаак ачаж деке, [тудыжо эше илыше лийын, Ханаан мландыште улшо] Мамрешке, Кириаф-Арбашке – вес семынже Хевронышко – толын лектын. Туштак ожно Авраам ден Исаак иленыт.28Исаак шӱдӧ кандашле ийым илен.29Вара Исаакын чонжо лектын, да тудо колен. Чот шоҥгемше, кужу да тӱвыргӧ ӱмырым илыше, тудо шке ача-кочаж-влак деке каен. Тудым Исав ден Иаков эргыж-влак тоеныт.
А эргыже Иаковын латкокыт улмаш.23Лия деч шочшо эргыж-влак: Иаковын Рувим кугэргыже, тудын почеш Симеон, вара Левий, Иуда, Иссахар да Завулон.24Рахиль деч шочшо эргыж-влак: Иосиф ден Вениамин.25Рахильын Валла тарзе ӱдырамашыж деч шочшо эргыж-влак: Дан ден Неффалим.26Лиян Зелфа тарзе ӱдырамашыж деч шочшо эргыж-влак: Гад ден Асир. Иаковын чыла нине эргыж-влак Месопотамийыште шочыныт.27Тыге Иаков Исаак ачаж деке, [тудыжо эше илыше лийын, Ханаан мландыште улшо] Мамрешке, Кириаф-Арбашке – вес семынже Хевронышко – толын лектын. Туштак ожно Авраам ден Исаак иленыт.28Исаак шӱдӧ кандашле ийым илен.29Вара Исаакын чонжо лектын, да тудо колен. Чот шоҥгемше, кужу да тӱвыргӧ ӱмырым илыше, тудо шке ача-кочаж-влак деке каен. Тудым Исав ден Иаков эргыж-влак тоеныт.
Institute for Bible Translation, Finland