Иез7
1Мыланем Господьын шомакше лийын:2«Айдеме эрге, [каласе:] Израиль мландылан Господь Юмо тыге ойла:Мучаш! Ик тӱр гыч вес тӱр мартетиде мландылан мучаш толын!3Мучаш тылат толын!Ӱмбакет Мый шке шыдем опталам,тыйым коштмо корнет почеш судитлем,чыла йырнык пашатлан мутым кучыктем.4Мый тыйым ом чамане, ом серлаге,коштмо корнет ден йырнык пашатлан мутым кучыктем.Тунам пален налыда: Мый Господь улам.5Тыге ойла Господь Юмо:Ойго толеш, нигунам лийдыме ойго!6Мучаш толеш, толеш мучаш!Тудо тый декет толаш помыжалтын!Теве тудо лишемеш,7тый декет, тиде мландыште илыше калык,мут кучыктымо жап толын шуэш!Жап шуэш, тиде кече лишне:курыклаште куанен кычкырымаш огыл,а пудыранчык йӱк шокташ тӱҥалеш.8Вашке Мый ӱмбакет уло шыдем опталам,тыйын ӱмбакет кугу шыдем савырем.Коштмо корнет почеш тыйым судитлем,чыла йырнык пашатлан мутым кучыктем.9Мый тыйым ом чамане, ом серлаге,коштмо корнет ден йырнык пашатлан тылат пӧртылтем.Тунам пален налыда:Мый мутым кучыктышо Господь улам!10Теве тудо кече!Толын шуын, мут кучыктымо жап толын!Кырыме тоя пеледалтын,кугешнымаш чот тӱзланен.11Темден илымаш осал-влакым наказатлыше пондыш савырнен!Нунын деч нимо ок код: поянлыкыштат,веселитлен лӱшкымыштат, лӱмнерыштат. 12Толын жап, толын шуын кече!Кӧ налын – ынже куане,кӧ ужален – ынже ойгыро,вет чылаштын ӱмбаке шыде велеш.13Нуно илыше кодыт гынат,ужалыше еҥ ужалыме мландышкыже ок пӧртыл. Вет нунын шотышто кончымаш садак шукталтеш,сулыкышто илыше еҥ шке чонжым ок утаре.14Пучым пуалтат, чылан ямдылалтыт,но кредалаш нигӧ ок лек,вет Мыйын шыдем тиде калык ӱмбак йога.15Тӱжвалне – керде,а пӧртыштӧ – шучко чер ден шужымаш.Кӧ пасушто – керде деч кола,кӧ олаште – шучко чер ден шужымаш пытарат.16А утаралт кодшо куржеш,лапверысе кӧгӧрчен семын курыклаште лиеш.Кажныже тунам шке сулыкшылан кӧра васараш тӱҥалеш.17Кидышт лушка,пулвуйышт вийдыме лиеш.18Чият нуно чоштыра вургемым,лӱдын чытырымаш нуным авалта.Кажне чурийым вожылмаш леведеш,вуйышт нӱжымӧ лиеш.19Шийыштым луктын кудалтат уремыш,шӧртньышт йырнык лиеш.Господьын шыдыже кечын нунымший-шӧртньышт ок керт утарен.Тудо шужымыштым ок пытаре,мӱшкырыштым ок теме,вет ший-шӧртньылан кӧра нуно сулыкыш пуреныт.20Мотор сӧрастарышышт дене нуно кугешненыт,тӱрлӧ йырнык полганым тиде ший-шӧртньӧ гыч ыштеныт.Сандене Мый тыге ыштем:чыла тиде ший-шӧртньӧ нунылан йырнык лиеш.21Мый чыла тидым йот тукым кидыш пуэм,осал еҥ-влак тудым поген налыт да шакшылат.22Мый нунын деч чурием савырем,да тунам святой веремым шакшылат,тушко агыше-влак толыт,тудым шакшылат!23Шинчырым ямдыле,вет тиде мланде вӱрым йоктарыше осал паша дене темын,тиде олам пызырымаш авалтен.24Мый эн осал калык-влакым кондем,нуно пӧртдам поген налыт.Виян-влакын кугешнымыштлан мучашым ыштем,нунын кумалме верышт шакшылыме лийыт.25Шучкылык толеш!Тӱҥалыт тынысым кычалаш, но огыт му.26Ойго почеш ойго,увер почеш увер толаш тӱҥалыт.Арам пророк деч кончымашым йодыт,иерей тетла ок туныкто,кугурак еҥ каҥашым ок пу.27Кугыжа ойгыраш тӱҥалеш,оным ӧрткымаш авалта,элысе калыкын кидше чытыраш тӱҥалеш.Пашашт почеш Мый нунылан пӧртылтем,нунын судышт дене шкеныштым судитлем.Тунам пален налыт: Мый Господь улам!»
Institute for Bible Translation, Finland