Иез28
1Мылам Господьын шомакше лийын:2«Айдеме эрге! Тирын вуйлатышыжлан каласе: ”Тыге ойла Господь Юмо:Шкендым кӱш шынден, тый ойлет:’Улам юмо, теҥыз покшелне юмын престолышто шинчем’.Кеч тый Юмо огыл, а айдеме улат,шке ушетым Юмын ушыж дене иктӧр шындет.3Улат тый Даниил деч мунлырак,тылат нимо палыдыме уке.4Мунло да ушан улметлан кӧра улан илаш тӱҥалынат,поянлыкым аралыме верышкет шӧртньӧ ден шийым погенат.5Торгаен моштымет дене поянлыкет шукемденат,поян лийметлан кӧра кугешнаш тӱҥалынат.6Садлан Господь Юмо тыге ойла:шке ушетым Юмын дене иктӧр шындыметлан7Мый тыйын ӱмбакет йот еҥ-влакым,эн осал калык-шамычым кондем.Чапланыше мунлылыкет ваштареш нуно кердыштым луктытда чапетым шӱктарат.8Нуно тыйым шӱгарыш шуктат,теҥыз келгытыште тый шучкын колет.9Каласет мо тунам пуштшет-влак ончылно:’Мый юмо улам’?Нунын кидыштышт тый юмо огыл, а айдеме улат.10Йот еҥ-шамычын кидышт дечтый пӱчдымӧ-влак семын колет.Тидым Мый каласенам, – ойла Господь Юмо”».11Мыланем Господьын шомакше лийын:12«Айдеме эрге! Тирын кугыжаж нерген шортын муро, тудлан каласе: ”Господь Юмо тыге ойла:Тый мунлылык дене темше, мотор деч мотор лийынат –нимогай ситыдымашет лийын огыл.13Тый Эдемыште, Юмын рай садыштыже, иленат.Тыйым тӱрлӧ шергакан кӱ сӧрастарен:рубин, топаз, алмаз, хризолит, оникс,яспис, сапфир, карбункул, изумруд. Нуным шӧртньӧ рамыш вераҥденыт,тыйым ыштыме кечын нуно ямдылыме лийыныт.14Мый тыйым леведше шулдыран херувимлан шогалтенам.Тый Юмын святой курыкыштыжо лийынат,тул гай чолгышо кӱ-влак коклаште коштынат. 15Тыйым ыштыме кече гычакилыш корнет шылталаш амалдыме лийын,но варажым осалым ышташ тӱҥалынат.16Кумдан торгайыме пашатлан кӧравесе-влакым темден илымаш тыйым авалтен,да тый сулыкыш пуренат.Мый тыйым, шакшылалтшым,Юмын курык гыч сӱмырен кудалтенам,Мый тыйым, леведын шогышо херувим,тулан кӱ кокла гыч поктен колтенам.17Мотор улметлан кӧра тыйым кугешнымаш авалтен,чот чапланыметлан кӧра мунлылык деч посна кодынат.Садлан Мый тыйым мландымбак кудалтенам,кугыжа-влак ончылно мыскылтышыш луктынам.18Шуко осал пашат дене, ондален торгайымет денетый святой верлатым шакшыленат.Мый тыйын олаштет тулым ылыжтенам,да тудо тыйым пӧжген.Чылан шинча ончылно Мый тыйыммландымбалне кийыше ломыжыш савыренам.19Чыла калык, кӧмыт тыйым паленыт,пӱрымашетым ужын, лӱдын ӧрткеныт.Тый шучкылыкыш савырненат,курымешлан йомынат!”»20Мылам Господьын шомакше лийын:21«Айдеме эрге! Чуриетым Сидон дек савыре да тудын ваштареш пророк шомакым ойло!22Каласе: ”Тыге Господь Юмо ойла:Мый тыйын ӱмбакет толам, Сидон!Тидын дене шке чапем ончыктем.Кунам Сидонлан судым ыштемда тушто святой улмем ончыктем,пален налыт: Мый Господь улам.23Мый тудын ӱмбак шучко черым колтем,уремлажым вӱр дене темем.Чыла велым ӱмбакше керде толеш,шукын тушан вуйыштым пыштат.Тунам пален налыт: Мый Господь улам!”24Тетла Израиль калыкын тудым шотлыдымо, корштарыше иман вондер да пелчан гай пошкудыжо-влак огыт лий. Тунам пален налыт: Мый Господь улам».25Тыге ойла Господь Юмо: «Израиль калыкым шуко калык коклашке шалатыме. Кунам Мый нуным тушеч поген кондем, тидын дене чыла калык шинча ончылно святой улмем ончыктем. Израиль калык Иаков тарземлан пуымо шке мландыштыже илаш тӱҥалеш.26Нуно тушто лӱдыкшым палыде илаш тӱҥалыт – пӧртым чоҥат, виноград аҥам шындат. Нуным шотлыдымо чыла пошкудыштлан Мый судым ыштем, сандене нуно лӱдыкшым палыде илаш тӱҥалыт. Тунам пален налыт: Мый нунын Господь Юмышт улам!»
Institute for Bible Translation, Finland