Иез19
1«А тый, Израильын онжо-влак верч ойгырен шортын,2тыге муро:О, тыйын ават – ава лев!Лев-влак коклаште тудо канен,самырык лев коклаште игыже-шамычым куштен.3Игыже-влак кокла гыч иктыжым пукшен куштен.Тудыжо самырык лев лийын шогалында кочкышым кучаш тунемын, еҥ-влакымат кочкын.4Калык-влак тудын нерген колыныт,вынемешышт тудым кученытда сагыле дене Египет мландыш наҥгаеныт.5Аваже умылен: вучымыжо арам, ӱшанже йомын,тунам игыже-влак кокла гыч весым налында самырык левым ончен куштен.6Самырык лев лиймеке, тудыжо моло лев коклаште коштын,кочкышым кучаш тунемын, еҥ-влакымат кочкын.7Карманышт-влакым тудо шалатылын,ола-шамычым пустаҥден.Мланде да тушто чыла илыше тудын ырлымыж деч ӧрткен.8Йыр кундемласе калык-влак ваштарешыже шогалыныт,ӱмбакше вапшым шуэнытда тудым вынемешышт кученыт.9Сагыле дене тудым четлыкыш пуртенытда Вавилон кугыжа дек наҥгаеныт –Израиль курыклаште ырлымыже тетла ынже шокто манын,карманыш петыреныт.10Тыйын ават вӱд воктене шындыме виноград гай лийын,вӱд шукылан кӧра лийын тудо одар, шуко саскам кондышо.11Укшыжо-влак лийыныт чоткыдо,кугыжан тоялан йӧрышӧ.Чашкер коклаште тудо кӱшкӧ нӧлталтын,кӱкшӧ да одарле улмыжлан кӧра шинчашке вигак пернен.12Но шыде дене тудо вожге лукмода мландышке кудалтыме лийын.Эрвел мардеж тудын саскажым коштен.Чоткыдо укшыжо-влак тодылалтыныт да кошкеныт,варажым нуным тул пӧжген.13А кызыт тудым ир мландыш,кукшо да вӱддымӧ ошманурыш, шындыме.14Укшлаже кокла гыч тул лектында саскаже-влакым пӧжген.Уке тетла кугыжан тоялан йӧрышӧ чоткыдо укшыжо».Теве шортын ойлымо шомак-влак, нуно ойгырен шортмо мурыш савырненыт.
Institute for Bible Translation, Finland