Иез18
1Мыланем Господьын шомакше лийын:2«Молан те Израиль мландыште тыгай калыкмутым кучылтыда: ”Ача-влак шадырге виноградым кочкыныт, а пӱйышт йоча-шамычын шурымын”? 3Шкем дене товатлем, – ойла Господь Юмо, – тетла тиде калыкмутым Израильыште ойлаш огыт тӱҥал.4Кажне чон – ачанат, эргынат – Мыйын улыт. Кӧ сулыкым ышта, тудо кола.5Кӧ чыным ышта, законым шукта да чын ила,6кӧ кумалме кӱкшакалаште надырым ок коч да израильтян-влакын шояк юмышт ӱмбак шинчажым ок савыре, лишылъеҥжын ватыж дене коштын, тудым ок амырте, ватыжын ару огыл улмо кечылаштыже тудын деке ок тӱкнӧ,7нигӧм ок шыгыремдыл, арымеш налше еҥын залог шотеш пуымыжым тудлан пӧртылта, ок аге, шужышо-влаклан шке киндыжым пуа, чара кодшо еҥым чикта,8арымеш пуымо годым ашламым ок нал, тидын деч парышым ок кычал, осал паша деч кораҥ коштеш, еҥ кокласе пашам чын судитла,9Мыйын пунчалем-влак почеш ила, устав-шамычем уло шӱм-чон дене шуктен шога – тыгай еҥ чын ыштыше улеш, тудо илаш тӱҥалеш, – ойла Господь Юмо.10Но тудын эргыже кредал коштеш, еҥ вӱрым йоктара да ачажын нигунам ыштыдыме паша-влакым ышта гын – кӱкшакалаште надырым кочкеш, лишылъеҥжын ватыж дене коштын, тудым амырта,12йорло ден незерым шыгыремдылеш, аген коштеш, залогым ок пӧртылтӧ, шояк юмо-влак ӱмбак шинчажым савыра, тӱрлӧ йырныкым ышта,13арымеш пуымо годым ашламым налеш, тидын дене шкаланже парышым кычалеш – тудо илаш тӱҥалеш мо? Уке, ок тӱҥал! Чыла йырнык пашажлан тудо кола, колымыжлан шке титакан лиеш!14Но тыгеат лийын кертеш: тыгай еҥын эргыже ачажын сулыкшо-влакым ужеш, ушым шында да тудын семын ок ыште.15Тудо кумалме кӱкшакалаште надырым ок коч, израильтян-влакын шояк юмышт ӱмбак шинчажым ок савыре, лишылъеҥжын ватыж дене коштын, тудым ок амырте,16нигӧм ок шыгыремдыл, залогым ок нал, аген ок кошт, шужышылан шке киндыжым пуа, чара кодшо еҥым чикта,17йорло еҥлан осалым ок ыште, арымеш пуымо годым ашламым ок нал, тидын деч парышым ок кычал, Мыйын пунчал-влакем шуктен шога, устав-влакем почеш ила. Тудо ачажын сулыкшо верч ок коло, илаш тӱҥалеш.18А тудын ачаже шке сулыкшылан кӧра кола, вет тудо вес еҥым темден илен, аген, шке калыкше коклаште осал пашам ыштен.19Те йодыда: ”Молан эрге шке ачажын сулыкшылан мутым ок кучо?” Тудо сайым ыштен, чын илен, Мыйын чыла пунчалем шуктен шоген, сандене илаш тӱҥалеш.20Кӧ сулыкым ыштен, тудо кола. Эрге шке ачажын сулыкшылан мутым кучаш ок тӱҥал, тыгак ачат эргыжын сулыкшылан мутым ок кучо. Чын паша-влак чын ыштыше еҥ дене кодыт, осал паша-влак – осал еҥ дене.21Но осал еҥ ончычсо чыла сулыкшо деч кораҥеш, пунчал-влакем шуктен шогаш, чын паша ден чынлыкым ышташ тӱҥалеш гын, тыгай еҥ ок коло, тудо илаш тӱҥалеш.22Тудын ондак ыштыме осал пашаже-влак огыт шарналт, кызыт ыштыме чын пашаже-влаклан кӧра тудо илаш тӱҥалеш.23Мый осал еҥ колыжо манын шонем мо? – ойла Господь Юмо. – Уке, тудо осал корныж гыч кораҥже да илыше кодшо манын шонем!24А чын ыштыше еҥ, чын ыштымыж деч кораҥын, осал корныш шогалеш да осал еҥын ыштыме йырнык пашаже-влакым ышта гын, тудо илаш тӱҥалеш мо? Тудын ондак ыштыме чын пашаже-влак шарналтыме огыт лий! Юмо деч кораҥмыжлан, ыштыме чыла сулыкшылан кӧра тудо кола.25Но те ойледа: ”Господьын корныжо чын огыл!” Колышт, Израиль калык! Мыйын мо корнем чын огыл? Тендан корныда-влак огыл мо чын огытыл?26Чын ыштыше еҥ чыным ыштымыжым чарна да осал пашам ышташ тӱҥалеш гын, тудо кола – тыгай еҥ шке осал пашажлан кӧра кола.27Тыгак осал еҥат, ончыч ыштыме осал пашажым коден, чын паша ден чынлыкым ышташ тӱҥалеш гын, шке чонжым колымаш деч утара.28Вет тудо осал пашам ыштымыжым умылен, нунын деч кораҥын, сандене тудо ок коло, илаш тӱҥалеш.29А Израиль калык ойла: ”Господьын корныжо чын огыл!” Мыйын мо корнем чын огыл, Израиль калык? Тендан корныда-влак огыл мо чын огытыл?30Сандене тендам, Израиль калык, Мый кажныжым пашада почеш судитлаш тӱҥалам, – ойла Господь Юмо. – Сулыкда-влак тендам пытымашке ынышт шукто манын, нунын деч кораҥза, осал пашадам кодыза!31Ончыч ыштыме чыла сулыкдам шкендан деч кораҥдыза да шӱм ден шӱлышдам уэмдыза. Молан тыланда колаш, Израиль калык?32Мый нигӧлан колымашым ом шоно, – ойла Господь Юмо. – Кораҥза сулык деч да илыза!»
Institute for Bible Translation, Finland