Лекм29
1Мыланем нуным иерей пашашке святитлен шогалтыме годым тый теве мом ыштышаш улат: нал экшыкдыме ик самырык ӱшкыж ден кок тагам.2Эше тыглай шергиндым, олив ӱй дене йӧрымӧ шергиндым, олив ӱйым шӱрыман шере лепошкам нал – чыла тиде эн сай шыдаҥ ложаш дене ыштыме лийже –3да нуным ик комдыш пыште. Тиде комдым да самырык ӱшкыж ден кок тагам кондо.4Аарон ден эргыж-влакым Юмо дене вашлийме омашыш пурымо вер деке кондо да нуным вӱд дене муш.5[Святой] вургемым налын, Ааронлан кужу тувырым, ӱмбал вургемым, ефодым, оҥсакышым чикте. Оҥсакышым ефод ӱштӧ дене ӱшталте.6Вуйышкыжо кидарым упшалте, тушко святой сӧрастарыш оҥам пижыкте.7Елейым нал, вуйышкыжо йоктарен, тудым шӱрӧ.8Ааронын эргыже-влакымат кондо, нунылан кужу тувырым чикте.9Аарон ден эргыж-влаклан ӱштым ӱшталте, вуйчиемым упшалте – тыге иерейлан служитлыме паша курым-курымешлан нунын тукым ӱмбалне лиеш.
Тыге тый Аароным да тудын эргыже-влакым иерейлан шогалтет.10Самырык ӱшкыжым Юмо дене вашлийме омаш деке кондо. Тек Аарон ден эргыж-влак [Господь ончылно омашыш пурымаште] кидыштым ӱшкыжын вуйышкыжо пыштат.11Вара Господь чурий ончылно туштак тиде ӱшкыжым шӱшкыл.12Ӱшкыж вӱрым налын, парнят дене жертвенникын тӱкыжӧ-влакым шӱралте, а [кодшо] вӱрым жертвенник тӱҥыш кышкал.13Кӧргарверым леведше чыла коям, мокшын чолкымжым, кок вергым ӱмбалысе кояжге нал да чыла тидым жертвенникеш йӱлалтен тӱргыктӧ.14А ӱшкыжын шылжым, коваштыжым, шолоражым, стан деч ӧрдыжкӧ луктын, тулеш йӱлалте. Тиде – сулык верч надыр.15Ик тагам кондо. Тек Аарон да тудын эргыже-влак кидыштым таган вуйышкыжо пыштат.16Тагам шӱшкыл, тудын вӱржым нал да жертвенник ӱмбак чыла велым шыжыкте.17Тагам ужашлан пӱчкеде, кӧргарвер ден йолвургым [вӱд дене] муш да вуй ден моло ужаш ӱмбаке пыште.18Тагам тӱрыснек жертвенникеш йӱлалтен тӱргыктӧ. Тиде – Господьлан йӱлалтен пуымо надыр, Господьлан келшыше тамлыпушан пӧлек.19Вес тагамат кондо. Тек Аарон ден эргыж-влак кидыштым тага вуйыш пыштат.20Тиде тагам шӱшкыл. Тудын вӱржым нал да Аарон ден эргыж-влакын пурла пылыш мучашкышт, пурла кидысе кугыварняшкышт да пурла йолысо кугыварняшкышт шӱралте, вара жертвенник ӱмбак чыла велым шыжыкте.21Елейым да жертвенник ӱмбачын налме вӱрым Аарон да тудын вургемже, эргыж-влак да нунын вургемышт ӱмбак шыжыкте. Тыге Аарон ден эргыж-влак вургемыштге святитлыме лийыт.22Нал тага коям, коя дене леведалтше почым, кӧргарверым леведше коям, мокшын чолкымжым, кок вергым ӱмбалысе кояжге, тыгак пурла эрдым, [вет иерейлан шогалтыме годым тиде тагам кучылтыт].23Тыгак Господь ончылно улшо шергинде комдо гыч ик йыргешке киндым, олив ӱй дене йӧрымӧ ик шергиндым, олив ӱйым шӱрыман ик лепошкам нал.24Чыла тидым Ааронын да эргыже-влакын кидышкышт пыште да, Господь ончылно рӱзалтен, надырлан кондо.25Вара чыла тидым нунын кидышт гыч нал да йӱлалтен пуымо надыр дене пырля жертвенникеш йӱлалтен тӱргыктӧ. Тиде – Господьлан келшыше тамлыпушан пӧлек.26Аароным иерейлан шогалтыме годым шӱшкылмӧ таган оҥжым нал да, Господь ончылан рӱзалтен, надырлан кондо. Тиде тыйын пает лиеш.27Аарон ден эргыже-влакым иерейлан шогалтыме годым шӱшкылмӧ таган рӱзалтен пуымо оҥжым да нӧлтал пуымо пурла эрдыжым святитле.28Тиде – израиль калыкын кондымо надырже, тудо курымешлан Аарон да тудын эргыже-влакын пайыштлан шотлалташ тӱҥалеш. Кунам израиль калык татулык надырым конда, нине пай иерей-влакын лийшаш улыт. Нуным иерей-влаклан пуымаш – Господьлан пуымо дене иктак.29А Ааронлан ыштыме святой вургем ачашт деч вара тек эргыже-влаклан кодеш: тиде вургемым чиктен, нуным шӱрыман да иерейлан шогалтыман.30Аарон олмеш [кугу] иерейлан шогалше тудын эргыже, кудыжо святой верыште служитлашлан Юмо дене вашлийме омашыш пураш тӱҥалеш, тиде вургемым шым кече чиен коштшаш.31Иерейлан шогалтыме годым шӱшкылмӧ таган шылжым нал да святой вереш шолто.32Тек Аарон ден тудын эргыж-влак тиде тага шылым да комдышто улшо киндым Юмо дене вашлийме омашыш пурымо вер воктене кочкыт.33Иерейлан святитлен шогалтыме годым кондымо надырым Аарон ден эргыж-влак кочшаш улыт, вет тиде надыр гоч нуно эрныктыме лийыт. Ӧрдыж еҥ тидым кочшаш огыл, вет тиде – святой кочкыш.34Иерейлан шогалтыме годым кондымо надыр шыл ден кинде деч эр марте мо кодеш гын, чыла тидым тулеш йӱлалте. Тидым кочкаш ок лий, вет тиде – святой кочкыш.35Аарон да тудын эргыже-влак дене чыла шотыштат Мыйын тылат кӱштымем семын ыште. Иерейлан шогалтымаш шым кече шуйнышаш.36Эрныкташлан кажне кечын сулык верч надырлан самырык ӱшкыжым пу. Жертвенникым эрныкташ манын, сулык верч надырым кондо да, святитлаш манын, жертвенникым шӱрӧ.37Шым кече жертвенникым эрныкте, тудым святитле. Тунам жертвенник чот святой лиеш: жертвенник деке мо тӱкна – чылажат святитлалтеш.38Жертвенникеш теве мом [эре пуэн шогымо надыр шотеш] кондаш тӱҥалат: кажне кечын [экшыкдыме] икияш кок пачам,39ик пачажым эрдене, весыжым – кастене.40Икымше пача дене пырля ефан луымшо ужашыже наре эн сай ложашым кондо. Тудыжо кид дене темден лукмо чырык гин олив ӱй дене йӧрымӧ лийже, тыгак чырык гин йошкар арака надыр лийже.41Вес пачажым кастене кондо. Тудым эрденысе гаяк кинде надыр да йошкар арака надыр дене пырля Господьлан тамлыпушан надыр шотеш пу.42Тиде йӱлалтен пуымо надырым Господь ончыко Юмо дене вашлийме омашыш пурымо вер воктене тукым гыч тукымыш конден шогыза. Мый тендан деке тушко толам да тый денет кутыраш тӱҥалам.43Тушто Мый Израиль эрге-влаклан кончаш тӱҥалам, да тиде вер Мыйын чапем дене святитлалтеш.44Мый Юмо дене вашлийме омашым да жертвенникым святитлем. Мыланем иерей семын служитлышт манын, Мый тыгак Аароным да эргыже-влакымат святитлем.45Мый израиль эрге-влак коклаште илаш тӱҥалам да нунын Юмышт лиям.46Тунам нуно пален налыт: Мый Господь, нунын Юмышт, улам. Нунын коклаште илаш манын, Мый нуным Египет мланде гыч луктынам. Мый Господь, нунын Юмышт, улам.
Тыге тый Аароным да тудын эргыже-влакым иерейлан шогалтет.10Самырык ӱшкыжым Юмо дене вашлийме омаш деке кондо. Тек Аарон ден эргыж-влак [Господь ончылно омашыш пурымаште] кидыштым ӱшкыжын вуйышкыжо пыштат.11Вара Господь чурий ончылно туштак тиде ӱшкыжым шӱшкыл.12Ӱшкыж вӱрым налын, парнят дене жертвенникын тӱкыжӧ-влакым шӱралте, а [кодшо] вӱрым жертвенник тӱҥыш кышкал.13Кӧргарверым леведше чыла коям, мокшын чолкымжым, кок вергым ӱмбалысе кояжге нал да чыла тидым жертвенникеш йӱлалтен тӱргыктӧ.14А ӱшкыжын шылжым, коваштыжым, шолоражым, стан деч ӧрдыжкӧ луктын, тулеш йӱлалте. Тиде – сулык верч надыр.15Ик тагам кондо. Тек Аарон да тудын эргыже-влак кидыштым таган вуйышкыжо пыштат.16Тагам шӱшкыл, тудын вӱржым нал да жертвенник ӱмбак чыла велым шыжыкте.17Тагам ужашлан пӱчкеде, кӧргарвер ден йолвургым [вӱд дене] муш да вуй ден моло ужаш ӱмбаке пыште.18Тагам тӱрыснек жертвенникеш йӱлалтен тӱргыктӧ. Тиде – Господьлан йӱлалтен пуымо надыр, Господьлан келшыше тамлыпушан пӧлек.19Вес тагамат кондо. Тек Аарон ден эргыж-влак кидыштым тага вуйыш пыштат.20Тиде тагам шӱшкыл. Тудын вӱржым нал да Аарон ден эргыж-влакын пурла пылыш мучашкышт, пурла кидысе кугыварняшкышт да пурла йолысо кугыварняшкышт шӱралте, вара жертвенник ӱмбак чыла велым шыжыкте.21Елейым да жертвенник ӱмбачын налме вӱрым Аарон да тудын вургемже, эргыж-влак да нунын вургемышт ӱмбак шыжыкте. Тыге Аарон ден эргыж-влак вургемыштге святитлыме лийыт.22Нал тага коям, коя дене леведалтше почым, кӧргарверым леведше коям, мокшын чолкымжым, кок вергым ӱмбалысе кояжге, тыгак пурла эрдым, [вет иерейлан шогалтыме годым тиде тагам кучылтыт].23Тыгак Господь ончылно улшо шергинде комдо гыч ик йыргешке киндым, олив ӱй дене йӧрымӧ ик шергиндым, олив ӱйым шӱрыман ик лепошкам нал.24Чыла тидым Ааронын да эргыже-влакын кидышкышт пыште да, Господь ончылно рӱзалтен, надырлан кондо.25Вара чыла тидым нунын кидышт гыч нал да йӱлалтен пуымо надыр дене пырля жертвенникеш йӱлалтен тӱргыктӧ. Тиде – Господьлан келшыше тамлыпушан пӧлек.26Аароным иерейлан шогалтыме годым шӱшкылмӧ таган оҥжым нал да, Господь ончылан рӱзалтен, надырлан кондо. Тиде тыйын пает лиеш.27Аарон ден эргыже-влакым иерейлан шогалтыме годым шӱшкылмӧ таган рӱзалтен пуымо оҥжым да нӧлтал пуымо пурла эрдыжым святитле.28Тиде – израиль калыкын кондымо надырже, тудо курымешлан Аарон да тудын эргыже-влакын пайыштлан шотлалташ тӱҥалеш. Кунам израиль калык татулык надырым конда, нине пай иерей-влакын лийшаш улыт. Нуным иерей-влаклан пуымаш – Господьлан пуымо дене иктак.29А Ааронлан ыштыме святой вургем ачашт деч вара тек эргыже-влаклан кодеш: тиде вургемым чиктен, нуным шӱрыман да иерейлан шогалтыман.30Аарон олмеш [кугу] иерейлан шогалше тудын эргыже, кудыжо святой верыште служитлашлан Юмо дене вашлийме омашыш пураш тӱҥалеш, тиде вургемым шым кече чиен коштшаш.31Иерейлан шогалтыме годым шӱшкылмӧ таган шылжым нал да святой вереш шолто.32Тек Аарон ден тудын эргыж-влак тиде тага шылым да комдышто улшо киндым Юмо дене вашлийме омашыш пурымо вер воктене кочкыт.33Иерейлан святитлен шогалтыме годым кондымо надырым Аарон ден эргыж-влак кочшаш улыт, вет тиде надыр гоч нуно эрныктыме лийыт. Ӧрдыж еҥ тидым кочшаш огыл, вет тиде – святой кочкыш.34Иерейлан шогалтыме годым кондымо надыр шыл ден кинде деч эр марте мо кодеш гын, чыла тидым тулеш йӱлалте. Тидым кочкаш ок лий, вет тиде – святой кочкыш.35Аарон да тудын эргыже-влак дене чыла шотыштат Мыйын тылат кӱштымем семын ыште. Иерейлан шогалтымаш шым кече шуйнышаш.36Эрныкташлан кажне кечын сулык верч надырлан самырык ӱшкыжым пу. Жертвенникым эрныкташ манын, сулык верч надырым кондо да, святитлаш манын, жертвенникым шӱрӧ.37Шым кече жертвенникым эрныкте, тудым святитле. Тунам жертвенник чот святой лиеш: жертвенник деке мо тӱкна – чылажат святитлалтеш.38Жертвенникеш теве мом [эре пуэн шогымо надыр шотеш] кондаш тӱҥалат: кажне кечын [экшыкдыме] икияш кок пачам,39ик пачажым эрдене, весыжым – кастене.40Икымше пача дене пырля ефан луымшо ужашыже наре эн сай ложашым кондо. Тудыжо кид дене темден лукмо чырык гин олив ӱй дене йӧрымӧ лийже, тыгак чырык гин йошкар арака надыр лийже.41Вес пачажым кастене кондо. Тудым эрденысе гаяк кинде надыр да йошкар арака надыр дене пырля Господьлан тамлыпушан надыр шотеш пу.42Тиде йӱлалтен пуымо надырым Господь ончыко Юмо дене вашлийме омашыш пурымо вер воктене тукым гыч тукымыш конден шогыза. Мый тендан деке тушко толам да тый денет кутыраш тӱҥалам.43Тушто Мый Израиль эрге-влаклан кончаш тӱҥалам, да тиде вер Мыйын чапем дене святитлалтеш.44Мый Юмо дене вашлийме омашым да жертвенникым святитлем. Мыланем иерей семын служитлышт манын, Мый тыгак Аароным да эргыже-влакымат святитлем.45Мый израиль эрге-влак коклаште илаш тӱҥалам да нунын Юмышт лиям.46Тунам нуно пален налыт: Мый Господь, нунын Юмышт, улам. Нунын коклаште илаш манын, Мый нуным Египет мланде гыч луктынам. Мый Господь, нунын Юмышт, улам.
Institute for Bible Translation, Finland