Есф5
1Кумшо кечын Есфирь, [кумалын чарнымекше, ойганыме вургемжым кудашын да] шке кугыжа вургемжым чиен. [Шкенжым сӧрастарымеке, тудо чылаужшо Юмым да Утарышым ӱжын кумалын. Вара кок тарзе ӱдырамашым налын да иктыже ӱмбаке нечкыланен эҥертен каен. А весыже гын, тудын кужу урвалтыжым кучен, почешыже каен. Есфирь моторлыкшо дене йолгалтын, йӧратыме улмыжым пален, чурийже куанышын койын, но шӱмжӧ лӱдын пырткен.]
Кугыжан пӧртын кӧргӧ кудывечышкыже толын шумеке, Есфирь кугыжан шинчыме пӧлемже ваштареш шогалын. Кугыжа тунам омса ваштареш шке престолыштыжо шинчен. [Тудо шке чапшым ончыктышо, шӧртньӧ да шергакан кӱ-влак дене сӧрастарыме чиеман лийын, пеш кугу лӱдмашым луктын. Чап дене йолгалтше чурийжым савырен, тудо Есфирь ӱмбаке кугу шыде дене ончалын. Кугыжанватын чонжылан рӱп лийын, йыжыҥже кайыме дене чурийже вашталтын, да тудо, ужатен толшо тарзе ӱдырамаш ӱмбаке тайнен, лыдырген камвозын.
Тунам Юмо кугыжан кумылжым пушкыдемден: тудо шке престолжо гыч писын кынелын да, Есфирьын ушым налмешкыже, тудым ӧндал кучен. Вара ныжыл шомак дене лыпландарен, тыге каласен: «Мо лийын, Есфирь? Мый тыйын пелашет улам. Ит лӱд, тый от коло, вет мыйын пунчалем – тыглай еҥ-влаклан гына. Лишем тышке».]2Кугыжа кидысе шӧртньӧ тояжым Есфирь могырыш шуялтен. Есфирь кугыжа деке лишемын, тудын тоя мучашыж деке тӱкнен. [Кугыжа шке тояж дене тудын шӱйжым тӱкалтен да, тудым шупшалын, тыге манын: «Ойло мылам». Есфирь каласен: «Озам, тый мыйын шинчаштем Юмын Суксыж гай койынат, сандене, тыйын чапет деч лӱдын, мыйын шӱмем аптыранен. Вет тый, озам, кӱдыратле улат, да тыйын чуриет суап дене темын». Но кутырымыж годым Есфирьын йыжыҥже каен, да тудо камвозын. Кугыжа нимом ышташ ӧрын, тудын чыла тарзыже Есфирьлан полшаш тӧченыт.]3Кугыжа Есфирь деч йодын: «Кугыжанвате Есфирь, тыланет мо кӱлеш? Мом тый йоднет? Кеч пел кугыжанышым йод, мый чыла пуэм».4Есфирь вашештен: «[Тачысе кече мылам пайрем дене иктак.] Кугыжалан келша гын, тек тудо Аман дене пырля таче мый декем толеш. Мый тудлан сийым ямдыленам».5Кугыжа каласен: «Вашкерак Аманым ӱжын кондыза, тек Есфирьын йодмыжо шукталтеш». Кугыжа Аман дене пырля Есфирьын ямдылыме сийышкыже толын.6Йошкар аракам подыл шинчыме годым кугыжа Есфирь деч йодын: «Могай тыйын йодмашет? Тылат чыла пуымо лиеш. Мо тыланет кӱлеш? Пел кугыжанышым йодат гынат, тидат шуктымо лиеш».7Есфирь вашештен: «Мыйын йодмашем тыгай, теве мо мыланем кӱлеш:8кугыжан шинчаштыже поро кумылым суленам, да тудлан мыйын шонымем ден йодмашем шукташ келша гын, тек кугыжа Аман дене пырля мыйын [эрлат ыштыме] сийышкем толеш. Эрла мый кугыжалан вашмутым пуэм».9Тудо кечын Аман ӱстелтӧр гыч весела да нӧлталтше кумылан каен. Но кунам тудо кугыжан капкаж воктене Мардохейым ужын, пеш чот шыдешкен: тудыжо Аман ончылно кынелын огыл, нимогай лӱдмашым ончыктен огыл.10Туге гынат Аман шке шыдыжым кучен кертын. Мӧҥгышкыжӧ толмеке, тудо лишыл йолташыже-влакым да шке Зерешь ватыжым ӱжаш колтен.11Нунылан Аман шке кугу поянлыкше, пеш шуко эргыже улмо, кугыжан тудым кӱшкӧ шындымыже, он-влак ден моло тӧра деч кӱшкӧ нӧлталмыже нерген моктанен каласкален.12Аман умбакыже шуен: «Кугыжанвате Есфирят ямдылыме сийышкыже мый дечем молым нигӧм ӱжын огыл, кугыжа дене пырля эрлат мияш каласен.13Но кунам мый кугыжан капкаж воктене шинчыше иудей Мардохейым ужам, чыла тидат мыйым ок куандаре».14Тудлан Зерешь ватыже да лишыл чыла йолташыже каласеныт: «Тек витле кынергут кӱкшытан меҥгым шогалтат. А тый эрдене кугыжалан каласе – тек тиде меҥгеш Мардохейым сакалтат. Вара кугыжа дене пырля сийыш нӧлталтше кумылан кай». Тыгай ой Аманлан келшен, да тудо меҥгым ямдылаш кӱштен.
Кугыжан пӧртын кӧргӧ кудывечышкыже толын шумеке, Есфирь кугыжан шинчыме пӧлемже ваштареш шогалын. Кугыжа тунам омса ваштареш шке престолыштыжо шинчен. [Тудо шке чапшым ончыктышо, шӧртньӧ да шергакан кӱ-влак дене сӧрастарыме чиеман лийын, пеш кугу лӱдмашым луктын. Чап дене йолгалтше чурийжым савырен, тудо Есфирь ӱмбаке кугу шыде дене ончалын. Кугыжанватын чонжылан рӱп лийын, йыжыҥже кайыме дене чурийже вашталтын, да тудо, ужатен толшо тарзе ӱдырамаш ӱмбаке тайнен, лыдырген камвозын.
Тунам Юмо кугыжан кумылжым пушкыдемден: тудо шке престолжо гыч писын кынелын да, Есфирьын ушым налмешкыже, тудым ӧндал кучен. Вара ныжыл шомак дене лыпландарен, тыге каласен: «Мо лийын, Есфирь? Мый тыйын пелашет улам. Ит лӱд, тый от коло, вет мыйын пунчалем – тыглай еҥ-влаклан гына. Лишем тышке».]2Кугыжа кидысе шӧртньӧ тояжым Есфирь могырыш шуялтен. Есфирь кугыжа деке лишемын, тудын тоя мучашыж деке тӱкнен. [Кугыжа шке тояж дене тудын шӱйжым тӱкалтен да, тудым шупшалын, тыге манын: «Ойло мылам». Есфирь каласен: «Озам, тый мыйын шинчаштем Юмын Суксыж гай койынат, сандене, тыйын чапет деч лӱдын, мыйын шӱмем аптыранен. Вет тый, озам, кӱдыратле улат, да тыйын чуриет суап дене темын». Но кутырымыж годым Есфирьын йыжыҥже каен, да тудо камвозын. Кугыжа нимом ышташ ӧрын, тудын чыла тарзыже Есфирьлан полшаш тӧченыт.]3Кугыжа Есфирь деч йодын: «Кугыжанвате Есфирь, тыланет мо кӱлеш? Мом тый йоднет? Кеч пел кугыжанышым йод, мый чыла пуэм».4Есфирь вашештен: «[Тачысе кече мылам пайрем дене иктак.] Кугыжалан келша гын, тек тудо Аман дене пырля таче мый декем толеш. Мый тудлан сийым ямдыленам».5Кугыжа каласен: «Вашкерак Аманым ӱжын кондыза, тек Есфирьын йодмыжо шукталтеш». Кугыжа Аман дене пырля Есфирьын ямдылыме сийышкыже толын.6Йошкар аракам подыл шинчыме годым кугыжа Есфирь деч йодын: «Могай тыйын йодмашет? Тылат чыла пуымо лиеш. Мо тыланет кӱлеш? Пел кугыжанышым йодат гынат, тидат шуктымо лиеш».7Есфирь вашештен: «Мыйын йодмашем тыгай, теве мо мыланем кӱлеш:8кугыжан шинчаштыже поро кумылым суленам, да тудлан мыйын шонымем ден йодмашем шукташ келша гын, тек кугыжа Аман дене пырля мыйын [эрлат ыштыме] сийышкем толеш. Эрла мый кугыжалан вашмутым пуэм».9Тудо кечын Аман ӱстелтӧр гыч весела да нӧлталтше кумылан каен. Но кунам тудо кугыжан капкаж воктене Мардохейым ужын, пеш чот шыдешкен: тудыжо Аман ончылно кынелын огыл, нимогай лӱдмашым ончыктен огыл.10Туге гынат Аман шке шыдыжым кучен кертын. Мӧҥгышкыжӧ толмеке, тудо лишыл йолташыже-влакым да шке Зерешь ватыжым ӱжаш колтен.11Нунылан Аман шке кугу поянлыкше, пеш шуко эргыже улмо, кугыжан тудым кӱшкӧ шындымыже, он-влак ден моло тӧра деч кӱшкӧ нӧлталмыже нерген моктанен каласкален.12Аман умбакыже шуен: «Кугыжанвате Есфирят ямдылыме сийышкыже мый дечем молым нигӧм ӱжын огыл, кугыжа дене пырля эрлат мияш каласен.13Но кунам мый кугыжан капкаж воктене шинчыше иудей Мардохейым ужам, чыла тидат мыйым ок куандаре».14Тудлан Зерешь ватыже да лишыл чыла йолташыже каласеныт: «Тек витле кынергут кӱкшытан меҥгым шогалтат. А тый эрдене кугыжалан каласе – тек тиде меҥгеш Мардохейым сакалтат. Вара кугыжа дене пырля сийыш нӧлталтше кумылан кай». Тыгай ой Аманлан келшен, да тудо меҥгым ямдылаш кӱштен.
Institute for Bible Translation, Finland