Ugubutulo5
1Hinu nikiwonili kihitabu kuliwoku lya kuliyila wa yula atamili kukitamilo kya kinkosi, nakyeni kiwelili kiyandikwa mghati na panji na kitaywa vibandiku viisaba vyeni muuli.Kihitabu kyeni muuli isaba2Kangi nikalola mtumikila wa kundumba wa Sapanga mweni makakala akilonga kwa lilowi likulunga, “Ghani mweni sifwa kutwenyula havi vibandiku na kukigubutula kihitabu haki?”3Ila pawelili kwahela na mundu yoyosi kundumba, wala mumlimawogha, wala pai kumambi, awesili kukigubutula haki kihitabu au kulola mghati.4Hinu nenga nikalila nesu kwaikiva kawoneka ng'ogha mundu yoyosi mweni sifwa gha kukigubutula, au kulola mghati.5Hinu mmonga paghati gha wala wagogolo akanilongela, “Ukotoho kulila! Uloli, himba lya likabila lya Yudasi, wa uwelekwa wa nkosi Daudi, amesinda. Mweni ndiwa anguwesa kutwenyula vila vibandiku viisaba na kukigubutula haki kihitabu.”6Hinu nikalola pala paghati gha kitamilo kya kinkosi mwanakondolu kagholoka, akitindilwa kila upandi na wala viumbi wakomu wanjechi, na wala wagogolu. Hayu mwanakondolu awonekanili handa kahinjwa. Awelili na pembi isaba na mihu isaba navyeni ni mpumulo isaba zya Sapanga ziwelili ziyeghwa kila mahala mumlimawogha.7Mwanakondolu akayenda, akakitola kila kihitabu kuhuma kukuliwoku lya kuliyila lya yula atamili kukitamilo kya kinkosi.8Pala hela patolili kila kihitabu, wala viumbi weni ukomu njechi pamonga na wala wagogolu waisilini na njechi waguwili kifulifuli kuulongolu gha mwanakondolu. Kila mmonga awelili na ligombogombo, na bakuli sya zahabu zimemili ubani, ukiva ni mayupo gha wandu wa Sapanga.9Naweni, wakayimba uwimbu hau mhyonu, “Wenga ungusifwa gha kukitola kila kihitabu na kusitwenyula vibandiku vyaki. Kwaikiva wenga uhinjwa na kwa mwahi ghako umhemelela Sapanga watwenga wandu kuhuma kila likabila na vila wangulonga na ukolu na mlima.10Wenga uwaghola wandu waweli unkosi wa watambika wa kumtumikila Sapanga wa twenga, na watewalongosa wandu wogha kumlimawogha.”11Hinu panilolili kangi, nikayughanila lilowi lya watumikila wa kundumba watangala nesu, uvalangi ghao iwelili ikumi ielufu mwanja ikumi ielufu na maelufu mwanja ielufu. Wawelili wakigholoka kutindila kila kitamilo kya kinkosi, pamonga na wala viumbi weni ukomu wanjechi na wala wagogolu waisilini na njechi, .12Naweni wakayimba kwa lilowi likulunga, “Wakilonga mwanakondolu, mweni ahinjilwi, kana sifwa gha kupokela uwesa, na unaisa na luhala na makakala na utundamilu na ukulu na kuyinulwa.”13Hinu nikayughanila kila kiumbi kundumba na mumlimawogha, na pai kumambi na mbahali na fyogha viwelili mghati ghaki vikilonga, “Kuyinulwa na utundamilu na ukulu na uwesa ni fyaki mweni atamili kukila kitamilo kya kinkosi na kwa mwanakondolu, machuwa hyogha bila mwihu.”14Na wala viumbi weni ukomu wanjechi wakalonga, “Hina!” Na wala wagogolu waisilini na njechi wakaguwa kifulifuli wakayupa.
The Word for the World International