1Yohana1
1Tunguwatangazila habali zya yula Lilando lya Ukomu, yula mwenikuwela kuhuma mtumbulo, twenga tumhyoghanilile na kumlola hilahila tukamkola.2Ndiwa hayu mweni kuwela ukomu ahighilisilwi kwa twenga, tumlolile, na tunguwesa kuwalongela waghangi kunani gha mweni. Hinaa tunguwalongela habali yiwa mweni ndiwa ukomu wa machuwa hyogha bila mwihu mweni kuwela pamonga na Sapanga Tati na ahighilisilwi kwa twenga.3Tunguwatangasila habali zya Yesu hayu, yula tumlolile na kumhyoghanila ili muweli pamonga na twenga kuumonga tuwela nau na Tati Sapanga, na Mwana ghaki Yesu Kilisito.4Tunguwayandikila mwenga mighalu hai, ili tuhekeleli nesu.5Hau ndiwa ujumbi tuuyoghanila kuhuma kwa Yesu na kuwatangasila ni hai, Sapanga kamhana na kahela lwisa lolosi.6Patulongela yiwa tuwela na mkonganiko na mweni kunu tunguwela na ndyangilu gha mlwisa, tungulonga uhwangi na tunguijumila ng'ogha chakaka.7Ila patuwela na ndyangilu gha kumhana, handa mweni Sapanga ni mhana, tutewela na umonga twenga kwa twenga, na mwahi ghaki Yesu Kilisito, Mwana ghaki, ungutughulula sambi syogha.8Handa patulonga yiwa tuwela ng'ogha na sambi, tunguingonga twa weni, na uchakaka uwela ng'ogha mghati mwa twenga,9ila patuzijumila na kumlongela Sapanga sambi syetu, mweni kamchakaka na mweni angughola vila ingupalwa, na mweni atetulekesela sambi na kutughulula uhakata tuugholile.10Handa patulongela yiwa tughola ng'ogha sambi, tungumghola Sapanga awoneki mhwangi, na twenga tulema lilando lyaki.
The Word for the World International