1Wakolintu2
1Walongo ghangu nenga panihikili kwa mwenga haku kumlima wa Kolinto kuwatangasila ujumbi wa Sapanga, nipalile ng'ogha kulangiha yiwa ningulongela kwa luhala.2Kwaikiva nilamulile paniwela kwa mwenga nilonge mighalu gha Yesu Kilisito weka yaki kangi kuhova kwaki kulipingika bila kulongelela kindu kighangi chochosi.3Lipindi paniwela kwa mwenga niwelili mlepelela na nihighimilile kwa holu.4Lipindi paniwelili nikivula na kutangasa niwela ng'ogha nikilonga milando ili mjumili luhala lwa nenga ila makakala gha Mpumulo wa Sapanga yawelili yakilangiha uchakaka.5Nigholile nagha ili ukwinila wa mwenga utegemeli makakala gha Sapanga na ng'ogha luhala lwa kimundu.6Ningutangasa ujumbi wa luhala kwa wala wenikuwela wakula kiukwinila, ila ng'ogha luhala lwa kumlima wogha, wala luhala lwa wala wakulu wa mlima wogha hau wenikuwela kulipinga lya weni kuwela na mwihu wa ulongosi ghao.7Ila twenga tunguvula luhala lwa Sapanga lula lweni kulifisa kwa wandu, lula luhala ahaghulile Sapanga kwaikiva ghamaha pambila gha kulumbwa kwa mlima wogha.8Kwahela hata kilongosi mmonga paghati gha vilongosi wa mlima wogha hau mweni kumanya luhala lwa Sapanga, handa wangalimanya wangalileka kumvamba Bambu wa kuyinulilwa mweni kulongosa kundumba na kumlima wogha.9Ila, handa iyandikwa kumayandiko gha Sapanga, “Mighalu ivile mundu apatile ng'ogha kulola, hilahila kuhyoghanila hagha, mighalu ivile mundu kawesa ng'ogha kuiwachila kumoyu ghaki, hagha ndiwa Sapanga awayandalilile wala weni kumpala.”10Ila twenga Sapanga katulangiha mighalu hai kupitila Mpumulo ghaki kwaikiva Mpumulo ghaki angulola hyogha hata ghala yenikuwela Sapanga kayahigha.11Kwaikiva kwahela mundu mweni kuwesa kumanya mawachilo gha mundu ghangi ila ni mpumulo weka weni kulikala mghati mwaki mweni. Hilahila kwahela mweni kumanya mawachilo gha Sapanga ila ni Mpumulo wa Sapanga ghaki.12Hinu tupokela ng'ogha mpumulo wa mlima mighalu hyogha ila tumpokela Mpumulo kuhuma kwa Sapanga ili tumanyi zyogha atupeghili Sapanga.13Kwa nagha tulonga ng'ogha milando kwa luhala tunguvulwa na wandu ila tungulonga milando inguvulwa na luhala lwa Sapanga. Twenga tungulongelela mighalu gha Mpumulo wa chakaka kwa wala weni kuwela na Mpumulo wa Sapanga.14Ila mundu mweni kuwela kahela hayu Mpumulo wa Sapanga kawesa ng'ogha kupokela hagha mighalu yeni kuhuma kwa Mpumulo wa Sapanga, kwaikiva ni mpughanyo kwa mweni, na mweni kawesa ng'ogha kuyamanya kwaikiva hagha yangumanyika hela kwa mtanga wa Mpumulo.15Hinu mundu mweni kulongoswa na Mpumulo hayu angumanya mighalu hyogha ila wandu weni kuwela ng'ogha na Mpumulo wanguwesa ng'ogha kummanya.16Handa Mayandiko gha Sapanga yailongile, “Ghani kanguwesa kumanya mawachilo gha Bambu? Kwa hela mundu kanguwesa kumtanga Sapanga mawachilo” Ila twenga tuvile na mawachilo gha Kilisito.
The Word for the World International