2 Samwẹl17
1Ahitophẹl oben Absalọm bẹ́, “Tte ntekha ajunung nnọhna ẹrạbh ukuma jobh, ntima bẹ nkhubh Devid k'irunguwu nja chemma.2Amma m'nnima abẹ k'okpe kw'kk'ẹ ọkhọhna, ẹfa ẹbạra ẹsẹ-ẹ. M'ngiẹ-ẹ ojora fididen k'ifor, ọfha anạng p'aning abẹ arạbh. M'mfhọ ọvaarnạng mạnkkeni,3mbạra ntima anạng mbọ phyibh mkpa nnạm nkken-ọ. De ọnạng nwọ kw'aroru ope, anạng mbọkha phyibh, ọttọhk f'm'usi bẹ kòde.”4Absalọm ọttạra adennạng p'Israẹl phyibh atạk ntọhna-khira nnọ masẹ udik ọkka.5Ma wọ Absalọm n'obeni bẹ́, “Ayeri Hushayi kw'ubin Ark ukwu, ọfha amgba ammaanga ẹkka chẹ.”6Masẹ Hushayi ukpir, Absalọm oben-ẹ bẹ́, “Kkeri ntọhna s'Ahitophẹl kk'mạna ọnạnga e. Amạna ansi oche kw'ọkpaakhẹ o? Nạn oche ngwọ núdia, kpaak mạna ẹkka chọ.”7Hushayi n'ubhin Absalọm bẹ́, “Ntọhna s'Ahitophẹl ọnạngẹ ẹkpa nja kíjibhi.8Hushayi ọbẹ́, “Ọma asong ma bẹ́, atte ọttạra anạng pẹ ade akpongnạng, p'abạra akkaam masẹ ekke ch'abẹ avạk iva ana. Ayongu ma, atte ode okpongnạng kw'ekkoji; maa múyima ọttạra akpongnạng pẹ ma irungu nja ma e.9S'n'amkpaak maa, de nạn ma ọtakpamma gwạnọ núttubha, nudusi, uttubh kha ibyi idwạkh-ọdwạk. De uchi eden urima akpongnạng pọ abẹ, ọnạng kwidede kw'ọbhaang kwẹ m'oben bẹ́, ‘Abẹ nạngkha apekhi akpongnạng p'atoru Absalọm e.’10Ma wọ, ọbạra okpongnạng kw'ọbạrẹ ettem masẹ ekke wọ, ojora m'ọnẹ-ẹ ẹfa, ukwuru bẹ́, anạng p'Israẹl phyibh asong ma bẹ́ atte ode okpongnạng. Anạng p'aning abẹ abạra ade akkemkpa.11Ẹgwọ usi, ntọhna saam ide bẹ́, kkeri anạng p'Israẹl phyi-phyibh, tạma k'ẹkhạma ch'Dan tạrr akpira k'ẹkhạma ch'Beershẹba, kkeri oche kw'abẹ asaabhẹ masẹ uyiyeng kw'ẹraanga-kha, tte abẹma phyibh akwu attạr-ọ. Ọma oyeni m'atima bẹ eden ata ekpong.12Ibyi sidede s'ankhebh atte, m'ambubh-ẹ ma ifor masẹ ebona ibubh isisek annima abẹ. Ẹma oyeni akpen múruk, ujunung wạnọ-wạnọ kwẹ kw'm'uruk akpen kòde.13De ọrạbhọ ọnwa k'efhon-diden, anạng p'Israẹl m'atima ndikhi anwa ma ofhon ngwọ atwạr adimokpon p'ọbaakha kw'ofhon ngwọ ajẹ k'ipekhuma, ẹtakpong jạnẹ-jạnẹ mírik.”14Ma wọ Absalọm ọttạra ajunung p'Israẹl phyibh abeni bẹ́, “Ntọhna s'Hushayi kw'ubin Ark ijibhi ọtạm iyọhnga s'Ahitophẹl.” Wa Ọvaar Ubinọkpaabyi usi bẹ́ ntọhna ikkasẹ s'Ahitophẹl onạngẹ nạngẹ k'eden iyini, ọfha osenga ma otte ipyibha ọbọhk ikhebha Absalọm.15Wa Hushayi obeni Zadọk ọttạra Abiyata p'ade afọhnẹja bẹ́, “Ahitophẹl kk'Absalọm ọttạra adennạng p'Israẹl ọtọhna oche kw'abẹ m'asi. Okhenka, amma kk'bẹ ukhira ọdwạkh-ọdwạk ntekha kw'abẹ m'asi.16Nemi eden tọhm ẹkkaabha nạng Devid bẹ́, ‘Nạngẹ k'ibyi s'anạng n'asenga ajekha k'ibyi s'anạng nạnárukha attaabh o. Nemi eden jekha k'ukhubha, deja, abẹ m'avạkha ọvaarnạng ọttạra anạng p'aning abẹ phyibh afhọ e.’ ”17Wa Jonatan ọttạra Ahimaz aning k'Ẹn-Rogẹl, sabẹ nạn nárora bẹ́ anạng ase bẹ sabẹ m'anwa k'efhon-diden. Wa uminanwa wạnọ wọ n'ọta otek bẹ idik, bạrasẹ abẹma n'ata akpaak ọvaar Devid.18Okhenka, wa udikkobh wạnọ ose bẹ, ọta ọkpaak Absalọm. Ma wọ Jonatan ọttạra Ahimaz atim ẹbhạr-ẹbhạr afona k'ọchọhm kw'ujunung wạnọ k'Bahurim, ata attubha ma k'isipe chẹ ẹtaanga.19Ma wọ ikwanạng kw'atte nwọ ọtạk ọttọhk ububha isipe njọ, ọtạkha agwu ọyaan ma. Ọnạng kw'osong bẹ́ ajunung mbọ attubh ma kòde.20Masẹ ajunung p'Absalọm akwu akhebha ikwanạng nwọ ma ọchọhm, abẹ abạbh-ẹ bẹ́, “Ahimaz ọttạra Jonatan aning mạn?”
Ikwanạng nwọ ubhina bẹ́, “Abẹ ajek k'efhobh ukhubha e.” Wa ajunung mbọ aroru bẹ tạrr abẹ ọnạng násia. Ma wọ abẹ akwu akpa nnạm k'Jẹrusalẹm.21Masẹ ajunung mbọ kk'afona, Ahimaz ọttạra Jonatan ayin k'isipe, ata akpaak ọvaar Devid udik ngwọ. Abẹ aben-ẹ bẹ́, “Do ifor ẹbhạr-ẹbhạr ajekha k'ọraanga-ukhubha, khiri Ahitophẹl kk'bẹ ọtọhna oche kw'abẹ m'asi.”22Ma wọ Devid ọttạra anạng p'aning abẹ phyibh abin ajekha k'ukhubha kw'Jọrdan. Bạrasẹ iwu echobha, anạng kk'Jọrdan ajekha phyibh.23Masẹ Ahitophẹl ose bẹ́ abẹ ntọhna s'ọnạngẹ bẹ nátạkha, ọyaar ẹnyạnyaang chẹ ọbhạna k'akhẹ k'ofhon. Ukwu odo ẹchọhmfhạr bẹ́ phyibh, ubina ọtạ orena idikhi. Osenga ma, ope, abẹ annọhng-ẹ k'ibyi sabẹ annọhng otte.24Ma wọ Devid ubin ofona k'Mahanayim. Wa Absalọm ọbạra utima ajunung p'Israẹl phyibh ojekha k'ukhubha kw'Jọrdan.25Wa Absalọm kk'ininga ch'Joab kw'ode ocho kw'akpongnạng ọtạkha ọnạng Amasa. Amasa wa ode nnwa kw'Jẹtẹr kw'ubin Ishmayẹl, kw'ọtạk Abigẹl kw'ode ọkwanạngnwa kw'Nahash, ọbạra ode nnwotte kw'Zẹruya kw'ode ọkka kw'Joab.26Anạng p'Israẹl ọttạra Absalọm abhingi k'ẹkhạma ch'anạng p'Gilead.27Masẹ Devid ukpir k'ofhon kw'Mahanayim, Shobi kw'ode ujunungnwa kw'Nahash, kw'ubin Raba, k'ẹkhạma ch'Ammọn, ọttạra Makir kw'ode ujunungnwa kw'Amiyẹl kw'ubin k'Lo-Dẹba, ọttạra Bazilayi kw'ubin Rogẹlim k'ẹkhạma ch'Gilead28atim iyimakpo, ọttạra agbangbaang, ọttạra ọbaanga-sọhkha. Abẹ abạra atima wit ọttạra abarli, ọttạra agwu-buma, ọttạra agwu-abhaabhapẹ, ọttạra nsiseni, ọttạra achen-meni,29ọttạra ọkhọhn, ọttạra abasi, ọttạra arạkhạmaan, ọttạra abukpa p'abin k'abasi p'adamagbudu akkena Devid ọttạra anạng pẹ bẹ́, abẹ achi. Abẹ aben bẹ́, “Anạng mba kk'bẹ ọkhọhna, okwo ọkhaama bẹ, asi abạra adaak bẹ k'ibyi s'anạng nạn nárukha.”
Ikwanạng nwọ ubhina bẹ́, “Abẹ ajek k'efhobh ukhubha e.” Wa ajunung mbọ aroru bẹ tạrr abẹ ọnạng násia. Ma wọ abẹ akwu akpa nnạm k'Jẹrusalẹm.21Masẹ ajunung mbọ kk'afona, Ahimaz ọttạra Jonatan ayin k'isipe, ata akpaak ọvaar Devid udik ngwọ. Abẹ aben-ẹ bẹ́, “Do ifor ẹbhạr-ẹbhạr ajekha k'ọraanga-ukhubha, khiri Ahitophẹl kk'bẹ ọtọhna oche kw'abẹ m'asi.”22Ma wọ Devid ọttạra anạng p'aning abẹ phyibh abin ajekha k'ukhubha kw'Jọrdan. Bạrasẹ iwu echobha, anạng kk'Jọrdan ajekha phyibh.23Masẹ Ahitophẹl ose bẹ́ abẹ ntọhna s'ọnạngẹ bẹ nátạkha, ọyaar ẹnyạnyaang chẹ ọbhạna k'akhẹ k'ofhon. Ukwu odo ẹchọhmfhạr bẹ́ phyibh, ubina ọtạ orena idikhi. Osenga ma, ope, abẹ annọhng-ẹ k'ibyi sabẹ annọhng otte.24Ma wọ Devid ubin ofona k'Mahanayim. Wa Absalọm ọbạra utima ajunung p'Israẹl phyibh ojekha k'ukhubha kw'Jọrdan.25Wa Absalọm kk'ininga ch'Joab kw'ode ocho kw'akpongnạng ọtạkha ọnạng Amasa. Amasa wa ode nnwa kw'Jẹtẹr kw'ubin Ishmayẹl, kw'ọtạk Abigẹl kw'ode ọkwanạngnwa kw'Nahash, ọbạra ode nnwotte kw'Zẹruya kw'ode ọkka kw'Joab.26Anạng p'Israẹl ọttạra Absalọm abhingi k'ẹkhạma ch'anạng p'Gilead.27Masẹ Devid ukpir k'ofhon kw'Mahanayim, Shobi kw'ode ujunungnwa kw'Nahash, kw'ubin Raba, k'ẹkhạma ch'Ammọn, ọttạra Makir kw'ode ujunungnwa kw'Amiyẹl kw'ubin k'Lo-Dẹba, ọttạra Bazilayi kw'ubin Rogẹlim k'ẹkhạma ch'Gilead28atim iyimakpo, ọttạra agbangbaang, ọttạra ọbaanga-sọhkha. Abẹ abạra atima wit ọttạra abarli, ọttạra agwu-buma, ọttạra agwu-abhaabhapẹ, ọttạra nsiseni, ọttạra achen-meni,29ọttạra ọkhọhn, ọttạra abasi, ọttạra arạkhạmaan, ọttạra abukpa p'abin k'abasi p'adamagbudu akkena Devid ọttạra anạng pẹ bẹ́, abẹ achi. Abẹ aben bẹ́, “Anạng mba kk'bẹ ọkhọhna, okwo ọkhaama bẹ, asi abạra adaak bẹ k'ibyi s'anạng nạn nárukha.”
The Seed Company