1 Samwẹl30
1Wa Devid ọttạra anạng pẹ atim iwu ittaan akpira Ziklag. Ma okpe ngwọ, anạng p'Amalẹk kk'Nẹgẹv ọttạra Ziklag achia k'ekpong. Abẹ kk'Ziklag abẹ arima tạrr abẹ akkạmọ kwẹ.2Abẹ abạra avạkha ipanạng ọttạra anạng p'aning ma phyibh, ọgbọsẹkhẹ ọttạra adennạng, abẹ atima bẹ phyibh afona, okhenka, abẹ atim bẹ ikhikhebhi afona.3Masẹ Devid ọttạra ajunung pẹ akpir k'ofhon kw'Ziklag, abẹ n'asẹ bẹ́, abẹ kk'Ziklag akkạma phyibh, abẹ abạra avạkha ipanạng ọttạra iva pabẹ atima afona.4Ma wọ Devid ọttạra anạng pẹ agạm tạrr ẹfa ẹsa bẹ.5N'ode sabẹ kk'ipanạng afa p'Devid pade Ahinoam kw'ubin Jẹzrẹl, ọttạra Abigẹl kw'ode opokwa kw'Nabal kw'ubin Kaamẹl avạkha atima afona.6Wa udik ngwọ ọphyaangẹ Devid ẹmma mororo, ukwuru s'uwa anạng pẹ n'aben bẹ́, atọbh-ẹ ata. Wa ọnạng kwidede n'okhaam ottem-pyibh ukwuru ipanạng ọttạra iva pabẹ. Okhenkha, Devid ọtạk ottembạr k'Ọvaar Ubinọkpaabyi, kw'ode Ubinọkpaabyi kwẹ.7Ma wọ Devid n'obeni Abiyata kw'ode ọfọhnẹja, ọbạra ode nnwa kw'Ahimẹlẹk bẹ́, “Kken-m ẹphọd.” Abiyata ọtạkha ẹphọd okken-ẹ.8Ma wọ, Devid ọdwạn Ọvaar Ubinọkpaabyi bẹ́, “Aro kwaam, ma n'nkhubh ikhaana nnọ s'ichi ofhon o? S'm'nkke nkhạbha bẹ oro yeri?” Ọvaar Ubinọkpaabyi ọpọhna bẹ́, “Khubh bẹ, khiri m'akhạbha bẹ ọkhạbha, abạra arạbha anạng pọ k'abẹ k'mbọhk.”9Ma wọ Devid ọttạra akpongnạng pẹ ẹnọhna ukuma arạbh jobh p'atwạnọ abẹ akpir k'ipekhuma s'Bẹsọr, k'ibyi sabẹ achokhu anạng bạnọ.10Wa ẹfa ẹsa anạng nạbh jobh tạrr abẹ dạkhẹ ipekhuma nnọ nákke ajekha. Okhenkha, Devid ọttạra ajunung pẹ ẹnọhna afon ororo akhubh anạng mbọ.11Wa abẹ ase oJipnạng wạnọ kw'uning k'owonu, abẹ avạkh-ẹ akkena Devid. Abẹ anạng-ẹ uchiattọhk uchi, abẹ abạra anạng-ẹ asi ogwo.12Abẹ abạra atạkha igbugbo sabẹ atim afig p'agwu-ugwu asi, ọttạra akwa afa p'igbugbo sabẹ atim agrep p'agwu-ugwu asi, anạng-ẹ, uchi, ọbạra ọkhaama ẹfa. Ẹma wa uchiattọhk vạnọ-vạnọ tạm núchia, asi bạnọ-bạnọ tạm núgwa k'iwu ittaan ọttạra nnunguwu nttaan.13Wa Devid ọbạbh-ẹ bẹ́, “Ọma ade kw'anẹ? Abin mạn?” Ọnạng nwọ ọbẹ́, “Amma mbin Ijip, nde ubira kw'ọnạng kw'ubin Amalẹk. Aro kwaam ufhum-m ọbhạrẹ ma, s'ọmma-m k'iwu ittaan s'kk'isenga.14Amạna kk'Nẹgẹv kw'aKẹrẹt, ọttạra ukhubha kw'Juda, ọttạra Nẹgẹv kw'Kalẹb anchia k'ekpong, ambạra ankkạmọ Ziklag.”15Devid ọbạbh-ẹ bẹ́, “Sạmạna atim-m eden nta nkhebha ikhaana s'akpongnạng mbọ p'achi ifhon nnọ k'ekpong?”
Ọpọhna bẹ́, “Ọma chekhi ma ititikha s'Ubinọkpaabyi bẹ́, khaam máfhọ, khaam ọbọhk mábạra atte anạng aro kwaam. Amma m'ntim-ọ utima anta k'ibyi sabẹ aning.”16Ma wọ oJipnạng nwọ utim Devid eden, abẹ ata akhebha abAmalẹk p'kk'anyaama abaabha ibyi sidede. Abẹ n'achi, abẹ agwo, n'asi erobha, ukwuru ekpo sabhaada py'abẹ kk'achia k'ekpong ch'abẹ arim aPhilistiya ọttạra aJuda abẹ.17Devid urima bẹ abẹ tạma ma ẹchọhkha njọ tạrr ukpira k'ẹchọhkha ch'iwu ẹdwạkh-ọdwạk. Wa ọnạng wạnọ-wạnọ kw'ọnnaang kóde, oyonga adikkobh ẹnọhna p'avur akamẹl arạbh afona.18Wa Devid ọkpa nnạm ọtạkha ọttọhk fidede, ọttạra ipanạng pẹ afa p'Amalẹk kk'atạkha.19Ọttọhk vạnọ-vạnọ f'uwa udimi kóde. Wa Devid utim ọttọhk fidede ọkpa nnạm, ọgbọsẹkhẹ ọttạra adennạng, adikkọbh ọttạra aminava, ọttạra fidede f'anạng mbọ kk'achia k'ekpong.20Wa Devid ọkpa nnạm ọtạkha itirakpo phyi-phyibh, akpongnạng pẹ ayaar atima achi-ẹ eden n'aben bẹ́, “Ma wọ ode ekpo p'Devid uchi k'ekpong e.”21Wa Devid ọkpa nnạm ukwu okhebha anạng nạbh jobh mbọ p'wạra ẹfa kk'bẹ ẹsa, p'nạn abẹ nákke atwạn bạra abẹ atte bẹ ọbọhk k'ipekhuma s'Bẹsọr. Anạng mbọ ayin ka akwu akhebha Devid ọttạra anạng p'atwạnọ abẹ. Masẹ Devid ọttạra anạng pẹ aseng abaanga bẹ, Devid osima bẹ.22Okhenkha, abyibyanạng ọttạra akhọrnạng phyibh p'attạr k'ikhaana s'anạng p'atwạnọ Devid abẹ abeni bẹ́, “Ukwuru sabẹ nạn mạna abẹ nátwạna ata ekpong njọ, abẹ okhebh vạnọ-vạnọ ma ekpo py'anchi k'ekpong mákhaama. Tte ujunung kwidede okhenka ọtạkha ikwanạng kwẹ ọttạra iva pẹ ọsọhng ọbhạna.”23Devid oben bẹ́, “Mma o, ivotte paam. Tte nạngẹ oche ngwọ ansi k'ekpo p'Ọvaar Ubinọkpaabyi kk'mạna ọnạnga. Ẹma kk'mạna ọkpakpa ubhubha, ọbạra ọtạkha akpongnạng p'arim mạna abẹ oge mạna kk'mbọhk.24Anẹ wọ m'ọkhọhmọ bạnga itọhng k'udik ngwama o? Okhebh pf'anạng ọnạng kw'okkeri ekpongkpo m'ode obengana ọttạra pf'ọnạng kw'ọta ekpong. Ọnạng kwidede m'ọtạkha okhebh obengana.”25Wa Devid ochokhu udik ngwọ masẹ inyina ọttạra nttọhna, ọnạng anạng p'Israẹl, tạma ma iwu njọ tạrr ukpira chemma.26Masẹ Devid ukpir k'Ziklag, ọtọhmọ okhebh f'ekpo byạnọ py'abẹ achi k'ekpong okkena adecho p'Juda, p'ade ayok-odikobh pẹ, oben bẹ́, “Ma wọ ode ẹnạnga chabạnga ch'ibin k'ekpo py'anchi k'awawunanạng p'Ọvaar Ubinọkpaabyi e.”27Wa ọtọhmọ ẹnạnga njọ okkena anạng k'Bẹtẹl, ọttạra k'Ramọt Nẹgẹv, ọttạra k'Jatir,28ọttạra k'Aroe, ọttạra k'Siphmọt, ọttạra k'Ẹstẹmoa,29ọttạra k'Rakal, ọttạra k'ifhon s'aJẹramẹl ọttạra s'aKen,30ọttạra k'Họma, ọttạra k'Bor-Ashan, ọttạra k'Atak,31ọttạra k'Hẹbrọn, ọttạra anạng p'aning k'ibyi sidede s'Devid ọttạra akpongnạng pẹ kk'akpaanga akpira.
Ọpọhna bẹ́, “Ọma chekhi ma ititikha s'Ubinọkpaabyi bẹ́, khaam máfhọ, khaam ọbọhk mábạra atte anạng aro kwaam. Amma m'ntim-ọ utima anta k'ibyi sabẹ aning.”16Ma wọ oJipnạng nwọ utim Devid eden, abẹ ata akhebha abAmalẹk p'kk'anyaama abaabha ibyi sidede. Abẹ n'achi, abẹ agwo, n'asi erobha, ukwuru ekpo sabhaada py'abẹ kk'achia k'ekpong ch'abẹ arim aPhilistiya ọttạra aJuda abẹ.17Devid urima bẹ abẹ tạma ma ẹchọhkha njọ tạrr ukpira k'ẹchọhkha ch'iwu ẹdwạkh-ọdwạk. Wa ọnạng wạnọ-wạnọ kw'ọnnaang kóde, oyonga adikkobh ẹnọhna p'avur akamẹl arạbh afona.18Wa Devid ọkpa nnạm ọtạkha ọttọhk fidede, ọttạra ipanạng pẹ afa p'Amalẹk kk'atạkha.19Ọttọhk vạnọ-vạnọ f'uwa udimi kóde. Wa Devid utim ọttọhk fidede ọkpa nnạm, ọgbọsẹkhẹ ọttạra adennạng, adikkọbh ọttạra aminava, ọttạra fidede f'anạng mbọ kk'achia k'ekpong.20Wa Devid ọkpa nnạm ọtạkha itirakpo phyi-phyibh, akpongnạng pẹ ayaar atima achi-ẹ eden n'aben bẹ́, “Ma wọ ode ekpo p'Devid uchi k'ekpong e.”21Wa Devid ọkpa nnạm ukwu okhebha anạng nạbh jobh mbọ p'wạra ẹfa kk'bẹ ẹsa, p'nạn abẹ nákke atwạn bạra abẹ atte bẹ ọbọhk k'ipekhuma s'Bẹsọr. Anạng mbọ ayin ka akwu akhebha Devid ọttạra anạng p'atwạnọ abẹ. Masẹ Devid ọttạra anạng pẹ aseng abaanga bẹ, Devid osima bẹ.22Okhenkha, abyibyanạng ọttạra akhọrnạng phyibh p'attạr k'ikhaana s'anạng p'atwạnọ Devid abẹ abeni bẹ́, “Ukwuru sabẹ nạn mạna abẹ nátwạna ata ekpong njọ, abẹ okhebh vạnọ-vạnọ ma ekpo py'anchi k'ekpong mákhaama. Tte ujunung kwidede okhenka ọtạkha ikwanạng kwẹ ọttạra iva pẹ ọsọhng ọbhạna.”23Devid oben bẹ́, “Mma o, ivotte paam. Tte nạngẹ oche ngwọ ansi k'ekpo p'Ọvaar Ubinọkpaabyi kk'mạna ọnạnga. Ẹma kk'mạna ọkpakpa ubhubha, ọbạra ọtạkha akpongnạng p'arim mạna abẹ oge mạna kk'mbọhk.24Anẹ wọ m'ọkhọhmọ bạnga itọhng k'udik ngwama o? Okhebh pf'anạng ọnạng kw'okkeri ekpongkpo m'ode obengana ọttạra pf'ọnạng kw'ọta ekpong. Ọnạng kwidede m'ọtạkha okhebh obengana.”25Wa Devid ochokhu udik ngwọ masẹ inyina ọttạra nttọhna, ọnạng anạng p'Israẹl, tạma ma iwu njọ tạrr ukpira chemma.26Masẹ Devid ukpir k'Ziklag, ọtọhmọ okhebh f'ekpo byạnọ py'abẹ achi k'ekpong okkena adecho p'Juda, p'ade ayok-odikobh pẹ, oben bẹ́, “Ma wọ ode ẹnạnga chabạnga ch'ibin k'ekpo py'anchi k'awawunanạng p'Ọvaar Ubinọkpaabyi e.”27Wa ọtọhmọ ẹnạnga njọ okkena anạng k'Bẹtẹl, ọttạra k'Ramọt Nẹgẹv, ọttạra k'Jatir,28ọttạra k'Aroe, ọttạra k'Siphmọt, ọttạra k'Ẹstẹmoa,29ọttạra k'Rakal, ọttạra k'ifhon s'aJẹramẹl ọttạra s'aKen,30ọttạra k'Họma, ọttạra k'Bor-Ashan, ọttạra k'Atak,31ọttạra k'Hẹbrọn, ọttạra anạng p'aning k'ibyi sidede s'Devid ọttạra akpongnạng pẹ kk'akpaanga akpira.
The Seed Company