Joshua16

Okebh f'Ephraim ọmaana Manasẹ

1Wa okebh f'Josẹph, ọtọm z'Jọrdan z'Jẹriko, z'ẹbhaakẹ ch'ewuchen ed-eyin, z'nkeka s'Jeriko, etima mina maa, evura z'ibyi s'anọng nna arukọ, maa, ekwu epyirẹ z'ẹkọma ch'egbe ch'Bẹtẹl.2Ebina ny'Bẹtẹl (kw'ode Luz), ejeka z'ẹkọma ch'anọng p'Ark, z'Atarọt,3ẹwọna za ch'ewuchen ed-edimẹ, z'ẹkọma ch'anọng p'Japhlẹt maa, pyirẹ z'izek-izek kw'Bẹt-Họrọn, etima maa, epyirẹ z'Gẹzẹr, ẹd-ẹkpọka z'ọraanga kwiden kw'Mẹditereniya.
4Minna kw'anọng p'Manasẹ, ọmaana Ephraim, p'uwa made iva p'iva p'Josẹph, matọk okebh fabẹ.
5Ma wọ ode ẹkọma ch'Ephraim, atorọ k'nnọmma sabẹ:
Wa enem ch'okebh fabẹ, ẹtọm z'Atarọt-Adar, za ch'ewuchen ed-eyin, maa, epyirẹ z'ebir-ebir kw'Bẹt-Họrọn,
6etima maa, epyirẹ z'ọraanga kwiden kw'Mẹditereniya. Tọma ny'ebir-ebir kw'Mikmẹtat, ẹkwọrọ echina z'Taanat-Shilo, ẹkpan ezeng z'Jonoa, za ch'ewuchen ed-eyin.7Enem ndo ebina z'Janoa, ẹwọna echina z'Atarọt, z'Naara, ẹd-ẹbọka z'Jeriko, pira neyinẹ z'Jọrdan.8Tọma z'Tapua, enem ndo echina z'ilokodo s'Kana, ẹd-ẹkpọka z'ẹbhaakẹ ch'ọraanga kwiden kw'Meditereniya. Ma wọ ode okebh f'ẹkọma ch'Ephraim, atorọ k'nnọmma sabẹ.9Wa okebh fabẹ ọttar ibhon maphyir, ọmaana ibhonva s'makọm asok anọng Ephraim ny'ẹtaanga kw'okebh f'Manasẹ.
10Wa bẹ m'anọng p'Kenaan p'arukọ z'Gẹzẹr kakwubhọ. Maa, pyirẹ m'ewu ch'menda, anọng p'Kenaan atim arukọ amaana anọng Ephraim, okenaka, mad-agwa bẹ k'ẹfa bẹ́, masi itọhm.

The Seed Company

https://app.library.bible/content/e434d17646502707