Joshua15
Okebh f'Juda
1Wa okebh f'efona ch'Juda, atorọ k'nnọmma sabẹ, otim maa, opyire z'ẹkọma ch'Edom, z'ibyi s'anọng nna arukọ, z'ẹwọn-ẹwọna kw'Zin.2Enem chabẹ ẹtọm z'ẹwọn-ẹwọna kw'ẹkpọka ch'Ọraanga kwiden kw'Onung, 3ekwu ejeka z'ẹwọn-ẹwọna kw'Akrabim, ẹkpan nya, epyirẹ z'Zin. Ebir ẹkpan echina ẹwọn-ẹwọna kw'Kadẹsh-Barnea. Minna kw'ebir ezenga ẹkpan Hẹzrọn z'ẹrọng-ẹrọng kw'Adar, pira nẹnyọhngọ, echina z'Karka.4Ekwu ezenga echina Azmọn, etor ekeka ch'enem ch'Ijip, ẹd-ẹkpọka z'Ọraanga kwiden kw'Meditereniya. Ma wọ ode enem chabẹ ch'ẹwọn-ẹwọna.5Enem ch'ẹbhaakẹ ch'ewuchen ed-eyin ede Ọraanga kwiden kw'Onung, ch'etim maa, epyirẹ z'ẹraangamma ch'Jọrdan. Enem ch'ebir-ebir ẹtọma z'ẹraangama ch'Jọrdan, epyirẹ z'ẹkpọka ch'ọraanga kwiden.6Etima maa, epyirẹ z'Bẹt-Họgla, echina ebir-ebir kw'Bẹt-Araba maa, etto z'Ọta kw'Bohan, kw'ode nnwa kw'Reubẹn.7Enem ndo etima maa, epyirẹ Debir, z'ilokodo s'Achọr, ẹbhakẹ echina ebir-ebir kw'Gilgal, kw'okkerẹ ititika z'Eden ch'Adumim, z'ẹwọn-ẹwọna kw'ilokodo. Etima maa, epyirẹ z'nkeka s'Ẹn Shẹmẹsh, ekwu eyin z'Ẹn Rogẹl.8Enem ndo echina ebir-ebir z'ilokodo s'Bẹn-Hinọm, z'ẹwọn-ẹwọna kw'isakada s'ebhondim ch'Jebus (kw'ode Jẹrusalẹm). Tọma ny'enem ndo, evura z'ogbeso kw'ẹbhaakẹ ch'ewuchen ed-edimẹ, z'Ilokodo s'Hinọm, z'ẹkpọka ch'ebir-ebir kw'Ilokodo s'Rephayim.9Enem ndo ẹtọma ny'ogbeso, ekkerẹ ititika z'nkeka s'Nẹphtoa, eyin k'ibhon s'Egbe ch'Ẹphrọn, ebir echina izek-izek kw'Bala (kw'ode Kiriyat-Jearim).10Nya kw'enem ndo ẹnyọhngọ, echina za ch'ewuchen ed-edimẹ, ezeng z'Bala, maa pyirẹ z'Egbe ch'Seir. Etima minna maa, epyirẹ ebir-ebir kw'isakada s'Egbe ch'Jearim (kw'ode Kẹsalọn), etima minna maa, ẹwọna z'Bẹt-Shẹmẹsh, ejeka z'Timna.11Enem ndo echina ebir-ebir kw'isakada s'Ekrọn, ẹbhakẹ ekkerẹ ititika z'Shikẹrọn, ẹkpan echina z'Egbe ch'Bala, ed-epyirẹ z'Jabnẹl, ekwu ẹkpọka z'ọraanga kwiden.12Enem ch'ẹbhaakẹ ch'ewuchen ed-eyin, ede araangakonga p'Ọraanga kw'Mẹditereniya.Ma wọ ode nnem s'ikọbh efona ch'Juda, atorọ k'nnọmma sabẹ.13Wa Joshua ọnangẹ Kalẹb, kw'ode nnwa kw'Jẹphunẹ, ẹkọma ch'Kirayat-Arba, kw'ode Hẹbrọn, mach'okebh fẹ z'Juda, k'ose kw'Ọvaar Ibinọkpaabyi ikk'ẹ ọtọhna. (Arba wọ iwa ode otte kwiden kw'anọng p'Anak.)14Tọma ny'Hẹbrọn, Kalẹb okwubh nnọmma nttaan s'anọng p'Anak, s'ide Shẹshayi, ọmaana Ahiman, ọttara Talmayi.15Obina nya od-orima anọng p'Debir ábẹ̀ (Debir kw'uwa mayerẹ Kiriyat Sẹphẹr).16Minna kw'Kalẹb obenẹ bẹ́, “Ojinọng kw'm'orima, obira okema Kiriyat-Sẹphẹr k'egbong, kaam m'ntọka Aksa, kw'ode ominanwa kwaam, nnang-ẹ k'ọbada.”17Wa Otniyẹl kw'ode nnwa kw'Kenaz, kw'ode ọgbaanotte kw'Kalẹb, okema obhon nwo k'egbong. Minna kw'Kalẹb ọtọk Aksa, kw'ode ominanwa kwẹ, ọnang Otniyẹl k'ọbada.18K'ewu danẹ, ch'Aksa od-okebha Otniyẹl, ọchọhm-ẹ bẹ́, ophyem otte izek. K'ogbe kw'Aksa ọsak z'ẹnyanya chẹ, Kalẹb ọbọbh-ẹ bẹ́, “Bọng-ọttọhk f'arorọ bẹ́, nsi nnangọ o?”19Aksa ọpọhn-ẹ bẹ́, “Si ọphyaam nang-m. Ch'kk'aam izek ananga z'Nẹgẹv, bir nang-m nkeka ọdọk.” Nya o, Kalẹb ọnang-ẹ nkeka s'ebir-ebir, ọmaana s'ẹwọn-ẹwọna.20Ma wọ ode okebh f'ẹkọma ch'Juda, atorọ k'nnọmma sẹ.21Wa ibhon s'ikpa-nso z'ẹwọn-ẹwọna kw'Juda z'Nẹgẹv kw'ọnyọm enem ch'Edom ide: Kabzẹl, ọmaana Ẹdẹr, ọmaana Jagur,22ọmaana Kina, ọmaana Dimona, ọmaana Adada,23ọmaana Kẹdẹsh, ọmaana Hazọr, ọmaana Itnan,24ọmaana Ziph, ọmaana Tẹlẹm, ọmaana Bealọt,25ọmaana Hazọr-Hadata, ọmaana Kẹriot-Hẹzrọn (kw'ode Hazọr),26ọmaana Amam, ọmaana Shẹma, ọmaana Molada,27ọmaana Hazar-Gada, ọmaana Heshmọn, ọmaana Bẹt-Pẹlẹt,28ọmaana Hazar Shual, ọmaana Beershẹba, ọmaana Biziotiya,29ọmaana Bala, ọmaana Iyim, ọmaana Ezem,30ọmaana Eltolad, ọmaana Kesil, ọmaana Họrma,31ọmaana Ziklag, ọmaana Madmana, ọmaana Sansana,32ọmaana Lebayọt, ọmaana Shilhim, ọmaana Ayin ọttara Rimọn. Kibung-kibungọ, wa ode ibhon ẹrọbh okwuma osowanẹ ọmaana ibhonva sabẹ.33Z'igbemmo, z'ẹbhaakẹ ch'ewuchen ed-edimẹ, ode Eshtaol, ọmaana Zọra, ọmaana Ashna,34ọmaana Zanoa, ọmaana En-Ganim, ọmaana Tapua, ọmaana Enam,35ọmaana Jarmut, ọmaana Adulam, ọmaana Soko, ọmaana Azeka,36ọmaana Sharayim, ọmaana aditayim, ọttara Gẹdẹra (kw'mabir ayerẹ Gẹdẹrotayim). Kibung-kibungọ, wa ode ibhon siden osowanẹ kw'ichi ọttara ibhonva sabẹ.37Ibhon s'ibir ittara nya ide Zenan, ọmaana Hadasha, ọmaana Migdal-Gad,38ọmaana Dilean, ọmaana Mizpa, ọmaana Joktẹl,39ọmaana Lakish, ọmaana Boskat, ọmaana Ẹglọn,40ọmaana Kabon, ọmaana Lahmas, ọmaana Kitlish,41ọmaana Gẹdẹrọt, ọmaana Bẹt-Dagọn, ọmaana Nama, ọttara Makẹda. Kibung-kibungọ, wa ode ibhon siden ichi kkawanẹ, ọmaana ibhonva sabẹ.42Ibhon s'ibir ininga nya ide Libna, ọmaana Ẹtẹr, ọmaana Ashan,43ọmaana Iphta, ọmaana Ashna, ọmaana Nẹzib,44ọmaana Keila, ọmaana Akzib, ọttara Marẹsha. Kibung-kibungọ, wa ode ibhon siden osowanẹ ọmaana ibhonva sabẹ.45S'ibir ittara nya ide Ekrọn, ọmaana ibhon s'ikọbh-ẹ, ọttara ibhonva sabẹ.46Z'okwubha kw'ewuchen ed-edimẹ, ode Ekrọn, ọmaana ibhon maphyir z'okwubha kw'Ashọd ọmaana ibhonva sabẹ;47Ashọd ọmaana ibhon s'ikọbh-ẹ, ọmaana ibhonva sabẹ, ọmaana Gaza, ọttara ibhonva sẹ maa, pyirẹ z'Ekeka ch'Ijip, ọmaana araangakonga p'ọraanga kwiden kw'Mẹditereniya.48Z'ẹbhaakẹ ch'agbeso, ode Shamir, ọmaana Jatir, ọmaana Sọkọ,49ọmaana Dana, ọmaana Kiriyat-Sana (kw'ode Debir),50ọmaana Anab, ọmaana Eshtemọ, ọmaana Anim,51ọmaana Goshen, ọmaana Holọn, ọttara Gilọ. Kibung-kibungọ, wa ode ibhon siden ijobh kawanẹ, ọmaana ibhonva sabẹ.52Wa obir ode ibhon s'Arab, ọmaana Duma, ọmaana Eshan,53ọmaana Janim, ọmaana Bẹt-Tapua, ọmaana Apheka,54ọmaana Humta, ọmaana Kiriyat-Arba (kw'ode Hẹbrọn), ọttara Zior. Kibung-kibungọ, wa ode ibhon siden osowanẹ, ọmaana ibhonva sabẹ.55Wa obir ode ibhon s'Maon, ọmaana Kamẹl, ọmaana Ziph, ọmaana Juta,56ọmaana Jẹzrẹl, ọmaana Jokeam, ọmaana Zanoa,57ọmaana Kain, ọmaana Gibea, ọttara Timna. Kibung-kibungọ, wa ode ibhon siden ijobh, ọmaana ibhonva sabẹ.58Wa obir ode ibhon s'Halhul, ọmaana Bẹt-Zur, ọmaana Gẹdọr,59ọmaana Maarat, ọmaana Bẹt-Anọt, ọttara Eltẹkon. Kibung-kibungọ, wa ode ibhon siden ichadanẹ, ọmaana ibhonva sabẹ.60Wa obir ode ibhon s'Kiriyat-Baal (kw'ode Kiriyat-Jearim), ọmaana Raba, kw'ode ibhon siden ifa ọttara ibhonva sabẹ.61Z'ibyi s'anọng nna arukọ, ode Bẹt-Araba, ọmaana Midin, ọmaana Sẹkaka,62ọmaana Nibshan, ọmaana Obhon kwiden kw'Onung, ọmaana En-Gẹdi. Kibung-kibungọ, wa ode ibhon ichadanẹ, ọmaana ibhonva sabẹ.63Wa anọng p'Juda, manọng p'Jebus p'arukọ ny'Jẹrusalẹm kakpo akwubh. Maa, pyirẹ menda, anọng p'Jẹbus atim arukọ nya amaana anọng p'Juda.
The Seed Company