Joshua12
Avaar p'uwa Mosẹs okem k'egbong
1Ma wọ ode avaar p'nkọma s'iwa anọng p'Israẹl makem, pira matọka ozek fabẹ f'oning z'Jọrdan, z'ẹbhaakẹ ch'ewuchen ed-eyin, tọma z'ilokodo s'Arnọn, pyirẹ z'egbe ch'Hẹrmọn, ọttara ẹbhaakẹ ch'Araba maphyir ch'ening z'ẹbhaakẹ ch'ewuchen ed-eyin. Avaar mbo ade:2ọvaar Sihọn kw'anọng p'Amọr, kw'oning z'Hẹshbọn ọbaabha. Wa ọbaabh tọma z'Aroer kw'oning k'akonga p'ilokodo s'Arnọn maa, pyirẹ ny'njeka kw'ilokodo njo, tima maa, pyirẹ z'Ọraanga kw'Jabọk kw'ode enem ch'anọng p'Amọn, obira ode igboka janẹ s'ẹkọma ch'Gilead.3Wa Sihọn obira ọbaabha Arabah kw'oning z'ẹbhaakẹ ch'ewuchen ed-eyin, tọma z'Ọraanga kwiden kw'Galili maa, pyirẹ z'Ọraanga kw'Araba (kw'ode Ọraanga kw'Obo), tima maa, pyirẹ z'Bẹt-Jeshimọt maa, pyirẹ z'ẹwọn-ẹwọna kw'isakada s'Pisga.4Ọvaar Sihọn obira ọbaabha ẹkọma ch'ọvaar Ọg kw'Bashan kw'ode ọvaarnọng wanẹ ny'avaar p'Rephayi p'uwa makpongnnam abaabha z'Ashtarọt ọmaana z'Edrei.5Ọbaabha ẹkọma ch'Egbe ch'Hẹrmọn, ọmaana ch'Salẹka, ọmaana ẹbhaakẹ ch'Bashan maphyir maa, pyirẹ z'enem ch'anọng p'Geshur ọmaana ch'Maaka, ọttara igboka janẹ s'Gilead maa, pyirẹ z'enem ch'ọvaar Sihọn kw'Hẹshbọn.6Mosẹs kw'ode ọtọhmnọng kw'Ọvaar Ibinọkpaabyi, ọmaana anọng p'Israẹl, makema avaar mba afa k'egbong. Mosẹs kw'ode ọtọhmnọng kw'Ọvaar Ibinọkpaabyi ọtọka izek sabẹ ọnang anọng p'ẹkọma ch'Reubẹn, ọmaana p'Gad, ọttara igboka janẹ s'efona ch'Manasẹ bẹ́, mayena.7Ma wọ ode avaar p'nkọma s'Joshua ọmaana anọng p'Israẹl makem z'ẹbhaakẹ ch'ewuchen ed-edimẹ z'Jọrdan, tọma z'Baal-Gad kw'oning k'ilokodo s'Lẹbanọn maa, pyirẹ z'Egbe ch'Halak ch'ekkerẹ z'Seir. Wa Joshua ọtọka ozek f'nkọma sabẹ okebh ọnang anọng p'Israẹl k'ose kw'mfona s'Israẹl ide.8Nkọma njo ide ẹkọma ch'egbe, ọmaana ẹkọma ch'igbemmo ch'ening z'ẹbhaakẹ ch'ewuchen ed-edimẹ, ọmaana ẹkọma ch'Araba, ọmaana ẹkọma ch'isakada, ọmaana ch'ibyi s'anọng nna arukọ, ọttara ch'Nẹgẹv. Wa nkọma nja ide nkọma s'anọng p'Hit, ọmaana p'Amọr, ọmaana p'Kenaan, ọmaana p'Periz, ọmaana p'Hiv, ọttara p'Jebus. Avaar mbo p'uwa anọng p'Israẹl makem made:9ọvaarnọng kw'Jẹriko, ọmaana kw'Ai, p'marukọ anyọma Bẹtẹl;10ọmaana ọvaarnọng kw'Jẹrusalẹm, ọmaana kw'Hẹbrọn,11ọmaana ọvaarnọng kw'Jarmut, ọmaana kw'Lakish,12ọmaana ọvaarnọng kw'Eglọn, ọmaana kw'Gezer,13ọmaana ọvaarnọng kw'Debir, ọmaana kw'Gedẹr,14ọmaana ọvaarnọng kw'Họrma, ọmaana kw'Arad,15ọmaana ọvaarnọng kw'Libna, ọmaana kw'Adulam,16ọmaana ọvaarnọng kw'Makkeda, ọmaana kw'Bẹtẹl,17ọmaana ọvaarnọng kw'Tapua, ọmaana kw'Hephẹr,18ọmaana ọvaarnọng kw'Aphek, ọmaana kw'Lasharọn,19ọmaana ọvaarnọng kw'Madọn, ọmaana kw'Hazọr,20ọmaana ọvaarnọng kw'Shimrọn-Mẹrọn, ọmaana kw'Akshaph,21ọmaana ọvaarnọng kw'Taanak, ọmaana kw'Megido,22ọmaana ọvaarnọng kw'Kẹdẹsh, ọmaana kw'Jokneam kw'oning z'Karmẹl,23ọmaana ọvaarnọng kw'Dor, kw'oning z'Naphot-Dor, ọmaana kw'Goyim, kw'oning z'Gilgal,24ọttara ọvaarnọng kw'Tirza. Kibungọ-kibungọ, wa avaar mbo ade anọng ẹrọbh okwuma ijobh kawanẹ.The Seed Company