Read Amós 1

Amós1

Tz'e'ysb'il kywitzju' nimaqtnam nqaku' ta'qe' tk'etz Israel

¹Atzun tqanil ja'lu tzaj tq'o'n Qman Dyos te Amos, jun k'ik'lel rit toju' tnam Tekoa, tzaj tq'o'n tqanil te ti'ju' tnam Israel, atixtoq kab'e' ab'q'itl tu'n ttzaju' kyejnajnab' toju' tq'ijlalil nimaqkawil Usiy toj Juda, ex toj tq'ijlalil Jerob'oam, tk'wal Joas, nimaqkawil toj Israel.

²Naqa xtb'inchate Qman Dyos tu'n tb'injtzu' toj twi' njulin naku'j q'ankyaq tzmax twi' witz Syon, toj Jerusalen, nche kub' tzqju' k'ul kywa alu'mj kyoj kojb'il ex nkub' tzqij twi' witz Karmelo.

³Chi Qman Dyos kjalu: Nim txqan myab'a'n matxi' kb'inchaju' xjal te Damask, qu'mtzun lay naq chin ka'yine' kye; qu'n mache okten yajlalkyeju' xjal aj Kalaad, kse'n nxq'iq'et triy tu'n pitxb'il.⁴Qu'mtzun k'okyel nq'o'ne' tq'aq'al tja nimaqkawil Asael, ex tu'nxju' q'aq' lu che kb'ajelju' ja te kawb'il te B'en-adad.⁵K'okex npa'njuye' tjpel nintnam Damask; ex kb'el nb'ajsa'nju'ye' nkawin toj B'ikat-ab'en exju' nkawin toj B'et-eden, aye'tzu'n aj Sirya che kxe'l q'i'n toj Kyir. Chi Qman Dyos.

⁶Chi Qman Dyos kjalu: Nim txqan myab'a'n matxi' kb'inchaju' xjal te Kasa ex lay naq chin ka'yine' kyi'j; qu'n majx xikyiq'i'n jun tnam, ex matxikyk'a'yi'n toj Edom naku'j lq'on majen.⁷Qu'mtzun k'okyel nq'o'n kq'aq'alju'ye' nimaq tapi te Kasa, ex che kb'ajelju' ja te kawb'il tu'n.⁸Kb'el nxitu'nju'ye' nkawin toj Asdod exju' nkawin toj Askalon. ¡Tuk'i'l tkyaqil wipumale' chin okyel tzaqpaje' ti'j Ekron, ex majx che mankulju' pilistey wu'ne'! Chi Qman Dyos.

⁹Chi Qman Dyos kjalu: Nim txqan myab'a'n matxi' kb'inchaju' xjal aj Tiro ex lay naq chin ka'yine' kyi'j; qu'n xikyq'o'n jun tnam toj tkawb'il Edom, aju' tnam kyejni b'ent jun kyol kyuk'ilju' kyitz'inkyib'.¹⁰Qu'mtzun k'okyel nq'o'ne' kq'aq'alju' tapi te Tiro, ex che kb'ajel patju' tja kawb'il tu'nju' q'aq' lu.¹¹Chi Qman Dyos kjalu: Nim txqan myab'a'n matxi' kb'inchaju' xjal te Edom ex lay naq chin ka'yine' kyi'j; qu'n e'oklpe kyi'ju' aj Israel tuk'i'l k'uẍtx'e'nb'il, mixti'x tzaj laqj kyk'u'j kyi'ju' kyitz'in. Tzaj ktx'u'jil b'a'nxi'x, ex majx matxi' kq'o'n kq'oj toj kyk'u'j.¹²Qu'mtzun k'okyel nq'o'ne' tq'aq'alju' tnam Teman, ex che kb'ajel patju' tja kawb'il te B'osra tu'nju' q'aq' lu.

¹³Chi Qman Dyos kjalu: Nim txqan myab'a'n matxi' kb'inchaju' xjal te Amon ex lay naq chin ka'yine' kyi'j; qu'n b'ajx kplaq'cha'n kyk'u'ju' qya ch'onwi'qe' teju' tnam Kalaad, naqx tu'n ttzyet txqan tx'otx' kyu'n.¹⁴Qu'mtzun k'okyel nq'o'ne' kq'aq'alju' nimaqtapi te Rab'a, ex che b'ajel patju' kyja te nimaqkawb'il tu'n q'aq' lu ex kb'ajel sich' toj q'oj naku'j q'ankyaq inxi'x tinun.¹⁵Kxe'l q'i'nju' nimaqkawil toj juntl tnam, junx kyuk'i'l kykyaqilju' t-xjal nimaq kyoklen. Chi Qman Dyos.¹Chi Qman Dyos kjalu: Nim txqan myab'a'n matxi' kb'inchaju' xjal te Moab' ex naq chin ka'yine' kyi'j; qu'n kub' kytz'e'ysa'n tb'aqilju' nimaqkawil toj Edom tzmaxi'x tkub' tza'jix kyu'n.²Qu'mtzun k'okyel nq'o'ne' tq'aq'alju' tnam te Moab', ex che kb'ajel patju' tja kawb'il te Kyeryot tu'nju' q'aq' lu; kche kyimelju' aj moab' toj q'oj ajtq'ajti chun.³¡K'elel wiq'i'ne' nimaqkawil toj tnam: kb'el nb'yo'ne' junx kyuk'i'lju' t-xjal nimaq kyoklen! Chin Qman Dyos⁴Chi Qman Dyos kjalu: Nim txqan myab'a'n matxi' kyb'inchaju' xjal aj Juda ex lay naq chin ka'yine' kye; qu'n elkyik'u'nju' nxnaq'tzb'ile' ayine' Dyos Manb'aj ex min xikynima'nju' nkawb'ile', xi'pe' ẍe'k'uluna' kywitzxju' witzleb' jae'k'uluna' kyman.⁵Qu'mtzun k'okyel nq'o'ne' tq'aq'alju' tnam Juda, ex che kb'ajel patju' tja kawb'il te Jerusalen tu'nju' q'aq' lu. Tz'e'ysb'il kywitz aj Israel⁶Chi Qman Dyos kjalu: Nim txqan myab'a'n matxi' kyb'inchaju' xjal aj Israel ex lay naq chin ka'yine' kye; qu'n nxikyk'a'yi'nju' mixti' til tu'n tpaj pwaq atzunju' prow naqx tu'n tpaj jun muj xjab'.⁷Nche kub' kyjtz'o'nju' prow ex nche kub' kyaju'n, ex min kb'incha'nju' tnik'alilti'j kyeju' me'sqe'. Aju' manb'aj exju' k'walb'aj nche kub'kẍe tuk'i'l junx qya, tu'ntzunju' lu nkub' ksaqchb'e'nju' nb'iye' xjan.⁸Nche kub' kẍe kyib'aj xb'alun nche kyajq'o'n k'as, nche wan ti'ju' wab'j nkub' b'incha'n te ninb'ilkyeju' witzleb'; nkylq'o'n kyk'wa' b'in tu'nju' pwaq nelkyiq'i'n mya toj tnik'alti'j kyi'ju' xjal, nche k'wa'n toj tjaju' kydyos.⁹Ayintzunwe' naqx tu'n tjqet kyb'eye' wu'ne', eb'ajkub' nb'yo'ne' aj amorey; majx e mankun kykyaqil wu'ne', b'a'nqa nimaqtoq kywe' kse'n tze k'ute ex b'a'nqa kuwqe'toq kse'n k'ol.¹⁰Aye'tzunkye' eb'je'tz wiq'i'ne' toj Ejipt, ex nẍaqlu'n kab'naq (40) ab'q'i kyi'je' toj chq'ajlaj tu'n txi' nq'o'ne' ktx'otx' kyeye'.¹¹Lay b'ent tkub' kyewane' aj Israel, qa eb'jaw nsk'o'ne' junjun tu'n kyok te sanjelal ex junjuntl te nasarey kyxole'. Chiku' Qman Dyos.¹²Aye'tzunkye' e'ok kychq'o'ne' nasarey tu'n kyk'wan b'in, ex min kyaje' tu'n kyolinju' sanjelal toj nb'iye'.¹³Qu'mtzun knb'incha'ye' tu'n kb'aj wab'ane' kyu'n kyajq'oje', kse'n tx'otx' nb'aj potz'j tjaq' ttulil jun karet iqa'n nim triy tu'n.¹⁴B'a'nqa kuw che ojqelane', lay che tzaqpaje'; lay xkyetlju' kuw tipumal, ex lay kletju' mib'a'n xob'.¹⁵Lay b'ent t-xontlju' b'a'n smajil, lay kletju' kuw tz'ojqelan ex lay kletju' makub' oq tuk'i'l chej.¹⁶Toju' q'ij lu naqpena'ju' kuwxi'x kxolju' nimaq q'ojil kje t-xonju' taq'unb'il te q'oj tu'n tb'ent toq. Chiku' Qman Dyos. Taq'unju' t-sanjelal Qman Dyos

¹Kyb'intzpe'ye' aj Israel aju' ntma'n Qman Dyos teju' tnam etztiq'i'n toj Ejipt:

²Naq o'qe'kxe' ẍe jawnsk'o'ne' kxol kykyaqilju' tnam twitz tx'otx'. Qu'mtzun che okyele' wu'ne' toj xjel tib'aj tkyaqilju' taq'wix matxi' kb'inchaye'.

³Qa nche b'et kab'e' xjal junx, q'ancha'lxi'x qa kyekten;⁴Qama jaw tzanun jun b'alun toj k'ul, inel tnik'tzil qama knet jun tchi'; qa ntzanun jun tal b'alun toj tjul, inel tnik'tzil qa matxi' tzyet jun ti'xti' tu'n;⁵qama ku'tz tz'aq jun pich' twitz tx'otx', inel tnik'tzil qa atitoq jun xpatxab'; qama kub' japtz'aj jun xpatxab', inel tnik'tzil qa ati xkyej toj;⁶qama jaw q'ajti chun toj nintnam, nche jaw lab'ti xjal; qa ati jun taq'wix saj toju' nintnam, ate' Qman Dyostzu' saj q'onte.⁷Mixti'te jun ti'xti' ntb'incha'n Qman Dyos qa na'mxtaq ttzaj tma'n nejtl kyeju' tmajenju' t-sanjelal.⁸¿Alkye jun min jawlu'lun tu'n xob'el ajtjaw tzanunju' b'alun? ¿Alkye lay yolin toj tb'i Qman Dyos, qa a xq'mante? Xitb'il ti'j Samarya⁹Kpakb'anxe' kyoju' tja kawb'il toj Asdod ex kyoju' tja kawb'il toj Ejipt, kjalu: Kuktzaje' kwi'ju' witz te Samarya; kyka'yinxju'ye' xitb'il ati toj exju' yajb'il nb'aj kxol xjal atzu'.¹⁰Chiku' Qman Dyos: Minti' nche anq'inju' xjal lu toj tnik'alilti'j; inb'ajx kyk'u'nju' kyelaq' xb'aj kykanb'a'n toj q'oj kyoju' tja kawb'il.

¹¹Qu'mtzun ntma'n Qman Dyos: K'okyel txoli'n ti'ju tnam tu'n jun ajq'oj, kb'el tx'u'yi'nju' tipumala ex kb'je'litz telq'a'nju' toj tja kawb'il.

¹²Chi Qman Dyos kjalu: Kse'n jun k'ik'lel nklet kab'e' tqan mujqa jun t-ẍkyin jun rit tu'n toj ttzi jun b'alun, iktzu'n che tzaqpajela' aj Israel najlqe' toju' tnam Samarya, aye' kuẍlqe' kyib'aju' tb'anil kuẍb'il nche tzaj Damask.¹³Chi Qman Dyos nimtipumal ntma'n: Kyb'intzpe'ye' ex kyolinxju'ye' tnam te Jakob',¹⁴toju' q'ij ajkyoku' aj Israel wu'ne' toj xjel ti'ju' kyil, che b'elnxitune' q'olb'eb'l toj B'etel; che elel tx'emitju' tuk'a q'olb'eb'l ex che kb'eltz'aq twitz tx'otx'.¹⁵Che kb'el nxitu'ne' ja b'incha'nqe' te jb'alil ex te q'ijal, che kb'el nb'ajsa'ne' ja b'incha'nqe' te b'aq ex che kb'el nxitu'ne' nimaq tja kawb'il. Iku' chi Qman Dyos.¹Kyb'intzpe'ye' lu, ttxu wakx te B'asan, ju' ate'qe'ye' twi' witz te Samarya, nche kub' kyjtz'o'nju'ye' prow ex nche kub' kyyaju'ne' xjal ati nojqelan kye, nche'x kychq'o'ne' kychmile' q'il kyk'wa'ye' b'in.²Tmate Qman Dyos xjan jun tyol tu'n tb'inchante kjalu: Tzul tq'ijlalil che kxe'l q'i'ne' tuk'i'l ch'ok k'uxb'il, ex kche tzyetelju' kyale' tu'n ch'ok k'uxb'il najb'en tzyub'l kyiẍ.³Kche eletze' toj tal b'e txoli'n kytene', ex che elex xla'jane' twi' witz Ermon. Ikju' chi Qman Dyos. Kuwyol ti'ju' nkyb'incha'n xjal⁴Kukyxi'ye' B'etel, ex Kilkal; ¡Che b'inchanqe' ile', kychmomxi'x txqantl kyile'! Kyiq'inxe' chojb'il te prim ex kyiq'inxe' tlajoji'n tnej kab'jchaq.⁵Ktz'e'ysanku' wab'je' mixti' ttx'amal te jun oyaj te aq'b'il chjonte, ex kpakb'anxju'ye' kyoyaje' nkq'o'ne' tu'nx knab'le' jaxjaku', qu'n ana' nche' tzalaju'ye' ti'j. Iku' chi Qman Dyos. Mixti'x nok kynab'l aj Israel maskye ntz'e'ysanjtz kywitz⁶Ma nb'inchaye' tu'n kyik'e' toj we'yaj, toj kykyaqil nimaqkytaname'; ma nb'inchaye' tu'n lalun kanun wab'j toj tkyaqil ktaname', ¡aye'tzunkye' mixti' sanjtz kyi'je' wuk'i'le'! Iku' chi Qman Dyos.

⁷Ex nb'inchaye' tu'n lalun tzaj jb'al oxe' xjawtltaq tu'n tjawju' awal. Kub' jb'al wu'ne' toj jun nintnam, atzun toj juntl mixti'; kub' jb'al toj jun tnej tx'otx' wu'ne', atzun juntl mixti';⁸eb'ajxju' xjal jyol a' tojile junjun nimaqtnam, ex mya nim knet kyu'n tu'n tik'ju' k'waj kyi'j, ¡aye'tzunkye' min anjtzkyi'je' wuk'i'le'! Iku' chi Qman Dyos.

⁹Tzaj nq'o'ne' kyq'iq' inxi'x tz'e'y kyib'aje', ex tzaj nq'o'ne' soj, ex nb'inchaye' tu'n tkub' tzqiju' kyawale' exju' kyawb'ile' tqan ub'a, eb'aju' kylob'aje' iw ex olib'o kyu'n ẍt'ikt'u'l, ¡ex mixjun sanjtz kyi'je' wuk'i'le'! Iku' chi Qman Dyos.

¹⁰Tzaj nq'o'ne' jun soj kyib'aje' kse'n tzaj nq'o'ne' tib'aj Ejipt; nb'inchaye' tu'n kb'aj kyej kyimju' kyku'xune' toj q'oj ex xinq'o'ne' anb'il kyeju' ajq'oj tu'n txi' kyiq'i'nju' kcheje'; ex nb'inchaye' tu'n ksqonteye' ktzu'wilju' eb'aj kyim toju' knajb'ile', ¡aye'tzunkye' minti' anjtzkyi'je' wuk'i'le'! Iku' chi Qman Dyos.¹¹E'kub' nxitune' tu'n jun nin soj kse'n tzaj nq'o'ne' tib'aj Sodom ex Komor; ikytoq kyka'yinxju'ye' kse'n ttxalq'aq' matxi'toq b'aj patj toj q'aq', ¡aye'tzunkye' minti' anjtzkyi'je' wuk'i'le'! Iku' chi Qman Dyos.

¹²Qu'mtzun, knb'incha'ye' ikju' teya Israel; ex axxi'x knb'incha'ye', ¡b'inchamtib'a qu'n tzul Qman Dyos nojqelan!

¹³Ate Qman Dyos, aju' b'inchankye witz ex kyq'iq', aju' ntzaj yek'unte t-xim te xjal, a njaw b'inchante spik'un te qxopin, aju' nb'et kwi'ju' witz nimaqxi'x kywe' toj tkyaqil twitz tx'otx', a Qman Dyos, a tb'iju': Dyos nimtipumal. Txokb'il tu'n tanjtzkyi'j tuk'i'l Dyos¹Kyb'intzju'ye' nyole', aj Israel; kb'intzpeju'ye' b'itz b'isb'ajilx kxe'l nb'itzane' kyeye':²Matxi' kub' tz'aq Israel, aju' tb'anilxi'x ex b'ajx kub' ttxa'jina'tib'; matxi' kub' tz'aq ex lay b'ent tjawe'tl. Matxi' kub' tz'aq tojxju' ttx'otx', ex mix-a'lo' jun kjawil wab'ante.

³Chi Qman Dyos ntma'n kye aj Israel kjalu: Qama che'x chq'o'n kab'k'al lajnaq (1,000) xjal toj q'oj tu'n jun nintnam, naq jo'naqtl k'anjelkyi'j itz'qe'; qatzun mache'x chq'o'n jo'naq (100) tu'n jun nintnam, naq lajojtl k'anjetz kyi'j.

⁴Chi Qman Dyos ntma'n kye Israel kjalu: Chin kyjyome', ex che anq'ile'.⁵Lalun che'xe' jyolte B'etel, lay che'xe' Kilkal ex lay che ik'e' B'erseb'a, qu'n che kxe'l q'i'nkye' xjal te Kilkal toj junxi'tl tnam, atzunte B'etel kb'el xitu'n.

⁶Kuktzaje' tk'etz Qman Dyos, ex che anq'ile'; qatzun min ktzajel tq'o'n q'aq' tib'aju' kawb'il te Israel, ex mix-a'lo' jun kb'entel tyupinte toj B'etel.⁷¡Qab'anx kywitze', aye'ye' nok kyq'o'ne' tnik'alilti'jte k'a ex makub' kyxonju'ye' kyoklene' twitz tx'otx'!

⁸A Qman Dyos b'inchankye che'w wotz exju' q'i'nb'il, tu'nte noka' qonik'an te q'ijtl, ex tu'nte noka' q'ijtl te qonik'an qloljxi'x; nche tzaj ttxko'n a' toj ninnjab', ex ntzaj tchto'ntzuntz twitz tx'otx'; ate ntzaj q'onte xitb'il tib'aju' kuw, ex ntzaj tq'o'n tib'a'ju' kuwsa'n. A tb'iju' Qman Dyos.

¹⁰¡Qab'anx kwitze', aye'ye' nche' q'ojine' kyi'ju' kyajb'il tu'n kb'inchante tnik'alilti'j, ex inxi'x nelkyik'u'nye' t-stiyil tnik'alti'j!¹¹Qu'n nkub' kyaju'nju'ye' prow ex nelkyiq'i'ne' chojb'il ti'ju' ttriy, lay che najankye' kyoju' ja ab'j matxi' jaw kb'incha'ne', ex lay che k'wane' ti'ju' ta'l ub'a matxi' b'aj kyawa'ne'.

¹²Wojtzqi'nwe' txqan kb'inchb'ene' myab'a'n exju' txqan il nkb'incha'ne': nkub' kyjtz'o'nju'ye' xjal tnik'alti'j, ex nkyk'mo'ne' pwaq ti'j myab'a'n, ex nkjyo'ne' tu'me'l tu'n lalun txi' oksla'nju' prow twitz ajkawil.¹³Qu'mtzun alkyete ati tnab'l mixti' nyolin, qu'n myab'a'nju' tq'ijlalil.

¹⁴Kjyomiye' b'a'n ex myaju' taq'wix, oktzun che anq'iltze'; kq'ancha'lixeltzuntz qa axju' nkma'ne': qa ati Qman Dyos kyuk'ile', aju' Dyos nimtipumal.¹⁵¡Kyik'umile' myab'a'n! ¡Kyk'u'jlame' b'a'n! Kq'onk tilile' tu'n tb'inchetju' tnik'alilti'j kyoju' kawb'il; qape'tzunlo ktzajel q'aq'an tk'u'j Qman Dyos nimtipumal kyi'ju' aj Israel ẍeb'aj kyej anq'in.

¹⁶Chi Qman Dyos, aju' Dyos nimtipumal, kjalu: Kche oq'el xjal kyoj kykyaqilju' plas, ex kche ẍch'il xjal kyoj kykyaqil b'e. Che tzajel kytxko'n xjal nche aq'unan toj kojb'il tu'n kyb'isun kyuk'i'l, ex che tzajel ktxko'nju' xjal ax kyaq'unju' tu'n kxi' oq'el kyi'j kyimni.¹⁷Che oq'el kyoj kykyaqil tqan awal ub'a ajwule' tz'e'ysal kwitz. Iku' ntma'n Qman Dyos.¹⁸¡Qab'anx kwitzju' kyajb'il tu'n klonte q'ij ajtulju' Qman Dyos! ¿Ma b'i'ntzun kyu'ne' ti' kb'ajel kyi'je' toju' q'ij lu? Jun q'ijte' te qlolj, ex mya te spik'un.¹⁹Iknate' kse'n qama qokub' oq twitz jun b'alun o'kx ajqok takpujtl twitz jun oso, mujqa kse'n qama qo' okx tuja, ex ajtpon qq'ob' twitz ttapi, nqo' oktx'a'n tu'n jun kan.²⁰Axxi'x, ate' q'ij ajtul Qman Dyos qloljte', ex mya spik'un. qxopin b'a'nxi'x, ex mixti' ch'i'n spik'un.

²¹Nche elwik'u'nju'ye' ninq'ij nkub' kyik'sa'ne'; ex nche elwik'injuye' b'uyjtib'il nim toklen nkb'incha'ne'.²²Minti' wajb'iltlwe' chojb'il k'ok'sb'il nkub' kq'o'ne' te ninb'ilweye', expe'ju' oyaj k'ok'e' kytwitz awal; ex lay che nk'amju'ye' q'u's tman wakx nkub' kq'o'ne' te chojb'il te mujb'ab'ltib'il.²³¡Lalun che b'itzantle' nwitze'! ¡Mixti' wajb'iltle' tu'n txi' nb'i'ne' tq'ojq'ojel kychinab'e'!²⁴Awe' wajb'il tu'n tqojli tnik'alilti'j kse'n a', ex tu'n kb'ete' tojxi'x ttxolilti'j kse'n a' min b'aj.

²⁵Aj Israel, ¿Ma kub'tzun kyq'o'ne' chojb'il ex oyaj nwitze' kyoju' kab'naq (40) ab'q'i toj chq'ajlaj?²⁶Atzu'n ja'lo, kjawil kyiqa'n tilb'ilal kynimaqkawile' Sikut, exju' tilb'ilal che'w Kyiyun, aye'ju' dyos e'kub' kb'incha'ne'.²⁷Kche elix nxla'ja'ne' toj chq'ajlaj, tzmax ti'jxi' Damask. Chi Qman Dyos, a tb'iju': Dyos nimtipumal. Xitb'il tib'aj Israel¹¡Qab'anx kwitzju' nche anq'in toj achb'il toj tnam Syon! ¡Qab'anx kwitzju' q'uqlok kyk'u'j ti'j tnam Samarya, aye'ju' nejenel nimaq kyoklen toju' nimintnam, janche b'ajxa' aj Israel qanil o'nb'il!²Kupe' kxi'ye' toj tnam Kalne, ex kyka'yime'; ex kukxi'ye' toj Amat aju' nintnam, ex kyku'xe' toj Kat ktanam pilistey. ¿Ma mastzun b'a'nqe'kye' kyekywitzju' tnam lu? ¿Mujqa mastzun b'a'nju' ktaname' kwitzju' tnam lu?³Mixti' kyajb'ile' tu'n kximane' ti'ju' q'ij taq'wix, extzun aye'xe' nche tzaj iq'inte tkawb'il taq'wix.⁴Kuẍlqe'ye' tib'aj xa'wan kuẍb'il ktxu'nti'j tu'n b'aq, ex nxi' knuqi'n kyib'e' twitz toju' kninq'ije'; nok nimaqwan kyu'ne' kyu'n qpoj tman rit ex kyu'n qpoj tman wakx q'u'sqe'.⁵Nxi' kychinb'a'nju'ye' xux mixti'x ttx'o'lajil toj twi'; nb'ajkub' kyxima'n chukchaq kychinab'e', kse'n tb'incha Dab'i;⁶nche k'wan ta'l ub'aye' toj nimaq mlon, ex najb'en tb'anilxi'x k'ok'sb'il kyu'ne', ¡ex mixti' nche' ximane' qa xi' tkub' b'o'lju' tnam kyu'ne'!⁷Aye'kye' che kxe'l iq'i'ne' tnejelxi'x toj juntl tnam, atzuntzu' kb'ajela' toj twi'ju' nimaqwan nkyb'incha'ne'.

⁸Oje tma Qman Dyos jun tyol tu'n tjapun tu'n; aku' Qman Dyos nimtipumal inq'mante kjalu: Nel wik'u'nju'ye' nimjtib'il nkb'incha'nju' ttanam Jakob'; nche elwik'o'ne' tja nimaqkykawb'il; kxe'l nq'o'ne' nintnam toj kyq'ob'ju' ajq'oj, kyuk'i'lxi' tkyaqil ati toj.

⁹Qama che kyej anq'in lajoj ichan toj jun ja, ilti'j che kyimel.¹⁰Nimte' xob'ajil tzul, qu'n qama tz'okx jun iq'imitzte t-xmilal jun twitze'l matxi'toq kyim tuja, exqa matxi' tqani'n te juntl twitze'l nb'et toju' ja: ¿Ma atix juntl tuk'i'la? Qa chi. Atzunju' juntl ktzajel ttzaq'we'n: Mix-a'lo' chilo. Atzunju' xixjelunte kxe'l tma'n: ¡K'uttziya, qu'n jaku' jaw tma'na tb'i Qman Dyos!¹¹Qu'n tzul tq'o'nte' Qman Dyos tz'e'ysb'il witzb'aj kyib'aj nimaq ja ex k'ok'e', kykyaqilx majx che kjel xitu'n.

¹²¿Ma jaku' b'ent kyojqelanju' chej twitz pik? ¿Ma jaku'tzun b'ent tkjetju' ninnjab' kyu'n wakx? ¡Matxi'na' tz'okju' tnik'alilti'j kyu'ne' te b'i'yb'il ex matxi' tz'okju' tnik'alilti'j kyu'ne' te k'ixk'oj!¹³Naqx kyak'a'ne' nche' tzalaje' qu'n nkma'ne': Matxi' tenqe' qipumal qib'xqib'e'. Chechije'.¹⁴Kyb'intzpe'ye' b'a'nxi'x aj Israel; chi Qman Dyos nimtipumal ntma'n: Kjawil wiq'i'ne' jun nimintnam kyi'je' tu'n tokten yajulkyeye', ktzajelx toj tb'a'nq'ob' kya'j ex kpomelx toj tnayajkya'j. E'tzaj yek'u'n ẍt'ikt'u'l toj naku'j witzik'

¹Lu tzaj tyek'u'n Qman Dyos weye': Tej akxi'xtoq njawu'l twi'ju' awal tawal q'ijal, aju' nok tjawlenxi' tawal nimaqkawil, intoq che tch'isa'n Qman Dyosju' ẍt'ikt'u'l, wile'.²Tetzunj ch'inxtltoq tb'aju' awal kyu'n ẍt'ikt'u'l, nmatzuntze':
—¡Qman Dyos najsanku'ya qile'! ¿Se'n taq'wi k'ik'ex tu'nju' ttanama Jakob' extzun tal b'o's? Nchije' te.

³Anjtzte' Qman Dyos ti'jtk'u'j ti'ju' matxi'toq kub' t-xima'n, ex tma:
¡Lay tzajtlju' tz'e'ysb'il witzb'aj lu! Tzaj yek'u'n q'aq' toj naku'j witzik'

⁴Tzaj tyek'u'n Qman Dyos lu weye': Xinka'yine' tzaj tq'o'n Qman Dyos q'aq' te tz'e'ysb'il witzb'aj, ex majx tzqiju' ninnjab' nim t-xe tu'n extoq ljo'n tb'aj tz'e'yju' tx'otx' tu'n toj kojb'il.⁵Xinma'ntzuntze' te Qman Dyos:
—¡B'inchama xtalb'il, tk'i'xtzu'n! ¡Layna' tzik'xte' tu'n ttanama Jakob', qu'n tal b'o'sna'!

⁶Atzunte Qman Dyos anjtzti'j tk'u'j ti'ju t-xim, ex tma:
—¡Ex lay tzajtlte' tz'e'ysb'il witzb'aj lu! Tzaj yek'u'n jun plom naku'j toj witzik'

⁷Ex tzaj tyek'u'n Qman Dyos ja'lu weye': Atitoq Qman Dyos tk'etz jun tapi, ex tzyu'ntoq jun tplom b'inchal ja tu'n.⁸Ex tzaj tqani'n weye':
—¿Titi' ja'lu, Amos? Chij.
Jun tplom b'inchal ja, nchije' xintzaq'we'ne'.
Atzunte tzaj tma'n:
Tu'ntzunju' plom lu k'elela' nnik'e' ti'ju' tchwinqlal ntaname' Israel. Lay kub' nnajsa'n jumajtlju'ye' kyil.⁹Che kb'el xitu'n xjanb'ilte Isaak, ex che kjel xitunju' ja te k'u'lb'il toj Israel. ¡Aye'tzunju' tk'wal nimaqkawil Jerob'oam che kb'el nb'yo'ne' tu'n k'uẍtx'e'nb'il! Min xob' Amos te Amasiy

¹⁰Xit-sma'n Amasiy, pale te B'etel tq'umli te Jerob'oam, nimaqkawil toj Israel kjalu: Ate Amos nb'et yolil kxolju' xjal aj Israel, tu'n tjaw kyiq'i'n kyib' ti'ja nimaqkawil. Lay tzik'xtl kyu'n xjal qa kukx tyolinju'.¹¹Qu'n ntma'n qa kkyimela' nimaqkawil tu'n k'uẍtx'e'nb'il exqa kkyaqilju' xjal aj Israel che kxe'l iq'i'n toj juntl tnam. Chij.

¹²Xitma'ntzun Amasiy te Amos:
—¡Kutexa tza'lu, sanjelal! Qa tajb'ila tu'n twana ti'ju' ntpakb'a'na kutxi'ya toj Juda;¹³ex lay pakb'antla toj B'etel, qu'n xjan jate' teju' nimaqkawil ex tja k'u'lb'il nim toklen teju' kawb'il. Chij te.

¹⁴Atzunte Amos xittzaq'we'n te:
—Mya sanjelalqinwe', ex mya wajb'ile' tu'n wokye'. Ti'j k'ik'lej rit nchin anq'inawe' ex b'uyil twitz iw toj k'ul,¹⁵atzunte Qman Dyos sel iq'inweye' ti'j k'iklej rit, ex tzaj tma'n weye': Kutxi'ya ex yolina toj nb'iye' teju' ntaname' Israel.¹⁶Qu'mtzun, b'inxa tyol Qman Dyos. Qu'n a ntma'nju'ya: Lalun yolin jun ti'xti'ya toj tb'i Qman Dyos ti'ju' tnam Israel, ex lalun tma jun ti'xti'ya kyi'ju' tyajajil Isaak. Chija.¹⁷Atzunte Qman Dyos ntma'n kjalu: K'ajpajilu' t-xu'jila tojku'xi'xju' nintnam, aye'tzu'n tk'wala ex tmyala che kyimel tu'n k'uẍtx'e'nb'il; exju' ttx'otx'a kxe'l sipa'n kyxolu' mache kanb'an ti'j; atzunta kkyimela toj kytx'otx' k'lul witzleb', aye'tzu'n aj Israel che kxe'l q'i'n toj juntl tx'otx', najchaq ti'jxi' kytx'otx'. Jun chi'l lob'j q'an

¹Tzaj tyek'u'n Qman Dyos ja'lu weye': Atitoq jun chi'l lob'j q'an,²atzunte tzaj tqani'n weye':
—¿Titi' ntka'yi'na, Amos?
—Jun chi'l lob'j q'an, nchije' xintzaq'we'ne' te.
Atzunte tzaj tma'n weye':
Matxi' q'anaxte Israel; lay kub' nnajsa'n jumajtlju'ye' til.³Toju' q'ij lu, kche okyelju' b'itz toj tja nimaqkawil te b'is. Nim xjal kkyimel, ex mlay q'ancha'lix aj kb'je'x xonju' kxmilal. Iku' chi Qman Dyos. Xi' tul tz'e'ysb'il kywitz aj Israel

⁴Kyb'intzpe'ye' lu, aye'ye' nche oktene' yajulkyeju' xjal me'sqe', ex nche oktene' yajulkyeju' prow toju' tnam;⁵aye'qeye' nche' q'mante: ¿Jtojtzunlo tzulju' tq'ij ak'a'j xjaw tu'n txi' qk'a'yi'nju' qtriy? ¿Jtojtzunlo tzulju' q'ij te ojb'il, tu'n txi' qk'a'yi'nju' twitz qawal wi'yal, ex tu'n tajb'enju' qmalb'ile' min tz'aqli ex tqan peẍ txalchi?⁶¡Che qb'o'ljsanku' prow tzmax ajttzaj kyk'a'yi'nkyib' qe te lq'o'n majin, tu'n tchjetju' kyk'as, maskye naq tu'n jun muj xjab'! ¡Kxe'l qk'a'yi'nju' triy mixti' toj kye!⁷Matxi' tma Qman Dyos tyol tu'nju' ntnima'ntib' Jakob', kjalu: Milo k'ik'ela' tna'lju' matxi' kyb'incha, chij.

⁸¿Ma laytzun tzaj lu'lunju' tx'otx' tu'n tpaj tkyaqil ja'lu? ¿Ma laytzun che oq'ju' najlqe' twitz? ¡Kjawil tanpujte' tx'otx' ex kb'el lob'chaj, nakuj kse'n a' Nilo!⁹Chi Qman Dyos ntma'n kjalu: Toju' q'ij lu knb'incha'ye' tu'n tewantetib' q'ij te wanq'ij, ex kb'el qloljixju' twitz tx'otx' te q'ijtl.¹⁰Kche okyelju' ninq'ij wu'ne' te oq'el kyi'j kyimni, aye'tzunju' b'itz che okyel wu'ne' te b'is kse'n toj utz'le'n; knb'incha'ye' tu'n tok kyi'je' te b'is, ex tu'n tel ksk'o'ji'n kwi'ye' te yek'b'il k'ixk'oj. Che oq'ele' kse'n jun xjal noq' tu'n makyim jun twitz k'wal, tkyaqil kpomel b'aj toj k'ixk'oj.¹¹Kpomel jun tq'ijlalil chi Qman Dyos ntma'n, tzul we'yaj twitz tx'otx' wu'ne'; mya we'yaj ti'j wab'j ex mya we'yaj ti'j a'; we'yajte' tu'n kb'inte xjal tyol Qman Dyos.¹²Kche b'etenjeb'ilju' xjal jyolte tyol Qman Dyos, ktzajelx kyu'n ttzi jun ninnjab', ex kpomelx ttzi juntl ninnjab', ex che kxe'l jyolte toj tnayajkya'j ex toj tjawetzq'ij, ex layx knet kyu'n.¹³Che kb'el numju' tb'anil txin exqe'ju' ku'xun majx kuwqe' tu'n k'waj toju' q'ij lu.¹⁴Aye'tzunju' nkma'n jun kyol tu'n tjapun kyu'n kwitzju' witzileb' te Samarya; aye' nche' q'mante: Toj tb'iju' tdyosa, Dan, Ex toj kb'iju' dyos te B'erseb'a, kche kb'eltz'aq ex lay che jawe'tl. Mix-a'lo' kkletil toju' tz'e'ysb'il witzb'aj tu'n Qman Dyos¹Wile' Qman Dyos atitoq tk'etzju' q'olb'eb'l, ex intoq tzaj tma'n weye':
Che tjuminka kywi' tqanju' ja tu'n ktzaj kolb'iju' tqul; ¡tu'ntzun ktzaj tilj toj kwi' xjal! Qatzun ate'x junjun minti' ẍekyim, che kb'el nb'yo'ne' tu'n k'uẍtx'e'nb'il: maskye mache kub' oq, mix-a'lo' jun kjel anq'in;²b'a'n qama che kub' ewan t-xexi' tx'otx', kche eletz wiq'i'ne' atzu'; b'a'n qama che japun twitz kya'j, kche b'eletz wu'ne' atzu'.³Qama che jax ewal twi'ju' witz Karmelo, chin kxe'le' jyolkye atzu'; qama che kub' ewan nwitze' t-xexi' ninnjab', kxe'l nchq'o'ne' nin txkup toj ninnjab' tu'n txi' tx'a'lkye;⁴qama che'x iq'i'n toj juntl tnam kyu'nju' kyajq'oj, kxe'l nxone' k'uẍtx'e'nb'il ex che kyimel tu'n. ¡Mache'xkye' toj myab'a'n kukxju' nwitze'!

⁵Ate Qman Dyos nimtipumal, ajtok ttzyu'nju' tx'otx', majx nkub' niwj ex nche oq'ju' xjal najlqe' twitz. Aju' tx'otx' nch'iy ex nkub' kse'n nin a' Nilo.⁶Ate Qman Dyos b'inchante tnajb'il toj kya'j ex a b'inchanteju' kya'j tib'aj tx'otx'; a ntzaj q'i'n a' toj ninnjab' ex ntzaj tchto'n tib'aj tx'otx'. A Qman Dyos, ex a tb'iju' lu.

⁷Lu ntma'n Qman Dyos kjalu: Aj Israel, mixti' junwe' ch'exb'eb'l toj nwitz kxole' kyuk'i'lju' aj Etyopiy. Kse'n e'tzaj wiq'i'ne' toj Ejipt, ikxtzun e'tzaj wiq'i'ne' pilistey toj Kreta, ex e'tzaj wiq'i'ne' aramey toj Kir.⁸Intzaj tka'yi'n Qman Dyos nimaqkawb'il b'inchal il lu, ex ntma'n: Kb'el nnajsa'ne' twitzju' tx'otx', noqtzun o'kx lay kub' nb'ajsa'ne' tyajajil Jakob' tejumajx. Ayine' Dyos Manb'aj nchin q'mante.⁹Knchq'a'ye' tu'n kb'aj krib'i'n tyajajil Israel, kse'n nb'aj krib'itju' triy toj krib', ex mixti'te' jun twitz inwt kub' tz'aq twitz tx'otx'.¹⁰Kykyaqilju' xjal b'inchal il toj ntaname' che kyimel tu'n k'uẍtx'e'nb'il; kykyaqilju' nche' q'mante: Mixti'te k'ik'el qi'j; lay tzul kanunte' myab'a'n qi'j. Kb'entel jumajtlju' tnam Israel kse'n tnejel

¹¹Tzulju' q'ij tu'n tjaw nb'incha'n jumajtlju'ye' tja Dab'i kub'ni xitj. Kb'el njpu'ne' b'e janche okxa' xjal, kjawil nb'incha'n jumajtlju'ye' kub'ni xitj kse'nxju' tten ojtxi',¹²tu'ntzun tokju' atix te Edom exju' tkyaqil atix teju' nintnam etza'n wu'ne', tu'n tokjumajtl te Israel. Matxi' tmate Qman Dyos tyol, ex kjapumel tu'n.

¹³Tzul tq'ijlalil, atixte' triy nb'uyit ajttzyet tkjetju' tx'otx', ex na'mxtoqpe' tb'aj yitz'etju' ta'l ub'a aj toknaj awetlju' triy. Kb'etilju' b'in kse'n a' kwi'ju' witz ex k'ul.¹⁴Ktzajel wiq'i'ntzun ntanamtze' Israel ja exa' q'i'na'. Che jawil kyb'incha'n jumajtlu' nimaqtnam kub'niqe' xitj, ex che najal kyoj; k'okyel kyq'o'n kyawal ub'a, ex che k'wal ti'ju' ta'l, che okyel kyawa'n awal ex che wal kyi'j.¹⁵Che b'elex wawa'ne' tojku'xi'x kytx'otx', ex milo najchi'j tu'n kyex q'i'ntl toju' tx'otx' xinq'o'ne' kye. Iku' chi Qman Dyos.

Bible Society in Guatemala

https://app.library.bible/content/aea9d9099feb3a24