Revelation22
1फिन स्वर्गदूत हमरा ऊ नदी देखईलन, जेकरा से जिनगी के पानी पिये से लोग हमेशा लागी जिन्दा रहतन। ओकर पानी यशब के जईसन चमकऽ आउर साफ हल। नदी ऊ सिंहासन से बह रहल हल जेज्जा परमेश्वर आउर मेम्ना बईठल हलन।2ई नदी शहर के खुलल इलाका के बीच से होके बहऽ हल। नदी के दूनो किनारे पर एगो जिनगी के पेड़ हल जेकर फल खाय वाला लोग हमेशा लागी जिन्दा रहऽ हथन। ई पेड़ साल में बारह बार अलग अलग तरह के फल दे हे। ऊ हर महीना एगो फल पैदा करऽ हे। लोग पेड़वन के पत्तियन के इस्तेमाल दवा के रूप में करऽ हथन। 3ऊहाँ कहियो भी कोई अईसन आदमी चाहे चीज नऽ होत जेकरा परमेश्वर श्राप देतन। परमेश्वर आउर मेम्ना के सिंहासन नगर में होतन। परमेश्वर के सेवक ऊहाँ उनकर आराधना करतन। 4ऊ उनका आमने-सामने देखतन, आउर उनकर नाम उनकर माथा पर लिखल देखाई देत।5फिन कहियो रात नऽ होत। परमेश्वर के सेवकवन के दीया चाहे सूरज के रोशनी के जरुरत नऽ होत काहेकि प्रभु परमेश्वर उनका पर अपन रोशनी चमकईतन। ऊ हमेशा राज करतन। 6फिन ऊ स्वर्गदूत हमरा से कहलन: “ई सभे बात जे परमेश्वर तोरा देखईलन हे, ऊ विश्वसनीय आउर सच हे, आउर ऊ एकरा जरुर पूरा करतन। प्रभु परमेश्वर जे भविष्यद्वक्तावन के आत्मावन के प्रेरित करऽ हथन, ऊ अपन स्वर्गदूत के भेजलन हे, जेकरा से जे लोग उनकर सेवक हथन, उनका ऊ घटना दिखऽ सकतन जे बड़ी जल्दी घटित होवे वाला हे।”7यीशु अपन सभे लोगवन से कहलन, “सुनऽ! हम जल्दी आ रहली हे; परमेश्वर ऊ सभे के भरपूरी से आशीष देतन जे ई किताब में भविष्यद्वाणी संदेश के पालन करऽ हथन।”8हम, यूहन्ना ओही ही जे ई बात जे ई सभे बात सुनली आउर दर्शन में देखली जे हम लिखली हे। जखनी हम ई बात सुन आउर देख लेली, तऽ हम तुरन्त ऊ स्वर्गदूत के सामने सूत गेलन जे हमरा ई बात देखईलन हल जेकरा से उनका प्रणाम करी।9बाकि ऊ हमरा से कहलन, “हमर आराधना मत करऽ! हम भी तोरे जईसन परमेश्वर के सेवक ही! हम भी तोर साथी विश्वासियन के तरह दास ही जे भविष्यद्वक्ता हथन आउर जे ई किताब में संदेश के पालन करऽ हथन। एकर बजाय, परमेश्वर के आराधना करऽ!”10फिन ऊ स्वर्गदूत हमरा से ई कहलन, “ई किताब में परमेश्वर जे भविष्यद्वाणी करलन हे, ओकरा मुहरबन्द में मत करऽ, काहेकि अब ई भविष्यद्वाणी के पूरा करे के समय नजदीक आ गेल हे।11बाकि ऊ समय नजदीक हे येहिसे जदि जे लोग अन्याय के काम करऽ हथन, ऊ ओही तरह के काम करे ला जारी रखले रहे के चाहऽ हथन, तऽ उनका अईसन करते रहे के चाही। जदि जे लोग बुरा काम करऽ हथन, ऊ बुरा काम करे ला जारी रखे ला चाहऽ हथन, तऽ उनका अईसन करते रहे के चाही। परमेश्वर जल्दिये उनका एकरा लागी सजा देतन। बाकि जे लोग धार्मिकता से काम कर रहलन हे, उनका धार्मिकता से काम करे ला जारी रखे के चाही। आउर जे पवित्र हथन ऊ पवित्र बनल रहतन। जे लोग परमेश्वर के लोगवन के रूप में काम कर रहलन हे, उनका ओही तरह काम करे के चाही।”12यीशु सभे लोगवन से कहऽ हथन “सुनऽ! हम जल्दी ही आ रहली हे! आउर हम हर कोई के उनकर करल काम के मुताबिक सजा चाहे इनाम देम।13हम ही ऊ ही जे सभे कुछ शुरु करली आउर हम ही सभे कुछ के अन्त करम। हम सभे चिजवन से पहिले ही आउर हम ही सभे चिजवन के अन्त में ही। 14परमेश्वर ऊ लोगवन से बड़ी खुश होवऽ हथन जे गलत तरीका से जिनगी जिये ला छोड़ दे हथन आउर सही तरीका से जिये ला शुरु कर दे हथन। काहेकि ऊ जे अपन बागा अच्छा से धो ले हथन, तऽ ऊ लोग जिनगी के पेड़ के फल अधिकार से खा पईतन जे लोग के हमेशा लागी जिये में सक्षम बनावऽ हथन। ऊ फाटकवन से होके पवित्र शहर में जा पईतन।15बाकि दोसर लोग ऊ नगर में प्रवेश नऽ करतन, मतलब कि ऊ लोग जे गलत काम करऽ हथन, कुत्ता आउर जादू-टोना करऽ हथन, व्यभिचार करऽ हथन, दोसरा के हत्या करऽ हथन, मूर्तिपूजा करऽ हथन, चाहे हमेशा झूठ बोले वाला से प्रेम करऽ हथन। 16हमरा यीशु अपन स्वर्गदूत के भेज के तोहनी सभे विश्वासियन के ई गवाही बतावे लागी भेजलन हे। गुप्त रूप से हम ही राजा दाऊद के पुरखा आउर उनकर मूल वंशज ही, जिनका आवेला भविष्यद्वक्तावन प्रतिज्ञा करलन हल। हम ही भोर के चमकल तरेगन के समान ही।” 17पवित्र आत्मा आउर ऊ लोग जे परमेश्वर से सम्बन्धित हे कहऽ हथन, “आवऽ!” जे कोई भी एकरा सुनऽ हे, उनका भी कहे के चाही, “आवऽ!” आउर जे कोई भी अनन्त जिनगी चाहऽ हथन, ओकरा एकरा प्राप्त करे के चाही! परमेश्वर ऊ सभे के अनन्त जिनगी एगो मँगनी तोहफा के रूप में देतन जे एकरा चाहऽ हथन! 18हम, यूहन्ना, ऊ सभे के जे ई किताब में बतावल गेल बात के बारे में संदेश सुनावऽ ही, गवाही दे ही: जदि कोई ई संदेश में कुछ भी जोड़तन, तऽ परमेश्वर ओकरा ई किताब में बतावल गेल रीति से सजा देतन। 19आउर जदि कोई ई पुस्तक में बतावल गेल बात के बारे में कोई भी संदेश के हटावऽ हथन, तऽ परमेश्वर ऊ आदमी के जिनगी के पेड़ से फल खाय के अधिकार छीन लेतन जे लोगवन के हमेशा लागी जीये के काबिल बनावऽ हथन। परमेश्वर ऊ आदमी से नया पवित्र यरूशलेम में प्रवेश करे के अधिकार भी छीन लेतन। हम ई किताब में ई दूनो बात के बखान करली हे। 20यीशु, जे कह हथन, “ई सभे बात सच हे।” ऊ कह हथन “निश्चय ही हम जल्दी आ रहली हे”! हम, यूहन्ना, गवाही दे ही, “आमीन! हे प्रभु यीशु, आवऽ!” 21हम प्रार्थना करऽ ही कि हमर प्रभु यीशु तोहनी सभे लोग पर जे परमेश्वर के सभे लोग हथन, कृपा करते रहतन। आमीन!
Bridge Connectivity Solutions Pvt. Ltd.