Revelation13
1ओकर बाद हम एगो जानवर के समुद्र से बाहरसी अईते देखली। ओकर दस सींग आउर सातगो माथा हल। ओकर हर सींग पर एगो राजकीय मुकुट हल। उनकर हर सिर पर एगो नाम लिखल हल जे परमेश्वर के निन्दा करऽ हल। 2ई जानवर चीता जईसन हल, बाकि एकर गोड़ भालू के गोड़ जईसन हल। एकर मुँह शेर के मुँह जईसन हल। अजगर जानवर के बड़ी सामर्थी बना देलक। ऊ ऊ लोगवन पर सिंहासन के तोर पर शासन करे के बड़ा अधिकार भी देलन।3जानवर के एगो माथा पर अईसन लग रहल हल मानऽ कोई ओकरा घायल कर देलक हे जेकरा से ऊ मर गेलक हे। बाकि ऊ घाव चंगा हो गेल हल। येहिसे धरती के सभे लोग जानवर पर अचरज होलन आउर उनकर आज्ञा माने लगलन।4ओखनी अजगर के पूजा करलन काहेकि ऊ ऊ जानवर के ओकरा पर शासन करे के अधिकार देलन हल। ओखनी जानवर के भी आराधना करलन। ओखनी एक दोसरा से कहलन, “कोई भी जानवर जेतना शक्तिशाली नऽ हे! कोई भी ओकरा से कहियो नऽ लड़ सकत!”5अजगर जानवर के घमण्ड से बोले आउर परमेश्वर के अपमान करे के तागत देलक। आउर अजगर धरती के लोगवन पर राज करे के तागत भी देलक। बाकि परमेश्वर जानवर के खाली बियालीस महीना तक ही राज करे ला अधिकार देलन।6जब जानवर बात करलक, तऽ ऊ परमेश्वर के नाम के अपमान करलक। ऊ कहलक कि परमेश्वर असली में ओईसन नऽ हथन जईसन लोग मानऽ हथन। जानवर मतलब स्वर्ग में निवास करे वालन ऊ लोगवन के भी निन्दा करलक जिनकर बीच परमेश्वर रहऽ हथन।7अजगर जानवर के परमेश्वर के पवित्र लोग के खिलाफ लड़े आउर ओखनी के हरावे के अधिकार देलक। अजगर जानवर के लोगवन पर शासन करे के अधिकार भी देलक, चाहे ऊ कोई भी कुल, समूह, भाषा चाहे जाति से आवऽ हे। 8धरती पर रहे वाला कुछ लोगवन के नाम जिनगी के किताब में नऽ हे। ऊ लोग जानवर के आराधना करतन। जिनगी के पुस्तक मेम्ना के हे। मेम्ना दुनियाँ के शुरुआत में उद्धारकर्ता बने लागी अपन जान त्याग देलन।9जे कोई समझे ला चाहऽ हथन, ओकरा परमेश्वर के ई संदेश धियान से सुनावे के चाही।10जदि कोई के दुश्मन ओकरा पकड़वावे लागी चाहतन, तऽ पकड़ लेतन। जदि कोई के दुश्मन ओकरा तलवार से मारे ला चाहतन, तऽ तलवार से मार डालतन। येहिसे परमेश्वर के पवित्र लोगवन के कष्ट सहे के चाही आउर ओकर प्रति विश्वास में बनल रहे के चाही। 11फिन हम एगो आउर जानवर के जमीन से निकलते देखली, जेकर माथा पर मेम्ना के जईसन दूगो सींग हल, आउर ओकर आवाज अजगर के आवाज जईसन हल।12ई ऊ पहिलका जानवर के समूचे अधिकार ओकर सामने काम में लावऽ हल, आउर धरती आउर ओकर रहे वालन से ओकरा से पहिले जानवर के, जेकर प्राणघातक घाव चंगा हो गेल हल, आराधना करऽ हलन।13धरती से निकसल जानवर भी अनोखा चिन्ह आउर चमत्कार करलक। ईहाँ तक कि ऊ धरती पर आसमान से आग बरसईलक, आउर लोग उनका देख रहलन हल। 14अजगर धरती के जानवर के समुद्र के जानवर के तरफ से ई चमत्कार करे के शक्ति देलक। धरती के जानवर चिन्ह, चमत्कार के इस्तेमाल धरती पर रहे वालन लोगवन के धोखा देवे लागी करलक। ऊ उनका से कहलक कि ऊ एगो अईसन मूर्ति बनावे जे समुद्र के जानवर जईसन दिखे। ई ओही जानवर हल जे तलवार के घाव से जिन्दा बच गेल हल जेकरा से लगऽ हल कि ऊ मर जायेत।15तब अजगर धरती के दोसरका जानवर के ऊ मूर्ति में प्राण डाले के शक्ति देलक। तऽ ऊ मूर्ति जे समुद्र के जानवर जईसन दिखऽ हल, बोले में सक्षम हो गेल। तऽ धरती के जानवर आदेश देलक कि जे कोई भी मूर्ति के आराधना करे से इंकार करत, ओकरा मार देवल जायेत। 16धरती से निकसल जानवर ई भी कहलन कि हर आदमी के दहिना हाथ चाहे माथा पर एगो चिन्हासी होवे के चाही। ई नियम खास लोगवन आउर बेकार लोगवन पर लागू होवऽ हल। ई अमीर आउर गरीब लोगवन पर लागू होवऽ हल। ई आजाद लोगवन आउर गुलाम पर लागू होवऽ हल। आउर ई सभे लोग पर लागू होवऽ हल!17तब ऊ धरती के जानवर आज्ञा देलक हल कि जदि कोई भीर ई चिन्हासी नऽ होत, तऽ ऊ कुछो भी नऽ तऽ खरीद सकत आउर नऽ ही बेच सकत। ई चिन्ह समुद्र से निकले वाला पहिलका जानवर के नाम हल, चाहे ओकर नाम लागी जे अंक लिखल हल।18तूँ ई बारे में सोच-समझ के विचार करऽ: जे कोई भी चिजवन के बढ़ियाँ तरह समझऽ हे, ऊ समुद्र में से ऊ जानवर के पछान सकऽ हे। अईसन येहिसे हे काहेकि जे संख्या से ओकर नाम जुड़ल हे, ऊ असली में एगो आदमी के नाम हे। ऊ संख्या 666 हे।
Bridge Connectivity Solutions Pvt. Ltd.