Numbers25
1जखनी कुछ इस्राएली लोग शित्तिम के बबूल ग्रोव नाम के जगहिया पर डेरा डालले हलन, तऽ कुछ आदमी ऊ इलाका में रहे वालन मोआबी लोग के झुंड के कुछ लड़कियन के साथे कुकर्म कर के परमेश्वर के परति विश्वासघाती हो गेलन। 2तऽ ओखनी सभे मोआबी औरतियन ऊ लोगवन के न्योता देलन, कि जखनी उनकर देऊतवन के बलि चढ़ावल जा जाई, तखनी अईतन। इस्राएली आदमियन कबूल कर लेलन। ऊ औरतियन के साथे भोज में गेलन आउर मोआबी लोग के देऊतवन के दण्डवत कईलन। 3अईसन कर के, इस्राएली लोग औरतियन के साथे बाल देउता के पूजा करे लगलन, जेकर बारे में मोआबी लोग के झुंड के लगऽ हल कि ऊ पोर पर्वत पर रहऽ हथिन। एकरा से यहोवा के गोस्सा अपन लोग पर भड़क गेल, आउर ऊ बड़ी मनी इस्राएली लोग पर भयंकर विपत्ति भेजलन।4यहोवा मूसा से ई कहलन, "जौन अईसन कर रहलन हे इस्राएल के सभे प्रधान के पकड़ के हमरा देखते-देखते ओकरा मार डालऽ। अईसन दिन में करऽ। तोरा अईसन करे के बाद, हम इस्राएली लोग पर फिनो से गोस्सा नऽ करम।"5तब मूसा दूसरा इस्राएली प्रधान लोग से कहलन, “तोहनी में से सब कोई के अपन ऊ लोग के मार डाले के चाही जौन दूसरा के साथे मिल के बाल देउता के उपासना करऽ हथिन।”6बाकि बाद में, जखनी ढेरो लोग पवित्र तम्बू के द्वार पर रो रहलन हल, तखनी इस्राएली लोगन में से एगो मिद्यानी लोग के भीड़ में से एगो औरत के अपन तम्बू में ले अईलन आउर ओकरा साथे कुकर्म करे लगल। मूसा आउर सभे लोग एकर बारे में सुनलन। 7एकरा देख के एलीआजर के बेटा पीनहास, जौन हारून याजक के पोता हलन, ई सुनलन, तऽ ऊ बीच मण्डली के बीच में से उठ के, एगो भाला ले लेलन।8तब ऊ, दौड़ के आदमी के तंबू में गेलन। ऊ भाला के पूरा तरह से ऊ आदमी के शरीर में आउर औरत के पेट में घूँसा देलन आउर ऊ दुन्नो के मार देलन। जखनी ऊ अईसन कईलन, तऽ ऊ महामारी जौन इस्राएली लोग पर फैले लगल हल, रुक गेल।9बाकि ऊ महामारी से चौबीस हजार लोग पहिलहीं मर गेलन हल। 10तब यहोवा मूसा से कहलन,11हारून याजक के पोता एलीआजर के बेटा पीनहास, हमनी इस्राएली लोगवन पर गोस्सा करे से रोकलन हे, जइसन कि हम ई इर्ष्या से भरल व्यवहार के रोके लागी उत्सुक हली। हम सभे इस्राएली लोग के नष्ट करे लागी तइयार हली काहेकि हम बड़ी जादे गोस्सा हली, बाकि पीनहास हमरा अईसन करे से रोक देलन।12अखनी उनका से कहऽ, कि हम उनका साथे एगो खास शान्ति के वाचा कर रहली हे।13ई वाचा में हम उनका आउर उनकर वंश के याजक पद के अधिकार देवे के वचन दे ही। हम अईसन येहिगुने कर रहली हे, काहेकि ऊ देखईलन कि ऊ ई पापपूर्ण व्यवहार के रोक के हमर, मतलब कि अपन परमेश्वर के आदर करे लागी बड़ी उत्सुक हलन। ऊ हमरा से इस्राएल के सब पाप के माफ करवाके ओखनी के पाप के खिलाफ हमनी के पवित्र धार्मिकता से संतुष्ट होलन हे।14जौन इस्राएली लोग मोआब लोग के झुंड के मिद्यानी औरतियन के साथे मारल गेल, ओकर नाम जिम्री हल, जौन सालू के बेटा चाहे, शिमोन के गोत्र के एगो परिवार के प्रधान हल।15ऊ मिद्यानी औरत के नाम कोजबी हल। ऊ सूर के बेटी हल, जौन मिद्यानी लोग के झुंड के एगो कुल के प्रधान हल।16तब यहोवा मूसा से कहलन,17“अपन लोग के ले जा आउर मिद्यानवासी लोग के भीड़ पर हमला करऽ आउर ओखनी के मार दऽ।18ऊ सभे तोर दुश्मन हो गेलन हे, काहेकि ओखनी तोहनी इस्राएली लोग के धोखा देलन, आउर तोहनी में से ढेर मनी के बाल देउता के उपासना करे लागी बहकईलन, काहेकि तोर एगो आदमी कोजबी के साथे कुकरम कईलन, जौन मिद्यानी लोग के झुंड के प्रधान के बेटी हल। ऊ ऊ घड़ी मारल गेल, जखनी पोर पहाड़ी में पाप करे वालन लोग के चलते मरी शुरू हो गेल हल।”
Bridge Connectivity Solutions Pvt. Ltd.