Numbers24
1बिलाम के अखनी तक महसूस होल कि यहोवा इस्राएली लोग के आशीर्वाद देवे ला चाहऽ हलन, नऽ कि उनका श्राप देवे ला चाहऽ हलन। येहिसे ऊ जादूगर के जइसन जादू के इस्तेमाल ई पता लगावे लागी नऽ कईलन कि यहोवा का चाहऽ हथिन, जइसन कि ऊ बार-बार करऽ हल। एकर बदले, ऊ रेगिस्तान दने मुड़ गेलन।2आउर बिलाम देखलन, कि इस्राएली लोग अपन-अपन छावनी में डेरा डालले हलन, आउर हरेक एक एक गोत्र एगो झुण्ड में जमा होलन। तब परमेश्वर के आत्मा उनका पर उतरल,3आउर जौन भविष्यवाणी करे के समाचार ऊ बालाक के देलन ऊ ई हे,हम बोर के बेटा बिलाम, ई भविष्यवाणी कर रहली हे।ई भविष्यवाणी जौन हम कहऽ ही, ऊ आदमी ओकरा जइसन हे जौन देखऽ हे कि भविष्य में का होत साफ तौर से बोलऽ हथिन।4हम परमेश्वर के ई समाचार सुनावऽ ही।जौन सर्वशक्तिमान परमेश्वर हथन, हम उनकर दर्शन देखऽ ही। जखनी हम उनकर सामने झुकऽ ही तऽ हमर आँख खुल जा हे।5हे याकूब के वंशज, तोर तम्बू बड़ी जादे सुन्दर हे!ऊ जगह जेज्जा तूँ रहऽ हऽ सुन्दर हे!6तोर तंबू हमर सामने के घाटी में जदि के पेड़ के जइसन पसरल हे,नदी के किनारे के बगईचा के जइसन हे।ऊ यहोवा के लगावल मजबूत जदि के पेड़ के जईसन हे,ऊ नदियन के किनारे उगे बाला मजबूत देवदार के पेड़ के जइसन हे। 7तोर पानी के बाल्टी सभे घड़ी भरल रहत।जौन बिच्चा तूँ रोपवऽ ओकरा बढ़े लागी सभे घड़ी भरपूर मात्रा में पानी मिलत।इस्राएल के राजा, अगाग से महान होथिन।जौन राज्य पर ऊ शासन करतन उनकर आदर करल जायत।8परमेश्वर इस्राएल के मिस्र से निकास लइलन,आउर अपन विशाल सामर्थ से जौन जंगली बैल के जइसन हे, उनकर अगुवाई करते रहतन।परमेश्वर ऊ सभे देश के बर्बाद कर दे हथन जौन उनकर विरोध करऽ हे।ओखनी सभे के हड्डियन के टुकड़ा-टुकड़ा कर दे हथिन,आउर ओखनी के अपन तीर से मारऽ हथिन।9इस्राएली ऊ शेर के जइसन हथिन जौन झुक के सूतऽ हे, आउर अपन शिकार के झपटे ला तइयार रहऽ हे।ऊ शेरनी के जइसन हथिन जौन अराम करऽ हे।कोई के भी ओकरा उकसावे के हिम्मत नऽ करत!जौन कोई तोहनी इस्राएलियन के आशीर्वाद देतन, परमेश्वर ओकरा आशीर्वाद देथिन,आउर जौन कोई तोरा श्राप देतन, ओकरा ऊ श्राप देथिन।"10तब राजा बालाक बिलाम पर बड़ी भड़क गेलन। ऊ अपन हथवा पर हथवा पटक के देखईलन कि ऊ बड़ी गोस्साल हथिन, आउर ऊ चिंचिया के कहलन, "हम तोर अपन दुश्मन के श्राप देवे लागी हियाँ बुलईली हे! एकर बदले, तूँ उनका तीन बार आशीर्वाद देलऽ हे!11तऽ अखनी, हियाँ से चल जा! घरे वापस जा! हम कहली हल कि जदि तूँ उनका श्राप देवऽ तऽ हम तोरा बड़ा आदर आउर दक्षिणा देम, बाकि यहोवा तोरा कोई भी दक्षिणा लेवे से रोक देलन हे!"12बिलाम बालाक से कहलन, “का तोरा याद नऽ हे कि हम ऊ दूतवन से जेकरा तूँ हमरा भीर भेजलऽ हल, का कहली हल? हम कहली हल,13"चाहे बालाक हमरा सोना आउर चाँदी से भरल महल भी देत, तइयो हम यहोवा के आज्ञा के भंग नऽ करबई। हम कोई गलती चाहे अईसन कुछ भी अच्छा न कर सकऽ हे जौन उनका मंजूर न हे। आउर हम तोरा से कहली हल कि हम खाली ओही कह सकऽ ही जौन यहोवा हमरा से कहऽ हथिन।14तऽ हाँ, हम अपन लोग भीर लौट आयेम, बाकि पहले हम तोरा ई बता देम कि भविष्य में तूँ मोआबी लोग के साथे का होत।”15तब बिलाम बालाक से ई कहलन,“हम बोर के बेटा बिलाम फिनो एगो भविष्यद्वाणी करऽ ही।ई भविष्यवाणी जौन हम कहऽ ही ऊ फिनो से ऊ आदमी के जइसन हे जौन देखऽ हथिन कि भविष्य में का होत साफ तौर से बोलऽ हथिन।16हम परमप्रधान परमेश्वर के वचन सुनऽ ही;हम ऊ सब बतिया के जानऽ ही आउर सुनऽ ही जौन परमेश्वर, जे स्वर्ग में रहऽ हथन आउर हमरा पर प्रकट कईलन हे।जौन सर्वशक्तिमान हथिन, हम उनकर दर्शन देखऽ ही।जखनी हम उनकर सामने झुक ही तऽ हमरा आँख खुल जा हे।17जौन बतिया हम दर्शन में देखली हे, ऊ अखनी नऽ घटतई।हम ऊ सभे चीज के देखित ही जौन परमेश्वर भविष्य में घटित करतन।जौन आदमी याकूब के वंश होतन ऊ तारा के समान दिखाई देथिन;जौन राजा राजदण्ड धारन करतन ऊ इस्राएली परजा में से एगो होथिन।ऊ तोर मोआबी लोग के बीच सिर के चूर देतन;ऊ शेत के वंश के मिटा देथिन।18इस्राएली एदोम पर अधिकार कर लेतन,आउर ऊ सेईर पहाड़ भीर रहे वाला अपन दुश्मन पर जीत मिलत।इस्राएली लोग विजय होथिन।19एगो शासक अईतन जौन याकूब के वंसज होतन।उनका ओखनी से छुटकारा मिलतई जौन अभी भी ऊ शहर में रहऽ हथिन जहाँ बिलाम पहला दफा बालाक से मिललन हल।”20तब बिलाम ओकरा पर नजर कईलन, जहाँ अमालेकी लोग के झुंड रहऽ हे आउर ई भविष्यवाणी कर के कहलन,"अमालेकी लोग के झुंड सभे से बड़का जाति रहल हे,बाकि ऊ बर्बाद हो जायत।"21तब ऊ जगह पर नजर कईलन कि जहाँ केनी लोग के झुंड रह हल, आउर ऊ ई भविष्यद्वाणी कर के कहलन,तोरा लगऽ हे कि ऊ जगहिया पर तूँ रहऽ हऽ,चट्टान में बनल खोंथा के जइसन सुरक्षित हऽ, 22बाकि जखनी अश्शूर के सेना के तोरा पर जीत मिलततब तूँ बर्बाद हो जइबऽ।23बिलाम अपन भविष्यद्वाणी के ई कह के खतम कईलन, ऊ कहलन हाय!“जखनी परमेश्वर ई सभे काम करतन तऽ कौन जिन्दा रह सकल हे?24जहाज कित्तियन भीर से आवत,आउर ऊ जहाज के आदमी अश्शूर आउर एबेर के सेना के हरा देतई।बाकि परमेश्वर ऊ लोग से भी छुटकारा देलईतन।” 25तब बिलाम आउर बालाक अपन सन्देश कर के अपन-अपन घरे लौट गेलन।
Bridge Connectivity Solutions Pvt. Ltd.