Matthew13
1ओही दिन, यीशु घर से बाहर जा के, गलील झील के किनारे बईठल हलन।2आउर उनका भीर बड़ी बड़का भीड़ जमा हो गेल। जेकर नतीजा होल, एगो नाव पर चढ़ के, ऊ बईठ गेलन, आउर पूरा भीड़ तट पर खड़ा हो गेल।3आउर ऊ ओखनी के दृष्टान्त में बड़ी सा उपदेश देलन, आउर कहलन, “सुनऽ! एगो बुने वाला बिच्चा बुने निकसल।4आउर जखनी ऊ बिच्चा बुनलन, तऽ कुछ राह पर गिर गेल, आउर पक्षी आयेल आउर ओकरा खा गेल।5बाकि पथरीला जमीन पर गिरल, जहाँ ओकरा जादे मट्टी नऽ मिलल। आउर मट्टी में गहराई नऽ होवे के वजह से, ऊ तुरन्त उग गेल।6बाकि जब सूरज उगल, तऽ ऊ झुलस गेल, काहेकि ऊ जड़ी नऽ पकड़लक, येहिगुने ऊ मुरझा गेल।7बाकि दोसरकन बिच्चा काँटेदार झाड़ी के बीच में गिर गेल, आउर काँटा बढ़ गेल आउर ओकरा दबा देलक।8बाकि कुछ बिच्चा बढ़ियाँ जमीन पर गिरल, आउर अनाज उपजलई कोई सौ गुणा, कोई साठ गुणा, आउर कोई तीस गुणा।9जेकर कान हे ऊ सुन लेतन।”10फिन चेलवन यीशु भीर आके, उनका से पूछलन, “कौन कारण से तूँ ओखनी से दृष्टान्त में बात करऽ हऽ?”11बाकि ऊ ओखनी के जबाब दे के कहलन, “तोहनी के स्वर्ग के राज के भेद के समझ देवल गेल हे, बाकि दोसर लोग के ई नऽ देवल गेल हे।12काहेकि जेकरा हीं हे ओकरा देवल जायेत, आउर ओकरा भीर बड़ी हो जायेत। बाकि जेकरा हीं नऽ हे, ओकरा से ऊ भी जे ओकरा भीर हे, ले लेवल जायेत।13एही चलते हम ओखनी से दृष्टान्त में बात करऽ ही; काहेकि देखते भर में ऊ नऽ देखतन आउर सुनते भर में भी नऽ सुनतन आउर नऽ ही समझ हे। 14आउर ओखनी में यशायाह के भविष्यद्वाणी पूरा हो रहल हे, जे कहऽ हे, ‘तोहनी सुनते भर में तऽ सुनवऽ, बाकि एकदम से समझवऽ नऽ; आउर देखते भर में देखवऽ, बाकि एकदम से तोरा नऽ सूझत।15काहेकि ई लोग के मन सुस्त हो गेल हे, आउर उनकर कान के मुश्किल से सुनाई पड़ऽ हे, आउर ओखनी अपन आँख बन्द कर लेलन हे, कहीं अईसन नऽ होवे कि ओखनी अपन आँख से देखतन, आउर अपन कान से सुनतन, आउर मन में समझ लेतन, आउर मन फिरा लेतन, आउर हम उनका चंगा कर देम।’16बाकि धन्य हे तोर आँख, काहेकि ऊ देख पावऽ हे; आउर तोर कान, जे सुन पावऽ हे।17काहेकि हम तोरा से सच कहऽ ही कि बड़ी सा भविष्यद्वक्ता आउर धर्मी जन ऊ देखे के ललसा करलन जेकरा तूँ देखऽ हऽ, बाकि ओकरा नऽ देख पईलन, आउर ओकरा सुने ला जेकरा तूँ सुनऽ हऽ, आउर ओकरा नऽ सुन पईलन।18येहिगुने, तूँ बिच्चा बुने वाला के दृष्टान्त सुनऽ।19जे कोई आदमी राज के वचन सुन के नऽ समझऽ हे, तऽ ओकर मन में जे कुछ बुनल गेल हल, ओकरा ऊ दुष्ट मतलब शैतान आके छीन ले जा हे। ई ओही हे जे राह के किनारे बुनल गेल हल।20अखनी जे पत्थरीली जमीन पर बुनल गेल हल, ई ओही हे जे वचन सुन के तुरन्त खुशी के साथ ओकरा अपना ले हे;21बाकि ओकर अपने आप में कोई जड़ी नऽ हे बाकि बिन टिकाऊ हे; आउर जखनी वचन के कारण दुःख आउर सताव होवऽ हे, तऽ ऊ तुरन्त ठोकर खा हे।22आउर जे काँटा के बीच बुनल गेल हे, ई ओही हे जे वचन के सुनऽ हे, बाकि ई संसार के चिंता आउर धन के धोखा वचन के दबा दे हे, आउर ऊ सूख जा हे।23अखनी जे बढ़ियाँ जमीन में बुनल गेल, ऊ येही हे जे वचन के सुन रहल हे आउर ओकरा समझ रहल हे, ओही सचमुच में अनाज के उपजावऽ हे आउर फरऽ हे, कुछ सौ गुणा, आउर कुछ साठ गुणा, आउर कुछ तीस गुणा।”24यीशु ओखनी के सामने एगो आउर दृष्टान्त दे के कहलन, “स्वर्ग के राज ऊ किसान के जईसन हे, जे अपन खेत में अच्छा बिच्चा छिंटलन।25बाकि जौन घड़ी दास सूत रहलन हल, तऽ ओकर दुश्मन आके गेहूँ के बिच्चा में जंगली बिच्चा के घास बुन के चल गेल।26अब जखनी बिच्चा अंकुर गेल आउर अनाज उपज गेल तऽ जंगली घास के पौधा भी देखाई देलक।27अखनी ऊ किसान के सेवकवन पास आके उनका से कहलन, ‘हे मालिक, का तूँ खेत में निमन बिच्चा नऽ बुनल हल? तऽ जंगली बिच्चा के घास ओकरा में कहाँ से आयेल?’28बाकि ऊ ओकरा से कहे लगलन, ‘कोई दुश्मन ई काम करलक हे।’ बाकि सेवकवन उनका से पूछलन, ‘येहिगुने का तूँ चाहऽ हऽ कि हम जा के ओकरा उखाड़ देऊँ?’29बाकि ऊ कहलन, ‘एकदम से अईसन मत करऽ, कहीं अईसन नऽ होवे कि तूँ जंगली बिच्चा के घास के उखाड़े घड़ी, तूँ ओकरा साथे गेहूँ भी उखाड़ लऽ।30कटनी काटे घड़ी तक गेहूँ आउर जंगली दूनो के एक साथे बढ़े दऽ। आउर कटनी के समय हम काटे वाला से कहम कि “पहिले जंगली बिच्चा के घास के काट के जरावे ला बोझा बाँध लऽ, बाकि गेहूँ के हमर खलिहान में जमा कर दऽ।”’”31यीशु ओखनी सामने एगो आउर दृष्टान्त दे के कहलन, “स्वर्ग के राज राई के एगो बिच्चा के जईसन हे, जेकरा लेके एगो आदमी अपन खेत में बुन देलक।32जे सच में सभे बिच्चा से छोटा तऽ होवऽ हे बाकि जखनी ऊ बढ़ जा हे तऽ ऊ बगईचा के पौधा से बड़का होके एगो पेड़वन जा हे, जेकरा से कि आसमान के पक्षियन आवऽ हे आउर एकर डाली में खोंता बनावऽ हे।”33यीशु ओखनी के एगो आउर दृष्टान्त बतईलन: “स्वर्ग के राज खमीर के जईसन हे जेकरा कोई औरत लेके तीन पसेरी आटा के साथ तब तक मिलईलन जब तक कि सबकुछ खमीर नऽ हो गेल।”34यीशु ई सभे बात भीड़ से दृष्टान्त में कहलन, ताकि जे भविष्यद्वक्ता के माध्यम से कहल गेल हल, आउर बिना दृष्टान्त के ऊ ओखनी से कुछो नऽ कहलन,35ताकि जे भविष्यद्वक्ता के माध्यम से कहल गेल हल ऊ पूरा हो सकत, कहलन, “हम दृष्टान्त में अपन मुँह खोलम। हम ऊ प्रचार करऽ ही जे दुनियाँ के रचना होवे से पहिले के समय से छिपल रहल हे।” 36फिन भीड़ यीशु के छोड़ के अपन घर चल गेल। तब चेलवन उनका भीर आके बोललन, “खेत के जंगली घास के दृष्टान्त समझा दऽ।”37अखनी जबाब दे के ऊ कहलन, बढ़ियाँ बिच्चा के बुने वाला आदमी के बेटा हे।38आउर खेत ई दुनियाँ हे, आउर जे बढ़ियाँ बिच्चा हे ऊ राज के संतान हे। आउर जंगली घास दुष्ट के संतान हे।39आउर जौन दुश्मन ओकरा बुनलक ऊ शैतान हे। आउर कटनी ई दुनियाँ के अन्त हे, आउर मजदूर स्वर्गदूतवन हे।40येहिगुने, जईसे जंगली घास जमा करल जा हे। आउर आग से जला देवल जा हे, ओईसहीं ई दुनियाँ के अन्त में होत।41आदमी के बेटा, अपन स्वर्गदूतवन के भेजतन, आउर ऊ उनकर राज में से ठोकर के कारण के आउर अधर्म के काम करे वाला के जमा करतन।42आउर ऊ ओखनी के आग के भट्ठी में झोंक देतन। जहाँ रोवे ला आउर दाँत पिसेला होत।43ऊ समय धर्मी अपन पिता के राज में सूरज के जईसन चमकतन। जेकर कान हे, ऊ सुन लेतन।44स्वर्ग के राज एगो खेत में छिपल खजाना के जईसन हे, जेकरा पाके एगो आदमी छिपा देलन। आउर ओकर खुशी में जा के ऊ सभे कुछ बेच देलक, जेतना ओकरा भीर हल, ऊ एगो खेत के मोल लेलक हे।45फिन, स्वर्ग के राज ऊ व्यापारी के जईसन हे, जे बढ़ियाँ मोती के खोज रहल हे।46आउर एगो बेसकीमती मोती के पाके, ऊ जा के सबकुछ बेच देलक जेतना ओकरा भीर हल आउर ओकरा खरीद लेलक।47आउर फिन स्वर्ग के राज ऊ जाल के जईसन हे, जेकरा समुद्र में डालल गेल, आउर हर तरह से जमा करल गेल,48जेकरा से जखनी ऊ भर गेल, तऽ ऊ घसीट के किनारे पर लईलन, आउर बईठके ओखनी बढ़ियाँ मछलियन के बरतन में भर लेलन, बाकि खराब मछलियन के ओखनी फेंक देलन।49ओईसहीं दुनियाँ के अन्त में एही होत। स्वर्गदूत बाहर जईतन आउर धर्मियन के बीच में से दुष्ट लोग के अलग कर देतन।50आउर ऊ दुष्ट लोगवन के नरक के भट्ठी में झोंक देतन, जहाँ रोवे ला आउर दाँत पिसे पड़त।51का तूँ ई सभे बात समझऽ गेलऽ? ओखनी उनका से कहलन, “हाँ।”52फिन ऊ ओखनी से कहलन, “येहिगुने हर एक शास्त्री जौन स्वर्ग के राज के चेला बनलन हे, ऊ घर के ऊ मालिक के जईसन हे जे अपन खजाना से नया आउर पुराना सामान निकास हे।”53आउर अईसन होल कि जब यीशु ई दृष्टान्त के सुना चुकलन, तब ऊ ऊहाँ से चल गेलन।54आउर अपन गृहनगर नगर नासरत में जा के ऊ ओखनी के आराधनालय में जा के ओखनी के उपदेश देलन, तब ओखनी अचरज करलन, आउर ऊ एक दोसर से कहे लगलन, “यीशु के ई ज्ञान आउर ई चमत्कार करे के शक्ति कहाँ से मिलल हे?55का ऊ बड़ही के बेटा नऽ? आउर का उनकर माय के नाम मरियम आउर इनकर भाई याकूब, आउर यूसुफ, आउर शमौन आउर यहूदा नऽ हे?56आउर का इनकर सभे बहिनियन हमनी के बीच में नऽ रहऽ हे? येहिगुने ई सभे बात इनका कहाँ से मिलल हे?”57आउर ओखनी उनका से गोस्सा हो गेलन। बाकि यीशु ओखनी से कहलन, “एगो भविष्यद्वक्ता अपन गाँव घर के अलावे कहीं निरादर पावऽ हे।”58आउर यीशु ऊहाँ ओकर अविश्वाश के वजह से, जादे चमत्कार नऽ करलन।
Bridge Connectivity Solutions Pvt. Ltd.