Mark14
1सप्ताह भर चले वाला ई खाली दू दिन पहिले के समय हल जखनी लोग ऊ परव के मनावे ला शुरु करलन जेकरा ऊ सभे फसह के परव कहऽ हथन। ऊ दिन में ऊ सभे एगो परव आउर मनावऽ हलन जेकरा ओखनी सभे अखमीरी रोटी के परव कहऽ हलन। महायाजक आउर यहूदी व्यवस्था के शास्त्री लोग योजना बना रहलन हल कि ऊ यीशु के धोखा से कईसे बंदी बनईतन। ऊ रोमी अधिकारियन के सामने उनका पर दोष लगावे ला चाहऽ हलन जेकरा से ऊ उनका मौत के सजा देतन। 2ओखनी अपने में कह रहलन हल, “हमनी के परव के घड़ी अईसन नऽ करे के चाही, काहेकि जदि हम अईसन करऽ ही तऽ लोग हमनी पर गोस्सा हो जईतन आउर ऊ दंगा करऽ देतन!” 3यीशु बैतनिय्याह गाँव में शमौन के घरे मेहमान हलन जेकरा पहिले कोढ़ हल। जौन घड़ी ऊ खाना खा रहलन हल। तऽ एगो औरत यीशु भीर अईलन। ऊ एगो पत्थर के बरतन लेले हल जेकरा में कीमती, सुगन्धित इत्र भरल हल, जौन मूल्यवान, सुगन्धित शुद्ध जटामांसी इत्र से बनल हल। ऊ, ऊ बरतन के खोल के सभे सुगन्धित इत्र यीशु के माथा पर उझल देलक।4ऊहाँ पर मौजूद कुछ आदमी गोस्सा होके अपने में कहलन, “ई तऽ भयानक बात हे कि ई औरत ऊ सुगन्ध वाला इत्र बर्बाद कर देलक!”5काहेकि ई इत्र ओकरा तऽ एक साल के मजदूरी के दाम में बेचल जा सकऽ हल। आउर फिन ऊ दीनार गरीब आदमी में बाँटल जा सकऽ हल! ओखनी ओकरा डाँटलन।6बाकि यीशु उनका कहलन, “उनका डाँटेला बंद करऽ! ऊ हमरा साथे ओही करलन हे जौन हम सही समझ ही। येहिगुने तोरा उनका परेशान नऽ करे के चाही!”7तोहनी के बीच में गरीब हमेशा रहतन। येहिगुने तूँ जखनी चाहऽ तखनी उनका मदत कर सकऽ हऽ। बाकि हम ईहाँ तोहनी के साथे ज्यादा दिन तक नऽ रहम। 8ई सही हे कि जौन ऊ कर सकल हलऽ ऊ ओही करलक। ई अईसन हे कि मानऽ ऊ जानऽ हलन कि हम जल्दी ही मरे वाला ही आउर ऊ हमर देह के गाड़ल जाय लागी इत्र से अभिषेक करलन हे।9हम तोरा से सच कहऽ ही: पूरा दुनियाँ में हमर अनुयायी जहाँ कहीं शुभ समाचार प्रचार करतन, “ऊ ई भी बतईतन जौन ऊ करलन हे, आउर लोग ओकरा याद रखतन।”10फिन यहूदा इस्करियोती महायाजक भीर यीशु के पकड़वावे में उनकर मदत करे लागी बातचीत करे गेलन। ऊ अईसन करलन भले ही ऊ बारहो चेलवन में से एगो हलन।11जखनी प्रधान याजक सुनलन कि ऊ उनका लागी का करे ला तईयार हथन, तऽ ऊ बड़ी खुश होलन। ओखनी वादा करलन कि एकर बदला में ऊ उनका पईसा देतन। यहूदा सहमत हो गेलन, आउर यीशु के उनका सौंपे लागी मौका खोजे लगलन।12परव के पहिले दिन जेकरा ऊ अखमीरी रोटी के परव कहऽ हलन, जब ऊ फसह लागी मेम्ना के बलिदान करऽ हलन, तऽ यीशु के चेलवन उनका से पूछलन, “तूँ कहाँ चाहऽ कि हम जा के फसह के परव लागी भोज तईयार करियई ताकि हमनी ओकरा खायेम?” 13फिन यीशु सबकुछ तईयार करे लागी अपन दूगो चेलवन के चुनाव करलन। ऊ उनका से कहलन, “यरूशलेम नगर में जा। तूँ एगो अादमी से मिलवऽ जौन पानी से भरल एगो घईला उठईले होतन।” उनकर पीछे-पीछे जईहऽ।14जखनी ऊ एगो घर में हलन, तऽ ऊ घर के मालिक से कहिहऽ, 'हमनी के गुरु चाहऽ हथन कि हमनी फसह के परव के खाना तईयार करम। जेकरा से हमनी मतलब कि उनकर चेलवन के साथे ऊ खायेम। कृपा कर के हमनी के ऊ घर देखा दऽ।15ऊ तोरा एगो बड़का घर देखईतन जौन घर के ऊपरका मंजिल पर हे। ओकरा में दरी, खाय के सजावल कुर्सी, आउर खाय के मेज होत, “आउर ऊ हमनी लागी तईयार होत कि हमनी ओकरा में भोज खायेम। तऽ ऊहाँ हमनी लागी खाना तईयार करिहऽ।”16येहिगुने ऊ दूनो चेलवन चल गेलन। ओखनी नगर में जा के सबकुछ ओईसहीं पईलन जईसन ऊ उनका से कहलन हल। फिन ओखनी फसह के परव लागी खाना तईयार करलन।17जब साँझ होल, तऽ यीशु बारहो चेलवन के साथे ऊ घर में पहुँचलन।18जखनी ऊ सभे मेज पर बईठ के भोज खा रहलन हल, तऽ यीशु कहलन, “ई सच बात के धियान लगा के सुनऽ; तोहनी में से एगो जे हमरा साथे खा रहलन हे ओही हमरा पकड़वईतन!” 19चेलवन बड़ी उदास हो गेलन, आउर एगो के बाद एगो, सभे यीशु से कहलन, “सच ही हम ऊ नऽ ही जौन तोरा पकड़वईतन, सही हे कि नऽ?”20तऽ ऊ उनका से कहलन, “ऊ तोहनी बारहो चेलवन में से एगो हथन, जौन हमरा साथे कटोरा में रोटी खा रहलन हे।”21ई जरुरी हे कि हम, मतलब कि आदमी के बेटा, मर जायेम, काहेकि भविष्यद्वक्तावन हमरा बारे में शास्त्र में येही लिखलन हे। बाकि ऊ आदमी लागी भयानक आफत होत जौन हमरा पकड़वावे में हमर दुश्मन के मदत करतन! ईहाँ तक कि, ऊ आदमी लागी अच्छा होत हल कि ऊ कहियो जनम ही नऽ लेतन हल!22जौन घड़ी यीशु भोज खा रहलन हल, तऽ ऊ एगो रोटी लेके ओकरा लागी परमेश्वर के धन्यवाद करलन। फिन ऊ ओकरा तोड़ के उनका देलन आउर उनका से कहलन, “ई रोटी हमर देह के देखावऽ हे। एकरा लऽ, आउर खा लऽ।”23ओकर बाद, ऊ दाखरस से भरल कटोरा लेलन ओकरा लागी परमेश्वर के धन्यवाद करलन। फिन ऊ ओकरा अपन चेलवन के देलन आउर ऊ सभे ऊ कटोरा में से पियलन।24यीशु अपन चेलवन से कहलन, “ई दाखरस हमर लहू के निशान हे जे हमर देह से बहे वाला हे, जब हमर पकड़तन तऽ हमरा मार देतन। ई लहू के द्वारा हम ऊ वाचा के मजबूत करम, जौन परमेश्वर बड़ी लोगवन के पाप के क्षमा करे लागी बाँधलन हल।” 25हम चाहऽ ही कि तूँ सच के जान लऽ: “हम अब ऊ घड़ी तक दाखरस नऽ पियम, जखनी तक कि हम ऊ फिनो से तब नऽ पियम, जब तक परमेश्वर के राज नऽ आ जायेत।”26ओखनी परमेश्वर के स्तुति में एगो गीत गईला के बाद, यीशु आउर उनकर चेलवन जैतून के पहाड़ तरफ चल गेलन।27जब ऊ अपन राह में हलन, तऽ ऊ यीशु अपन चेलवन से कहलन, “जकर्याह भविष्यद्वक्ता पवित्रशास्त्र में लिखलन हल जौन परमेश्वर हमर बारे में कहलन हल, 'हम चरवाहा के हत्या कर देम आउर ओकर भेड़ तित्तर-बित्तर हो जायेत। ई सभे बात सच हो जायेत। तोहनी सभे हमरा छोड़ के भाग जईवऽ।28बाकि जखनी परमेश्वर हमरा फिनो से जिन्दा कर देतन, तऽ हम तोरा से पहिले गलील प्रान्त में जायेम आउर तोरा से ऊहें मिलम।”29पतरस यीशु से कहलन, “हो सकल हे सभे चेलवन तोरा छोड़ भी देतन, बाकि हम तोरा नऽ छोड़म! हम तोरा छोड़ के नऽ जायेम!”30तऽ यीशु पतरस से कहलन, “सच तऽ ई हे कि आज ही के रात, मुर्गा के तीन बार बाँग देवे के पहिले, तूँ खुद ही हमर बारे में कहवऽ कि तूँ हमरा नऽ जानऽ हऽ।”31बाकि पतरस मजबूती के साथ उत्तर देलन, “ईहाँ तक कि जदि ओखनी हमर हत्या भी कर देतन, तईयो हम नऽ कहम कि हम तोरा नऽ जानऽ ही।”32यीशु आउर उनकर चेलवन ऊ जगह पर गेलन जेकरा लोग गतसमनी कहऽ हलन। यीशु अपन कुछ चेलवन से कहलन, “जब तक हम प्रार्थना करम, तब तक तूँ ईहें ठहरिहऽ!”33ऊ अपन साथे पतरस, याकूब आउर यूहन्ना के लेलन। यीशु बड़ी जादे भावुक जईसन होके व्याकुल हो गेलन।34ऊ उनका से कहलन, “हमर मन बड़ी उदास हे। ई अईसन हे कि मानऽ हम मरे वाला ही। तोहनी ईहें ठहरिहऽ आउर जगल रहिहऽ!”35यीशु जरीमनी आगे बढ़ के खुद जमीन पर ठेहुनियाँ मार लेलन। फिन ऊ परमेश्वर से प्रार्थना करलन कि जदि हो सकऽ हे, तऽ उनका दुःख नऽ उठावे पड़े।36ऊ कहलन, “हे हमर पिता, काहेकि तूँ सभे कुछ करे के लायक हऽ, येहिगुने हमरा बचावऽ, ताकि हमरा दुःख नऽ उठावे पड़े! बाकि जे हम चाहऽ ही ऊ मत करऽ। एकर बदले, जौन तोर इच्छा हे ओही करऽ!”37फिनो यीशु ऊ जगह में लौट अईलन जहाँ तीनो चेलवन पतरस, याकूब, आउर यूहन्ना के छोड़लन हल। ऊ सभे चेलवन के सुतल देखलन। ऊ उनका जगईलन आउर पतरस से, जिनका शमौन भी कहऽ हथन, कहलन, “हे शमौन! हम दुःख ही कि तूँ सूत गेलऽ हल, आउर ई भी कि तूँ थोड़ा समय लागी भी जाग नऽ सकलऽ!”38आउर यीशु उनका से कहलन, “जौन हम कहऽ ही तूँ ओकरा करे ला तऽ चाहऽ हऽ, आत्मा तईयार हे बाकि तोर देह में भरपूर सामर्थ नऽ हे। जगल रहऽ आउर प्रार्थना करते रहऽ, जेकरा से तूँ परीक्षा में नऽ पड़िहऽ!”39तऽ ऊ जा के फिनो से ओही प्रार्थना करलन जौन ऊ पहिले करलन हलऽ।40जखनी यीशु लौट के अईलन, तऽ ऊ देखलन कि ऊ सभे फिन से बड़ी नींद में सूत रहलन हे; ऊ नींद में एतना मातल हलन कि ऊ अपन आँख भी नऽ खोल पा रहलन हल। काहेकि ऊ शर्मिन्दा हलन, येहिसे जब ऊ उनका जगईलन तऽ ऊ नऽ जानऽ हलन कि उनका से का कहतन।41तऽ यीशु जा के एक बार फिन से प्रार्थना करलन। आउर ऊ तिसरका बार लौट के चेलवन भीर अईलन आउर उनका ऊ फिन से सुतल देखलन। ऊ उनका से कहलन, “हम नाराज ही कि तूँ फिनो से सुतल हऽ। तूँ बड़ी सूत चुकलऽ हे। हमरा ला दुःख उठावे के घड़ी शुरु होवे वाला हे।” देखऽ! कोई अादमी हमरा, मतलब कि आदमी के बेटा के पकड़े लागी पापी अादमी के काबिल करे वाला हथन।42येहिगुने उठऽ! आवऽ हमनी चलऽ! देख! “ऊ ईहाँ हथन जे हमरा पकड़वावे लागी उनका लायक कर रहलन हे!”43जौन घड़ी यीशु ई बोल ही रहलन हल, यहूदा आ पहुँचल। भले ऊ 12 चेलवन में से एगो हलन, ओकरा साथे प्रधान याजक, शास्त्रियन, पुरनिया आउर बाकि ऊ यीशु के पकड़वावे में उनका सक्षम करे अईलन हल। उनकर साथे लाठी आउर तलवार लेले एगो भीड़ भी हल। ऊ लोग के यहूदी महासभा के महायाजक भेजलन हल।44यहूदा, जौन यीशु के उनका पकड़वावे में मदत कर रहलन हल, ऊ भीड़ से पहिले ही कहऽ देलन हल, “जौन अादमी के हम चूम लेम, ऊ ओही हथन जिनका तूँ खोज रहलऽ हे। जखनी हम उनका चूम लेम तऽ उनका पकड़ लिहऽ, आउर सावधानी से उनकर देख-रेख करते ले जईहऽ उनका ले जईहऽ।”45बाकि: जखनी यहूदा पहुँचलन, तऽ ऊ तुरन्त यीशु भीर आके कहलन, “हे हमर गुरु!” फिन ऊ यीशु के चूम लेलन।46ओकर बाद भीड़ यीशु के पकड़ के बंदी बना लेलक।47बाकि उनकर एगो चेला, जौन भीर में खड़ा हलन, अपन तलवार निकास लेलन। ऊ ओकरा से महायाजक के दास पर हमला करलन, बाकि ऊ खाली ऊ दास के कान ही काट पईलन।48यीशु ओखनी से कहलन, “ई हैरानी के बात हे कि तूँ ईहाँ हमरा बंदी बनावे लागी तलवार आउर लाठी लेके अईलऽ हे, जईसे कि हम कोई डाकू ही।”49हम तऽ ढेर दिन तक आराधनालय के अँगना में लोग के शिक्षा देते घड़ी तोहनी के साथे ही हली। ऊ घड़ी “तोहनी हमरा बंदी बनावे के कोशिश काहे नऽ करलऽ? बाकि ई येहिगुने घटित होल हे कि जौन कुछ भी भविष्यद्वक्तावन पवित्रशास्त्र में हमरा बारे में लिखलन हे, ऊ पूरा हो।”50तऽ यीशु के सभे चेलवन उनका छोड़ के भाग गेल। 51ऊ घड़ी एगो जवान आदमी यीशु के पीछे-पीछे चल रहलन हल। ऊ उनकर देह पर खाली एगो सनी के कपड़ा पेहेनले हलन। ऊ भीड़ ऊ जवान अादमी के पकड़ लेलक,52बाकि, जईसहीं ऊ खुद के उनकर पकड़ से खिचलन, उनकर सनी के कपड़ा उनकर हाथ में ही रह गेल। आउर फिनो ऊ नंगे ही भाग गेल।53जौन आदमी यीशु के पकड़लन, ऊ उनका ऊ घर में ले गेलन, जहाँ महायाजक रहऽ हलन। यहूदी महासभा में सभे सदस्य प्रधान याजक, पुरनिया आउर शास्त्री ऊहाँ जमा हलन।54पतरस एक दूरी बना के यीशु के पीछे-पीछे गेलन। ऊ घर के ऊ अँगना में गेलन जहाँ महायाजक रहऽ हलन, आउर ऊ ऊहाँ महायाजक के घर के पहरदार के साथे बईठ गेलन। ऊ आग भीर आ के आग ताप रहलन हल।55महायाजक आउर यहूदी महासभा के बाकि सदस्य अईसन आदमी के खोजे के कोशिश करलन जौन यीशु के बारे में गवाही बोल सकऽ हथन जेकरा से ऊ रोमी अधिकारियन के उनका मौत के सजा देवे लागी तईयार कर सकतन। ऊ सभे एकरा में सफल नऽ हो पईलन।56ढेर संख्या में लोग यीशु के बारे में झूठ गवाही बोललन, बाकि जौन बात ओखनी बोललन ऊ अपने में मेल नऽ खा हल।57आखिरी में, कुछ आदमी खड़ा होलन आउर ई कह के यीशु पर झूठा आरोप लगईलन,58“हमनी उनका अईसन कहते सुनली हल, हम आदमी के द्वारा बनावल गेल ई मन्दिर के ढाह देम, आउर फिन तीन दिन में बिना केकरो मदत के हम दोसरा भवन बना देम।”59बाकि ई आदमी जौन कहलन हल, ऊ उनका में से बाकि लोग के गवाही से मेल नऽ खा हल।60तऽ महायाजक खुद ही उनकर सामने खड़ा होलन, आउर यीशु से कहलन, “जौन ऊ कहलन, का तूँ उनकर जबाब नऽ देवऽ? जौन सभे बात के ऊ सभे तोरा पर आरोप लगावे लागी कहऽ रहलन हे, उनकर बारे में तूँ का कहऽ हऽ?”61बाकि यीशु चुप रहलन, आउर कोई जबाब नऽ देलन। तऽ महायाजक फिन से कोशिश करलन। ऊ उनका से पूछलन, “का तूँही मसीह हऽ? का तूँ अईसन कहऽ हऽ कि तूँही स्तुति के योग्य परमेश्वर के बेटा हऽ?”62यीशु कहलन, हम ही। एकर अलावे, “तूँ हमरा, मतलब कि आदमी के बेटा के, पूरा तरह से सामर्थी परमेश्वर के बगल में शासन करते देखवऽ। तूँ हमरा आसमान के बादलवन में से नीचे उतरते देखवऽ!” 63यीशु के बात के जबाब में, विरोध जतावे लागी महायाजक अपन बाहरी कपड़ा फाड़ के कहलन, “हमनी के जरुरी अब ई आदमी के खिलाफ में गवाही देवे लागी आउर गवाहवन के जरुरत नऽ हे!”64“तूँ उनकर परमेश्वर के खिलाफ निन्दात्मक दावा के सुन लेलऽ हे!” ऊ सभे के सभे ई बात पर सहमत हो गेलन कि यीशु दोषी हथन आउर मृत्युदण्ड के योग्य हथन।65ओकर बाद ओखनी में से कुछ लोग उनका पर थूके लगलन। ओखनी उनकर आँख पर पट्टी बाँध देलक, आउर फिन ऊ उनका मारे लगलन, आउर उनका से कहे लगलन, “जदि तूँ भविष्यद्वक्ता हऽ, तऽ भविष्यद्वाणी करऽ कि तोरा कौन मारलन हे।” आउर जौन आदमी यीशु के पहरदारी कर रहलन हल ओखनी उनका थप्पड़े थप्पड़ मारलन।66जौन घड़ी पतरस महायाजक के घर के बाहरे अँगना में हलन, तऽ महायाजक लागी काम करे वाली दासियन में से एगो दासी उनका भीर आयेल।67जखनी ऊ पतरस के आग तापते देखलक, तऽ ऊ उनका बड़ा धियान से देखलक। फिन ऊ कहलन, “तोहूँ तऽ नासरत नगर के रहे वाला ऊ आदमी यीशु के साथे हलऽ!”68बाकि पतरस ई कह के ई बात से इंकार कर देलन, “हम नऽ जानऽ ही चाहे हमरा समझ नऽ आ रहल हे कि तूँ केकर बारे में बात कर रहलऽ हे!” फिन ऊ ऊहाँ से हट के अँगना के फाटक भीर चल गेलन; आउर मुर्गा बाँग देलक।69ऊ दासी पतरस के ऊहाँ देखके फिन से ऊ लोगवन से बोललन जौन निकट खड़ा हलन, “ई आदमी ओखनी में से एगो हथन जौन ऊ आदमी के साथे हलन, जिनका ऊ लोग बंदी बनईलन हे।”70बाकि ऊ फिनो से इंकार कर देलन। कुछ देर के बाद, जौन आदमी ऊहाँ खड़ा हलन, ऊ सभे फिन से पतरस से कहलन, “जौन तरीका से तूँ बात कर रहलऽ हे ओकरा से प्रकट होवऽ हे कि तूँ भी गलील प्रान्त के रहे वाला हऽ। येहिगुने ई सच हे कि तूँ भी ऊ आदमी में से एगो हऽ जौन यीशु के साथे हलन!”71बाकि ऊ कहे लगलन, “जौन अादमी के बारे में तूँ बात कर रहलऽ हे हम ओकरा नऽ जानऽ ही! काहेकि परमेश्वर जानऽ हथन कि हम सच बोल रहली हे, आउर जदि हम झूठ बोल रहली हे तऽ ऊ हमरा दंड देतन!”72ठीक ओही घड़ी मुर्गा दोसरा बार बाँग देलक। तऽ पतरस के ऊ बात याद अईलक जौन यीशु उनका से पहिले ही कह देलन हल, “मुर्गा के दोसरा बार बाँग देवे से पहिले, तूँ तीन बार ई बात से इंकार करवऽ कि तूँ हमरा नऽ जानऽ हऽ।” जखनी पतरस के पता होल कि ऊ यीशु के तीन बार इंकार कर चुकलन हे, तऽ ऊ बड़ी जादे उदास हो गेलन। पतरस रोवे लगलन।
Bridge Connectivity Solutions Pvt. Ltd.