Mark1
1यीशु मसीह जे परमेश्वर के बेटा हथन, ई उनकर बारे में शुभ समाचार के शुरुआत हे।2ई शुभ समाचार के शुरुआत ओईसहीं होवऽ हे जईसे होवे के बारे में यशायाह भविष्यद्वक्ता बड़ी समय पहिले लिखलन हल, “देखऽ, हम अपन दूत के तोर आगे-आगे भेज रहली हे। ऊ तोहर आवे वाला घड़ी लागी लोगवन के तईयार करतन।” 3ऊ उनकर सुने वाला लोग लागी मरुभूमि जगह में पुकारे वाला कोई आवाज दे रहलन हे, जे कहऽ हथन, “प्रभु के स्वागत करे लागी खुद के तईयार करऽ। उनका आवे लागी सभे कुछ के सोझा करऽ।” 4जौन दूत के बारे में यशायाह लिखलन हल। ऊ यूहन्ना ही हलन। लोग उनका “बपतिस्मा देवे वाला” कहऽ हलन। यूहन्ना यरदन नदी के किनारे एगो मरुभूमि जगह में रहऽ हलन। ऊ लोगवन के “बपतिस्मा दे के उनका ला ई प्रचार कर रहलन हल कि जदि ऊ मन फिराव करऽ हथन, तऽ ऊ उनका बपतिस्मा देतन, आउर परमेश्वर उनकर पाप के मांफ कर देतन।”5यहूदिया प्रदेश आउर यरूशलेम नगर के बड़ी लोग यूहन्ना के वचन सुने लागी मरुभूमि में चल गेलन। उनका सुने वाला लोग में से बड़ी सा ई बात पर सहमत हलन कि ओखनी पाप करलन हे। तऽ यूहन्ना ओखनी के यरदन नदी में बपतिस्मा देलन।6यूहन्ना ऊँट के मुकदमा से बनल कपड़ा पेहनऽ हलन आउर कमर में चमड़ा के कमरबन्द बाँधऽ हलन। जौन टिड्डी आउर मधु ऊ उजाड़ जगह में उनका मिलल ऊ ओही खईलन। 7ऊ प्रचार करऽ हलन, “बड़ी जल्दिये ऊ अईतन जे बड़ी महान हथन। उनकर तुलना में हम कुछो नऽ ही। हम नौकर के जईसन ई लायक भी नऽ ही कि झुक के उनकर जूता के फीता खोलम।”8हम तऽ तोहनी के पानी से बपतिस्मा देली हे बाकि ऊ तोहनी के “पवित्र आत्मा से बपतिस्मा देतन।”9जौन घड़ी यूहन्ना प्रचार कर रहलन हल, ओही बीच में यीशु गलील के एगो नगर नासरत से अईलन। जहाँ यूहन्ना प्रचार करते हलन, ऊ ऊहाँ गेलन, आउर यूहन्ना उनका यरदन नदी में बपतिस्मा देलन।10जईसहीं यीशु पानी में से ऊपर अईलन, ऊ आसमान के फटते आउर परमेश्वर के आत्मा के अपने ऊपर उतरते देखलन। परमेश्वर के आत्मा कबूतर के जईसन आसमान से उतरल।11तऽ परमेश्वर आसमान में से बात करलन आउर कहलन, “तूँ हमर बेटा हऽ, जेकरा से हम बड़ी जादे प्रेम करऽ ही। हम तोरा से बड़ी खुश ही।”12तऽ परमेश्वर के आत्मा यीशु के सुनसान जगह में भेज देलन।13यीशु 40 दिन तक सुनसान जगह में रहलन। ऊ घड़ी, शैतान उनकर परीक्षा कर रहल हल। ऊ जगह में जंगली जानवर भी हल, आउर स्वर्गदूत उनकर सेवा कर रहलन हल।14जब राजपाल हेरोदेस अंतिपास के द्वारा यूहन्ना बपतिस्मा देवे वाला के जेलखाना में डाल देवल गेला के बाद, यीशु गलील प्रदेश में गेलन। गलील प्रान्त में, ऊ परमेश्वर के राज शुभ समाचार के प्रचार करे लगलन।15ऊ प्रचार कर रहलन हल, “परमेश्वर के राज करे के समय आ गेल हे। परमेश्वर जल्दिये देखा देतन कि ऊ राजा हथन। मन फिरावऽ आउर शुभ समाचार पर विश्वास करऽ।”16एक दिन यीशु गलील के झील के किनारे से जईते, दूगो भाई के देखलन जिनकर नाम शमौन आउर अन्द्रियास हल। ऊ मछलियन के पकड़े लागी अपन जाल झील में डाल रहलन हल। ऊ मछली पकड़ के आउर बेच के धन कमा हलन।17तऽ यीशु उनका से कहलन, “जईसे तूँ मछलियन बटोर रहलऽ हे, ओईसहीं हमरा साथे चलऽ, आउर हम तोरा सिखायेम कि हमर चेला बने लागी लोगवन के कईसे जमा करल जाय।”18यीशु के ई कहला के बाद, तुरन्त ओखनी काम करे ला बंद कर देलन, आउर जाल के छोड़ के उनकर साथे हो लेलन।19उनका थोड़ा आगे बढ़ला के बाद, यीशु दूगो आउर आदमी के देखलन जिनकर नाम याकूब आउर यूहन्ना हल। ऊ जब्दी नाम के आदमी के बेटा हलन। ऊ सभे के सभे एगो नाव में मछली पकड़े वाला जाल के ठीक करते हलन।20जईसहीं यीशु ओखनी के देखलन, तऽ ऊ उनका से अपन पीछे होवे ला कहलन। येही से ऊ अपन पिता जब्दी के उनकर सेवकवन के साथे नाव में छोड़ के यीशु के साथे हो लेलन।21पतरस, अन्द्रियास, याकूब आउर यूहन्ना के साथे यीशु बगल के कफरनहूम नगर में गेलन। ऊहाँ, सब्त के दिन यीशु आराधनालय में शिक्षा देवे लगलन।22सुने वाला लोग उनकर सिखावे के तरीका से चौंक गेलन। ऊ एगो अईसन गुरु के अधिकार से शिक्षा दे हलन जौन ऊ बात पर निर्भर करऽ हे जेकरा ऊ अपने खुद जानऽ हथन। ऊ यहूदी शास्त्रियन लोग के जईसे शिक्षा नऽ देलन, जौन ऊ अलग-अलग वचन के दोहरावऽ हलन जे दोसरा सिखईलन हल।23यहूदियन के आराधनालय में जहाँ यीशु शिक्षा देलन, ऊहाँ एगो आदमी हल जौन अशुद्ध आत्मा के वश में हल। ऊ अशुद्ध आत्मा वाला आदमी चिकरे लगल,24“हे नासरत के यीशु! हमनी दुष्टात्मा के तोरा से कुछ लेवे-देवे के नऽ हे! का तूँ हमरा नाश करे ला अईलऽ हे? हम जानऽ ही कि तूँ कौन हऽ। तूँ परमेश्वर के तरफ से आयेल पवित्र दूत हऽ!”25यीशु ऊ दुष्टात्मा के ई कहऽ के डाँटलन, “चुप रह ऊ आउर ई आदमी में से बाहरी निकल के भाग जो!”26ऊ अशुद्ध आत्मा ऊ आदमी के मरोड़ के हिला देलक। ऊ बड़ी जोर से चिकरल, आउर फिन ऊ, ऊ आदमी में से निकल के चल गेल।27सभे लोग जौन सभास्थल में हलन ओखनी चौंक गेलन। जेकर नतीजा होल, ऊ सभे अपने में ई कह के चर्चा करे लगलन, “ई तऽ कुछ अईसन हे जे हमनी पहिले कहियो नऽ देखली! ऊ नऽ खाली एगो नया आउर अधिकार से शिक्षा दे हथन, बाकि ऊ तऽ अशुद्ध आत्मा के भी आज्ञा दे हथन, आउर ऊ उनकर बात के मानऽ हे!”28ऊ लोग जल्दिये सभे गलील प्रदेश में बड़ी सा दोसरा लोग के ऊ बतईलन जे यीशु करलन हल।29यहूदी आराधनालय से निकलला के बाद, यीशु, शमौन अन्द्रियास, याकूब आउर यूहन्ना के साथ, सीधे शमौन आउर अन्द्रियास के घरे गेलन।30शमौन के सास खटिया पर येही से पड़ल हलन काहेकि ऊ बेमार हलन; मतलब कि उनका बुखार लगल हल। ओही घड़ी कोई यीशु से उनकर बेमार होवे के बारे में कहलन31यीशु उनका भीर गेलन, आउर उनकर हाथ धर के उठे में उनकर मदत करलन। ऊ तुरन्त बुखार से निमन हो गेलन आउर ऊ लोग के सेवा करे लगलन।32ओही दिन साँझ के, सूरज डूबला के बाद, अगल-बगल के जगह के लोग यीशु भीर दोसरा केतना लोग के लेके अईलन जे बेमार आउर दुष्टात्मावन के वश में हलन।33अईसन लगऽ हल कि मानऽ ऊ नगर में रहे वाला सभे लोग शमौन के घर के दुआरी पर जमा हो गेलन हे।34जौन तरह-तरह के रोगवन से बेमार हलन ओखनी के यीशु चंगा करलन। ऊ बड़ी दुष्टात्मा के भी लोगवन में से निकल जायला मजबूर करलन। ऊ दुष्टात्मा के उनका बारे में लोग के बतावे नऽ देलन, काहेकि ऊ जानऽ हलऽ कि ऊ परमेश्वर तरफ से आयेल पवित्र जन हथन।35दोसरा दिन भोर में जौन घड़ी अंधार हल यीशु उठलन। ऊ घर से निकस के कफरनहूम नगर के दोसरा एगो अईसन जगह में चल गेलन, जहाँ लोग नऽ हलन। तऽ ऊ प्रार्थना करलन।36शमौन आउर उनकर साथियन उनका खोजे लगलन।37जब ऊ उनका मिल गेलन तऽ ओखनी कहलन, “नगर के सभे लोग तोरा खोज रहलन हे।”38यीशु उनका से कहलन, “हमरा ई प्रदेश के दोसरा नगर में जाय के जरुरत हे ताकि हम ऊहाँ भी प्रचार कर सकम। हम ईहाँ एही चलते अईली हे।”39येहिगुने ऊ समूचे गलील प्रदेश में गेलन। तऽ यीशु यहूदियन के आराधनालय में प्रचार करऽ हलन आउर दुष्टात्मा के लोग में से बाहरी निकले ला लागी मजबूर करऽ हलन।40एक दिन एगो आदमी यीशु भीर अईलन जेकरा कोढ़ नाम के एगो बुरा चर्मरोग हलऽ। ऊ यीशु के सामने ठेहुनियाँ मार के आउर ई कह के गिड़गिड़ाय लगलन, “कृपा कर के हमरा शुद्ध करऽ, काहेकि जदि तोर मरजी होत तऽ तूँ हमरा ठीक कर सकऽ हऽ!”41यीशु के ओकरा पर तरस आयेल। ऊ अपन हाथ बढ़ा के ऊ आदमी के छूलन। फिन ऊ उनका से कहलन, “हमर ई इच्छा हे कि तोरा चंगा करूँ, येही से शुद्ध हो जा!”42तुरन्त ऊ अादमी शुद्ध हो गेल! अब ऊ कोढ़ी नऽ रहल!43जब यीशु ऊ आदमी के विदा कर रहलन हल तऽ ऊ उनका ई कह के चितौनी देलन,44“जे कुछ अखनी होल हे ऊ कोई से मत कहिहऽ। बाकि, याजक भीर जा के खुद के देखावऽ ताकि ऊ तोरा जाँच कर के देखतन कि अब तोरा कोढ़ नऽ हे। तऽ ऊ दान दे के जेकरा देवे के आज्ञा मूसा ऊ लोग के देलन हे जिनका परमेश्वर कोढ़ से चंगा करलन हे। ई समाज लागी गवाही होत कि अब तोरा कोढ़ नऽ हे।” 45ऊ आदमी यीशु के बात के नऽ मानलन। ऊ बड़ी लोग के एकर बारे में प्रचार लगलन कि कईसे यीशु ऊ आदमी के चंगा करलन। जेकर नतीजा, यीशु फिन सार्वजनिक रूप से नगर में जा नऽ सकलन, काहेकि लोग के भीड़ उनका घेरले हल। बाकि, ऊ नगर के बाहरे अईसन जगह में रहलन जहाँ कोई नऽ रहऽ हल। बाकि ऊ सभे प्रदेश से लोग उनका भीर अईते रहलन।
Bridge Connectivity Solutions Pvt. Ltd.