Luke13
1ऊ घड़ी, कुछ लोग जौन ऊहाँ भीड़ में हलन यीशु के एकरा बारे में बतईलन जौन कुछ गलील वासियन के साथ घटित हाेल हल। रोमी राजपाल, पिलातुस सिपाहियन के ऊ गलील वासियन के हत्या कर देवे लागी आदेश दे देलक हल जौन घड़ी ओखनी यरूशलेम के भवन में बलिदान चढ़ा रहलन हल।2यीशु ओखनी से पूछलन, “का तोहनी सोच हऽ कि अईसन ऊ गलील में रहेवालन के साथे येहिगुने घटना होल हल काहेकि ओखनी बाकि सभे गलील वासियन से जादे पापी हलन?3हम तोरा विश्वास दिलावऽ ही कि, कारण ई नऽ हल! एकर बदले, जदि तोहनी अपन पापी स्वभाव से पछतावा नऽ करवऽ तऽ परमेश्वर तोहनी सभे के भी ओईसहीं सजा देतन।4चाहे ऊ 18 लोगवन के बारे का, जौन तखनी मर गेलन हल जखनी ओखनी पर शीलोह के बगल में गुम्मट गिर गेल हल? का तोहनी विचार करऽ हऽ कि ओखनी साथे अईसन ई वजह से होल काहेकि ओखनी यरूशलेम में रहेवालन बाकि सभे से जादे पापी हलन?5हम तोहनी सभे के विश्वास दिलावऽ ही, कि कारण ई नऽ हलऽ! बाकि एकर बदले, तोरा ई समझे के जरुरत हे कि जदि तोहनी अपन पापी स्वभाव से पछतावा नऽ करवऽ तऽ परमेश्वर तोहनी सभे के ओईसहीं सजा देतन।”6“फिन एक दिन यीशु ओखनी के ई दृष्टान्त बतईलन: कोई आदमी अपन अंगूर के बगईचा में एगो अंजीर के पेड़ लगईलन। हर साल ऊ अंजीर लेवे लागी अईलन बाकि हमेशा ही ओकरा में कुछ नऽ पईलन। 7तऽ ऊ माली से कहलन, ई पेड़ के देखऽ! हम पिछलका तीन साल से हर साल अंजीर के पेड़ में फल के खोज रहली हे, बाकि एकरा में कोई अंजीर नऽ पईली। एकरा काट दऽ! ई खाली बेकार में से मट्टी से पोषक तत्व के खींच रहल हे!8बाकि माली चिकरके कहलन, हे स्वामी एकरा ईहाँ एक साल लागी आउर छोड़ दऽ। हम ओकर चारो तरफ खोद के खाद डाल देम।9जदि एकरा में अगला साल ला अंजीर फरतक, तऽ हमनी एकरा बढ़ते रहे दे सकली हे! बाकि ऊ समय ला एकरा में कोई फल नऽ आवऽ हे, तऽ तूँ एकरा काट सकलऽ हे।”10यहूदियन के एगो सब्त के दिन में, यीशु एगो आराधनालय में लोगवन के शिक्षा दे रहलन हल।11ऊहाँ एगो औरत हल जेकरा एगो दुष्टात्मा 18 साल से कूबड़ी कईले हल। ऊ हमेशा झुकले रहऽ हल। आउर ऊ सोझा खड़ा नऽ हो सकल हल।12जखनी यीशु ओकरा देखलन, तऽ ऊ ओकरा अपना भीर बोलईलन। ऊ ओकरा से कहलन, “हे बहिन, हम तोरा ई रोग से चंगा कर देली हे!”13ऊ अपन हाथ के ओकरा पर धर देलन। ऊ तुरन्त सोझा खड़ा हो गेल आउर परमेश्वर के महिमा करे लगल!14बाकि आराधनालय के सरदार गोस्सा गेलन काहेकि यीशु ओकरा यहूदियन के सब्त के दिन पर ठीक करलन हल। येहिगुने ऊ लोग से कहलन, “कुल सप्ताह में छौ दिन अईसन होवऽ हे जेकरा में लोगवन के काम करे लागी हमनी के व्यवस्था इजाजत दे हे। जदि तोहनी के चंगाई के जरुरत हे तऽ तोहनी के चंगा होवे ला केकरो आराधनालय में आवेला ऊ दिन हे। हमनी के सब्त के दिन में मत आवऽ!” 15तऽ प्रभु ओकरा से पूछलन, “तूँ आउर तोर साथी धार्मिक अगुवा पाखण्डी हथन! तोहनी में से सभे कखनियो, कखनियो सब्त के दिन में भी काम करऽ हऽ! उदाहरण लागी तूँ अपन बैल चाहे गदहा के पशुशाला से अईसन जगह पर ले जाय ला खोलऽ हऽ जहाँ ऊ पानी पी सकल हे।16ई औरत एगो यहूदी हे, आउर अब्राहम के खानदान के हे! बाकि शैतान ओकरा 18 साल से कूबड़ी बना के धईले हल, जईसे कि ऊ ओकरा बाँध देलक हे! जरुर तूँ सहमत होवऽ कि ई सही हे कि हम ओकरा ई कमजोर करे वाला बेमार से ठीक कर देम, भले ही हम एकरा सब्त के दिन करम!” 17ओकर अईसन कहला के बाद, ओकर दुश्मन खुदे लजा गेलन। बाकि ऊ सभे लोग ऊ महिमा के काम से खुश हलन जौन ऊ कर रहलन हल।18फिन ऊ कहलन, हम ई समझावे ला चाहऽ ही कि जखनी राजा के रूप में परमेश्वर राज करऽ हथन तऽ ई केकरा जईसन होत। हम तोरा ई समझे लागी एगो चिन्हासी देम।19ई एगो जरीगो राई के दाना के जईसन हे जेकरा एगो आदमी खेत में बुन देलक। ऊ पेड़ जईसन बड़ा होवे तक बढ़े लगल। ऊ एतबड़गो हो गेल कि आसमान के पक्षियन ओकर डाली में खोंता बना लेलक। 20ओकर बाद ऊ फिनो कहलन, हम तोरा एगो आउर राह बतायेम कि जखनी परमेश्वर राज करतन तऽ ई केकरा जईसन होत।21ई ऊ जरीसुन खमीर के जईसन हे जौन कोई औरत लगभग 3 किलोग्राम आटा में मिला देलक। ऊ जरीसुन खमीर समूचे आटा के फुला देलक।22यीशु यरूशलेम के तरफ जाय के यात्रा के चालू रखलन। ऊ राह के सभे नगर आउर गाँव सभे में रुकलन आउर लोगवन के सिखईलन।23कोई उनका से पूछलन, “हे प्रभु, का परमेश्वर जरीसुन आदमियन के बचईतन?” यीशु जवाब देलन जेकरा ऊहाँ पर मौजूद सभे लोग सुन सकतन,24“तोरा दुआरी से घूँसे ला कड़ा कोशिश करे के जरुरत हे, काहेकि ई बड़ी मुश्किल हे। हम तोरा से कहऽ ही कि बड़ी लोग भीतरे जाय लागी कोशिश करतन, बाकि ओखनी अईसन करे में सक्षम नऽ होतन।25घर के मालिक के उठ के दुआरी बंद कर देला के बाद, तोहनी बाहरहीं खड़ा रहवऽ आउर केमाड़ी खटखटईवऽ। आउर तोहनी मालिक से विनती करवऽ आउर उनका से कहवऽ कि, हे प्रभु, हमनी लागी केमाड़ी खोल दऽ! बाकि ऊ जवाब दे के कहतन, नऽ, हम ओकरा नऽ खोलम, काहेकि हम तोरा नऽ जानऽ ही, आउर हम नऽ जानऽ ही कि तूँ कहाँ के रहे वाला हऽ!26तखनी तूँ कहवऽ, तूँ जरुर भूला गेलऽ होत कि हम तोरा साथे भोजन करली हलऽ, आउर तूँ हमनी के नगर के सड़क पर हमनी के उपदेश देलऽ हलऽ!27बाकि ऊ कहतन, हम तोरा फिनो से कहऽ ही, हम नऽ जानऽ ही कि तूँ कहाँ के रहे वाला हऽ। तोहनी सभे अन्यायपूर्ण आदमी हऽ! ईहाँ से चल जा!” 28तऽ यीशु ई कहेला चालू रखलन “तोहनी अब्राहम आउर इसहाक आउर याकूब के एक दूरी पर से देखवऽ। सभे भविष्यद्वक्ता जौन ढेर पहिले जिन्दा हलन, ओही ऊहाँ पर होतन जहाँ परमेश्वर राजा के जईसन शासन करतन। बाकि तोहनी रोते आउर दुःख में अपन दाँत पिसते बाहरहीं रहवऽ!29बाकि भीतरे दुनियाँ भर के सभे जगह के लोग होतन, जेकरा में ढेर गैरयहूदी लोग भी शामिल होतन। ओखनी सभे ऊहाँ एक साथे जलसा करतन जहाँ राजा के रूप में परमेश्वर सभे कुछ पर राज करऽ हथन। 30एकरा पर विचार कर: कुछ लोग जौन ई घड़ी सभे से कम खास महत्वपूर्ण हे, ऊ तखनी सभे से जादे जरुरी होतन, आउर दोसर जौन ई घड़ी खास लगऽ हे, ऊ तखनी छोटगर सभे से जरुरी होतन।”31ओही दिन, कुछ फरीसियन आके यीशु से कहलन, “ई जगह से चल जा, काहेकि राजा हेरोदेस अन्तिपास तोरा मार देवे ला चाहऽ हथन!”32ऊ ओखनी के जबाब देलन, जा आउर चलाक आदमी से कह दऽ कि, जौन सोचऽ हे कि ऊ हमरा चोट पहुँचा सकल हे बाकि जौन सच में नऽ कर सकल हे, ई समाचार हमरा तरफ से हे: सुनऽ! हम अखनी दुष्टात्मा के निकास रहली हे आउर चमत्कार के कर रहली हे, आउर थोड़ा समय ला अईसहीं करते रहम। ओकर बाद, हम अपन काम के खतम कर देम।33बाकि हमरा आवे वाला दिन में यरूशलेम के अपन यात्रा के भी चालू रखे ला हे, काहेकि यहूदी अगुवन हमेशा अईसन काम करलन हे यरूशलेम के बराबरी में कोई दोसर जगह पर कोई भविष्यद्वक्ता के मार देवे ला सही नऽ हे।34हे यरूशलेम के लोगवन! तोहनी ऊ भविष्यद्वक्तावन के मार देलऽ जौन ढेर पहिले जिन्दा हलन। फिन तोहनी ओखनी के मार देलऽ हल जेकरा परमेश्वर तोहनी भीर भेजलन। तोहनी ओखनी पर पत्थर बिग के उनका मार देलऽ। जईसे मुर्गी अपन बच्चा के अपन पंख के तरे जमा करऽ हे, ओईसहीं हम केतना दफा तोहनी के सुरक्षा करे लागी तोहनी के जमा करे ला चाहली हे। बाकि तोहनी नऽ चाहलऽ कि हम अईसन करूँ।35अखनी देखऽ! हे यरूशलेम के लोग, परमेश्वर अखनी तोहनी के रक्षा नऽ करतन। हम तोरा से ई कहम: हम खाली एक बार फिन तोहनी के नगर में जायेम। ओकर बाद, जब तक हम लौट के नऽ आयेम, तब तक तूँ हमरा नऽ देखवऽ, आउर तब तूँ हमरा बारे में कहवऽ, प्रभु ई आदमी के आशीष देतन जौन प्रभु के अधिकार के साथ आराधनालय में आवऽ हथन!
Bridge Connectivity Solutions Pvt. Ltd.