Leviticus12
1यहोवा मूसा से कहलन,2इस्राएल के लोग से कहऽ, यदि कोई औरत गर्भवती होके एगो बेटा के जन्म देत, तऽ ऊ मासिक धर्म के दिन लागी जईसे अशुद्ध रहऽ हे, ओईसहीं सात दिन ला अशुद्ध रहत।3बच्चा के जनम के आठवाँ दिन ऊ बुतरु लड़का के खलड़ी के खतना करे के चाही। 4ओकर बाध ओकर माय के खून से शुद्धि तैंतीस दिन आउर जारी रहत। जब ला ओकरा शुद्ध होवे के दिन पूरा नऽ हो जाय, तब ला ओकरा कोई भी पवित्र सामान के छुये के नऽ चाही, चाहे ओकरा तम्बू के इलाका में नऽ आवे के चाही।5बाकि जदि ऊ बुतरु लड़की के जन्म देवऽ हे, तऽ ऊ मासिक धर्म के जईसन दु सप्ताह लागी अशुद्ध रहत। फिनो छियासठ दिन तक माय के शुद्धिकरण होते रहत।6जखनी उनकर शुद्धिकरण के दिन पूरा हो जाय, तऽ चाहे ओकर बेटा रहे चाहे बेटी लागी, ऊ होमबलि के रूप मे एगो एक वर्ष के मेम्ना, आउर पापबलि करे लागी एगो कबूतर चाहे कबूतरी के बच्चा, याजक भीर मिलापवाला तम्बू के द्वार पर ले अईतन। 7तऽ ऊ ओकरा यहोवा के सामने चढ़ा के ओकरा लागी पछतावा करत, आउर ऊ अपन खून के बहे से शुद्ध कईल जईतन। ई ऊ औरत के लागी कानून हे बेटा चाहे बेटी बच्चवन के जनम देवऽ हे।8यदि ऊ भेड़ के बच्चा देवे के लायक हे, तऽ ओकरा दुगो कबूतर चाहे कबूतरी के दुगो बच्चा लेवे, एगो के होमबलि के रूप मे, आउर दोसरका के पापबलि के रूप में चढ़ावे आउर याजक ओकरा लागी पछतावा करतन, तऽ ऊ शुद्ध हो जईतन।
Bridge Connectivity Solutions Pvt. Ltd.