Joshua24
1तऽ यहोशू इस्राएल के सभे गोत्र के शेकेम शहर में जमा कईलन, आउर इस्राएल के पुरनियन, आउर ओखनी के प्रधान, आउर न्यायी, आउर ओखनी के अधिकारी के बोला के परमेश्वर के सामने खड़ा कईलन।2यहोशू सभे लोग से कहलन, इस्राएल के परमेश्वर यहोवा ई कहऽ हथन, कि पुरनका जमाना में तोहनी के पुरखा महानद के पार रहऽ हलन, मतलब कि अब्राहम के पिता तेरह आउर नाहोर के पिता, दोसरा देवता के उपासना करऽ हलन। 3बाकि हम तोर पिता अब्राहम के महानद के पार ले आके सभे कनान देश में ले अईली, आउर उनकर काम के आगे बढ़ा के इसहाक के दे देली।4तऽ हम इसहाक से याकूब आउर एसाव के देली। हम सेईर के पहाड़ी देश में एसाव के ओकर अधिकारी होवे लागी देली, बाकि याकूब आउर ओकर बेटवन मिस्र चल गेलन।5तऽ हम मूसा आउर हारून के भेजली हे, आउर जे कुछ ओखनी के बीच में कईली हे, ओकर अनुसार मिस्रियन के मारली, ओकर बाद तोहनी के मिस्र से बाहर निकाल लईली।6हम तोर पुरखा के मिस्र से बाहर लईली आउर तूँ लाल समुद्र के पास अईलऽ। मिस्र में तोहनी के पुरखा के रथ के सवार के साथ लेके लाल सागर ला पीछा कईलन।7तऽ तोहनी के पुरखा यहोवा के दोहाई देलन, आउर ऊ तोहनी के बीच आउर मिस्री लोग के बीच में अंधार कर देलन। ऊ समुद्र के पानी ओखनी के उपर ले अईलन आउर ऊ ओखनी के ढक देलक तोहनी अपन आँख से देख लऽ हे कि यहोवा मिस्र के साथे कौची कईलन। तखनी तोहनी बहुत दिन ला जंगल में रहलऽ।8हम तोहनी के एमोररियन के देश में ले अईली, जे यरदन नदी के पुरुब के किनारे ऊ पार हल। ऊ तोहनी से लड़लन, आउर हम ओखनी के तोहनी के हाथ में कर देली, आउर तोहनी ओकर देश के अधिकार हो गेलऽ, आउर हम तोहनी के सामने से ओखनी के नाश कर देली हे।9तऽ मोआब के राजा सिप्पोर के बेटा बालाक उठलन आउर इस्राएल से लड़े लगलन। ऊ तोहनी के शाप देवे लागी बोर के बेटा बिलाम के बुला भेजलन। 10बाकि हम बिलाम के सुने लागी नऽ चाहली हल, येहिगुने ऊ तोहनी के आशीर्वाद देते रहलन, आउर हम तोहनी के ओकर हाथ से छुड़ईली हे।11तऽ तोहनी यरदन नदी पार कर के यरीहो शहर अईलऽ, आउर यरीहो के लोग, आउर एमोरी, परिज्जी, कनानी, हित्ती, गिर्गाशी, हिब्बी, आउर यबूसी तोहनी से युद्ध कईलन, बाकि हम ओखनी के तोहनी के हाथ में कर देली।12हम ऊ बर्रों के तोहनी के आगे आगे भेजली हे, आउर ऊ ओखनी के तोहनी के सामने से मतलब कि एमोरियन के दूगो राजा के नऽ तोहनी के तलवार से आउर न तोहनी के धनुष से निकाल देलन। 13हम तोहनी के ऊ देश देली हे, जेकरा लागी तोहनी मेहनत नऽ कईलऽ हे आउर अईसन नगर के भी देली हे जेकरा तूँ नऽ बनईलऽ हे, बाकि तोहनी ओकरा में रह रहलऽ हे। तूँ दाख के बारी आउर जैतून के पेड़ से खा रहल हे जे तोहनी नऽ लगईलऽ हल।14अखनी यहोवा के डर मान के पूरा खराई से आउर सचाई से सेवा करऽ; आउर जे देवता के पूजा तोहनी के पुरखन महानद के पार आउर मिस्र में कईलन हल ओखनी के दूर कर के यहोवा के उपासना करऽ।15बाकि जदि यहोवा के सेवा करे लागी तोहनी के नजर में बुरा हे, तऽ आज के दिन चुन लऽ कि तोहनी केकर उपासना करबऽ, का ऊ देवता के, जे तोहनी के पूरखन महानद के पार के देवता के पूजा कईलन हल, चाहे एमोरियन के देवता के, जेकर देश में तोहनी रहऽ हऽ। बाकि हम आउर हमर घरबईया लोग के साथ यहोवा के ही उपासना करम।16लोग जवाब देलन आउर कहलन ई हमनी से दूर रहत कि हमनी यहोवा के छोड़ के दोसर देवता के उपासना करम।17काहेकि हमनी के परमेश्वर यहोवा ही हथन, जे हमनी के आउर हमनी के पुरखन के दासत्व के घर मतलब कि मिस्र देश से निकाल ले अईलन हे, आउर जे बड़का-बड़का चिन्ह देखईलन, आउर ऊ सभे देश के बीच में जेकरा से होके ओखनी के बीच से चलली हल, हमनी के रक्षा करते रहल।18तऽ यहोवा हमनी के सामने ऊ देश में रहे वाला एमोरियन साथे सब जातियन के निकाल देलन। एहिसे हमनी भी यहोवा के सेवा करम, काहेकि ओही हमनी के परमेश्वर हथन। 19बाकि यहोशू लोग से कहलन, तूँ यहोवा के सेवा नऽ कर सकबऽ, काहेकि ऊ पवित्र परमेश्वर हथन; ऊ एगो जलन रखे वाला परमेश्वर हथन; ऊ तोहनी के पाप आउर अपराध नऽ क्षमा करतन।20जदि तोहनी यहोवा के तरफ से मुड़ के दोसर देवता के उपासना करबऽ, तऽ ऊ तोहनी के भलाई करे के बदले तोहनी के बुराई करत, आउर तोहनी के खतम भी कर देत।21बाकि लोग यहोशू से कहलन, हमनी यहोवा के सेवा करम।22तऽ यहोशू लोग से कहलन, तोहनी अपन ही खिलाफ गवाह हऽ कि तोहनी यहोवा के अपना लागी चुन लेलऽ हे कि उनकर सेवा टहल करऽ। ओखनी कहलन, "हाँ, हमनी गवाह ही।23येहिगुने अखनी जे दोसर देवता तोहनी के बीच में रहऽ हे ओकरा दूर हटा दऽ, आउर अपन मन इस्राएल के परमेश्वर यहोवा के तरफ लगावऽ। 24लोग यहोशू से कहलन, हमनी अपन परमेश्वर यहोवा ही के सेवा करम, आउर उनकर ही सुनम।25तऽ यहोशू ओही दिनमा ओखनी से वाचा बांधलन, आउर ओखनी लागी शकेम में नियम आउर विधि ठहरइलन।26यहोशू ई सभे वचन के परमेश्वर के व्यवस्था के किताब में लिख देलन हल। तऽ ऊ एगो बड़का पत्थर लेके बांज के पेड़ के नीचे खड़ा कर देलन जे यहोवा के पवित्रस्थान के निकट हल।27यहोशू सभे लोग से कहलन, सुनऽ, ई पत्थर हमनी के खिलाफ गवाही के निसानी होत, काहेकि यहोवा जे वचन हमरा से कहलन हल, ई सभे ओखनी सुनलन हे। अईसन ही तोहनी के खिलाफ गवाही होत, कहीं अईसन नऽ होवे कि तोहनी अपन परमेश्वर के इनकार कर दऽ।28तऽ यहोशू प्रजा के अपन-अपन निज भाग में भेज देलन।29ई बतियन के बाद यहोवा के दास नून के बेटा यहोशू एक सौ साल के होके मर गेलन।30ओखनी उनकर अपन सीमा के भीतर तिम्नतसेरह में मिट्टी देलन, जे गाश पर्वत के उत्तर में एप्रैम के पहाड़ी देश में हे।31यहोशू जिनगी भर इस्राएलियन के यहोवा के ही उपासना करते रहलन, आउर पुरनियन के, जीवन भर जे यहोशू के बाद ढेर दिन जिन्दा हल इस्राएली लोग यहोवा के सेवा करते रहलन। 32युसूफ के हड्डी जेकरा इस्राएल के बेटा लोग मिस्र से लेके अईलन हल, ओखनी ओकरा शकेम के ऊ जमीन में मिट्टी देलन, जेकरा याकूब शकेम के पिता हमोर के बेटवन के चाँदी के सौ टुकड़ा में खरीदलन हल, आउर युसूफ के बेटवन जे निज भाग हो गेलन। 33तऽ हारून के बेटा एलीआजर मर गेलन। आउर ओकरा उनकर बेटा पीनहास के गीबा शहर एप्रैम के पहाड़ी देश में मिट्टी देलन, जे ओखनी के एप्रैम के पहाड़ी देश में देवल गेल हल।
Bridge Connectivity Solutions Pvt. Ltd.