Joshua13
1यहोशू बड़ी बूढ़ा हो गेलन हल, जखनी यहोवा ओकरा से कहलन, तूँ बड़ी बूढ़ा आउर बड़ी उमर के हो गेल हे, बाकि अखनी भी बड़ी सा देश कब्जा में लेवे लागी बाकी हे।2ई ऊ देश हे जे कब्जा से बचल हे पलिश्तियन के सभे के इलाका, आउर गशूरियन के सभे गाँव;3शीहोर से लेके, जे मिस्र के पूर्व में हे, आउर उत्तर में एक्रोन के सीमा ला एकरा कनानी मानल जा हे पलिश्तियन के पांचो सरदार मतलब कि गाजा, अश्दोद, अश्कलोन, गत आउर, एक्रोन, आउर अव्वी,4दक्षिण में; कनानियन के सभे देश, मतलब कि अराह से लेके सीदोन ला, अपेक ला आउर एमोरियन के सिवाना ला;5गबालियन के देश, आउर पूरब के तरप सभे लबानोन, बालगाद से लेके हेम्रोन पर्वत के नीचे लबानोन हमात ला।6लबानोन से लेके मिस्रपोतमैम ला पहाड़ी देश के सभे निवासी आउर सीदोन के सभे निवासी अपने ही इस्राएलियन के सामने से निकाल देम। एकरा इस्राएल के विरासत चिट्ठी डाल के जरुर बाँट दिहऽ जईसन कि हम तोहनी के आज्ञा देली हे।7येहिगुने अखनी ई देश के नौ गो गोत्र आउर मनश्शे के आधा गोत्र के भाग होवे लागी बाँट दिहऽ।8रुबेनियन आउर गादियन समेत आधा गोत्र के ओखनी के ऊ भाग मिलल जे मूसा ओखनी के यरदन पार पूर्व के दने देलन हल, जईसे यहोवा के दास मूसा ओखनी के आज्ञा देलन हल:9अरोएर से, जे अर्नोन नदी घाटी के किनारे पर हे ऊ शहर सहित जे घाटी के बीच में हे, आउर मेदबा के सभे पठार जहाँ दीबोन हे;10एमोरियन के राजा सीहोन के सब नगर, जे हेशबोन शहर में राज्य करऽ हलन, अम्मोनियन के सिवाना ला;11आउर गिलाद, आउर गशूरियन आउर माकातियन के इलाका, आउर हेम्रोन पहाड़, आउर सल्का सब बाशान;12बाशान में ओग के सभे राज्य, जे अश्तारोत आउर एद्रेई में राज्य करऽ हलन ऊ रपाईम के बचल में से रह गेलन हल, मूसा ओखनी के मारलन आउर निकाल देलन।13बाकि इस्राएली लोग नऽ तऽ गशूरियन के आउर नऽ माकातियन के निकाललन, अईसे कर के गशूरी आउर माकाती लोग आज ला इस्राएल के बीच रहऽ हे।14खाली लेवी के गोत्र के ऊ भाग नऽ देलन। जे भेंट इस्राएल के परमेश्वर यहोवा लागी आग में जला के चढावल जा हे, ऊ ओखनी के भाग हे, जईसन ऊ ओखनी से कहलन हल।15मूसा रुबेन के गोत्र के ओखनी के कुल के अनुसार भाग दीया।16ओखनी के इलाका अरोएर से हल, जे अर्नोन नदी तट के किनारे पर हे, आउर शहर जे घाटी के बीच में हे, आउर मेदबा शहर के पास के सभे पठार,17हेश्बोन आउर ओकर सभे नगर जे पठार हे, दीबोन, बामोतबाल, आउर बेतबाल्मोन,18आउर यहस, कदेमोत, मेपात,19आउर किर्यातैम, सिबमा, आउर तराई के पहाड़ी पर शेरेत शहर,20आउर बेतपोर, आउर पिसगा के तराई, आउर बेत्यशीमोत,21आउर पठार के सब नगर, आउर एमोरियन के राजा सीहोन के सभे राज्य, जे हेशबोन में राज्य करऽ हलन, जेकरा मूसा मिद्यानी लोग, एवी, रेकेम, आउर सूर, हूर, आउर रेबा नामके प्रमुख के एक साथ मिल के हरईलन हल, जे देश में रहऽ हलन।22आउर इस्राएल के सन्तान मारल गेल लोग के जौरे बोर के बेटा भविष्यवक्ता बिलाम के भी तलवार से मार देलन।23रुबेनियन के सिवाना यरदन नदी तक रहल। रुबेनियन के बेटवन के कुल के मुताबिक ओखनी के नगर आउर गाँव के मुताबिक ओखनी के अपन भाग सिवाना ईहे हे।24मूसा गाद के गोत्र के, गाद के बेटवन के ओखनी के कुल के अनुसार देलन;25ओखनी के देश याजेर हल, आउर गिलाद के सभे नगर, आउर अम्मोनियन के आधा देश, अरोएर ला, जे रब्बा शहर के पूरब में हे,26आउर हेशबोन से रामात, मिस्पा आउर बेतोनीम ला, आउर महनैम से दबीर के सिवाने ला,27आउर तराई में बेथारम, बेतनिम्रा, सुक्कोत, सापोन, आउर हेशबोन के राजा सीहोन के राज्य आउर यरदन नदी के सिवाना होके किन्नेरेत नाम समुद्र के छोर ला पूरब के तरप, यर्दन के पार पूरब के।28गाद के बेटवन के विरासत हल, ओखनी के कुल के अनुसार ओखनी के शहर आउर ओखनी के गाँव।29मूसा मनश्शे जनजाति के आधा गोत्र के देलन, आउर मनश्शे के बेटवन के आधा गोत्र के ओखनी के कुल के अनुसार देलन;30ओखनी के देश महनैम शहर, सभे बासान, बासान के राजा ओग के सभे राज्य आउर याईर के सभे नगर, जे बाशान में हे, साठगो नगर हल;31आउर गिलाद आउर अश्तोरेत, आउर एद्रेई बाशान में ओग के राजनगर के आधा हिस्सा मनश्शे के बेटा माकीर के बेटवन के लागी हल ओखनी के कुल के अनुसार माकिर के आधा बेटवन लागी।32मूसा एखनी के मोआब के मैदान में विरासत के रूप में बाँट देलन, जे यरीहो के पूरब में यरदन से पार हल।33बाकि मूसा लेवी परिवार के समूह के विरासत में नऽ देलन। इस्राएल के परमेश्वर यहोवा ओखनी के निज भाग हे, जईसे कि ऊ ओखनी से कहलन हल।
Bridge Connectivity Solutions Pvt. Ltd.