Jonah4
1योना लागी ई बड़ी दुःख के बात हल कि परमेश्वर नीनवे के नाश नऽ करलन परमेश्वर के मन के ई बदलाव से योना बड़ी नाखुश हलन।2ऊ यहोवा से प्रार्थना करलन, “हे यहोवा, ई पूरा-पूरा ओईसहीं हे जे हम कहली, हल, एकरा से पहिले हम घर छोरली। हम जानऽ ही तूँ ऊ परमेश्वर हऽ, जे बड़ी दयावान आउर करुना से सभे लोगवन से वर्ताव करऽ हथन।” तूँ बुराई करे वालन पर जल्दी से गोस्सा नऽ होवऽ हऽ। तूँ जल्दी ऊ लोगवन से क्रोधित नऽ होवऽ हऽ जे बुरा तरह से काम कर हे। तूँ लोगवन के बड़ी जादे प्रेम कर हऽ। आउर तूँ लोगवन के सजा देवे के बदले कृपालु होवे ला जादे पसन्द करऽ हऽ। कारण जे कि हम तर्शीश भागली एही बात के होवे से रोके ला हल, काहेकि हम चाहऽ ही कि तूँ नीनवे के दंड दऽ।3तऽ अखनी, हे यहोवा, जदि अपने नीनवे के नाश नऽ कर हथन तऽ कृपा कर के हमरा मार देतन, काहेकि हम जिन्दा रहे के बदले मरे ला पसन्द करम4यहोवा जबाब देलन, “का तोरा ला गोस्सा होवे ला सही हे कि हम निनवे के नाश नऽ करली?”5योना कोई जबाब नऽ देलन बाकि शहर से बाहरे निकल के कम दूरी पर शहर के पूरब दिशा के तरफ चल गेलन आउर बईठ गेलन। ऊहाँ ऊ अपना ऊपर सूरज के रौदा से छँहुरा करे ला एगो जरिगो कुटिया बनईलन। ऊ कुटिया में रहे लगलन आउर ई देखे ला इंतजार करलन कि शहर के का होवऽ हे।6तऽ फिन यहोवा योना के रौदा से छँहुरा करे ला एगो पेड़ के तुरन्त उपजईलन। यहोवा ई योना के चाल व्यवहार के बदले में मदत करे ला अईसन करलन। योना ई पेड़ के पाके बड़ी खुश हलन जौन उनका रौदा से छहूँरा देलक।7तऽ, भोरिये अगला दिन, परमेश्वर ऊ पेड़ के अईसन कतरेला एगो कीड़ा भेजलन। कि ऊ पेड़ मुरझा गेल।8तऽ, सूरज उगला के कुछ देर के बाद ही, परमेश्वर एगो उत्तरंगा हवा चला के लू भेजलन। सूरज के बड़ी रौदा योना के सिर पर लगल, आउर योना मुरझा लगे लगल। ऊ मरे ला चाहऽ हलन, योना परमेश्वर से कहलन, “हमरा ला जिन्दा रहे से मरे ला अच्छा होत!”9तऽ परमेश्वर योना से कहलन, “का ई तोरा ला ई बारे में गोस्सा होवे ला सही हे जे पेड़ के साथे होल?” योना उतर देलन, “हाँ, ई हमर गोस्सा जायज हे! हम एतना गोस्साल ही कि हम मरे ला चाहऽ ही!”10तऽ यहोवा उनका से फिन कहलन, “तोरा खुद तऽ बड़ा बुरा लगल जखनी ऊ पेड़ सूख गेल, बेशक तूँ ओकरा धियान रखे ला कोई मेहनत नऽ करलऽ, नऽ तूँ ओकरा बढ़े लागी कुछ करलऽ। ऊ एक रात में बढ़ गेल, आउर अगले रात खतम होवे ला ऊ पूरा सूख गेल।”11ओही तरह से, बाकि बड़ी जादे, हमरा नीनवे शहर के नाश होवे के बारे में हमरा ई दुःख होवे ला जायज हे। ऊहाँ पर एक लाख बीस हजार से जादे लोगवन रह रहलन हे जे गलती सही नऽ जानऽ हे। ऊहाँ पर कई तरह के जानवर भी हे। हम ऊ सभे के बनईली हल, येहिगुने ई हमरा ओखनी ला फिकिर करना जायज हे।
Bridge Connectivity Solutions Pvt. Ltd.