Genesis6
1जहिया आदमी धरती पर लोग बड़ी बढ़े लगलन, आउर उनकर बहुत बेटियन भी पईदा होल,2तऽ परमेश्वर के बेटवन में से कुछ देखलन कि आदमी के बेटी बड़ी सुन्दर हे। एहिगुने ओखनी जेकरा चाहलन, ओकरा अपन मेहरारू बना लेलन। 3तऽ यहोवा कहलन, “लोगवन के जिन्दा रहे ला हमर साँस ओखनी में हमेशा ला बनल नऽ रहत। ओखनी कमजोर मांस से बनल हे। मरे से पहिले ओखनी एक सौ बीस साल से जादे जिन्दा नऽ रहतन।” 4ऊ दिन में आउर ओकर बाद भी दानव धरती पर हलन। ई तब होल जब परमेश्वर के बेटवन ने आदमियन के बेटियन से वियाह कईलन, आउर ओखनी लईकन जनम होलन। ई सभे पुराना जमाना के तागतवर आदमी हल, ओखनी बहुत पलिले से प्रसिद्ध आदमी हलन।5यहोवा देखलन, कि धरती पर लोग बड़ी बदमास हो गेलन हे, आउर जे कुछ ओखनी अपन मन में सोंचऽ हथन ऊ हमेशा बुरा रहऽ हे। 6यहोवा के अफसोस होल हल कि ऊ धरती पर लोगवन के बनईलन आउर एकरा से ऊ उदास होलन।7एहिगुने यहोवा कहलन, “हम ऊ लोगवन के पूरा खतम कर देम जेकरा हम बनइली हे। हम सभे बड़का जानवरवन आउर धरती के करीब रेंगे वाला जीऊवन आउर चिरईंयन के खतम कर देम। ओखनी में एक्को गो धरती पर नऽ रहतक, काहेकि हमरा दुःख हे कि हम ओखनी के बनइली हे।”8बाकि यहोवा के अनुग्रह के नजर नूह पर बनल रहल।9अईसन घटना घटल: नूह एगो अईसन अादमी हलन जिनकर स्वभाव हमेशा धर्मी आउर निर्दोष हल। ऊ घड़ी रहे वाला कोई अादमी कईसनो बात ला उनकर शिकायत नऽ कर सकलन हल। नूह के परमेश्वर के जौरे गहिरा रिस्ता रहऽ हल।10नूह तीन बेटा के बाप बनलन: शेम हाम आउर येपेत।11परमेश्वर देख सकलन हल कि धरती पर दोसर सभे लोग बड़ी बदमास हथन, आउर धरती पर सभे जगह, लोग एक दोसर के परती निठुरपन आउर अत्याचार से भरल व्यवहार कर रहलन हल।12परमेश्वर सभे पर आँख उठा के देखलन कि लोग केतना गलत हथन, काहेकि धरती पर सभे लोग गलत व्यवहार करे लगलन हल।13तऽ परमेश्वर नूह से कहलन, हम सभे लोग के खतम करेलागी फईसला लेली हे, काहेकि पूरा धरती पर लोग एक दोसर के परती हुड़दंगा मचा रहलन हे। एहिगुने हम ओखनी से आउर जौरे धरती पर बाकि सभे चीजवन से छुटकारा पावे वाला ही।14अपना लागी गोपेर के लकड़ी के एगो बड़का गो नाव बनावऽ। एकर भीतरे घर बनावऽ। एकरा पानी रोकेवाला बनावे लागी बहारसी आउर भीतरे से अलकतरा लगा दऽ। 15तोरा अईसे बनावे के चाही: ई एक सौ अड़तीस मीटर लम्मगर तेईस मीटर चौलगर आउर चौदह मीटर ऊँचा होवे के चाही।16नाव लागी छप्पर बनावऽ। हावा आउर इंजोरा लगेला खिड़की आउर छप्पर के अगल बगल आधा मीटर के जगह छोड़ दऽ। एकर भीतरे तीनगो भाग वाला बनावऽ आउर एक तरप एगो दुआरी लगावऽ। 17गौर से सुनऽ! हम एगो अईसन बाढ़ लाबेवाला ही जे आसमान के तरे रहे वाला सभे चीजवन के खतम कर देत। धरती पर के सभे कुछ मर जायेत।18बाकि हम तोरा जौरे अपन वाचा बाँधम। तूँ आउर तोर मेहरारू, आउर तोर बेटवन आउर पुतोहियन नाइया में जइबऽ।19आउर सभे जिन्दा जीउवन में से दूगो नर आउर दूगो मादा के भी नाइया में अपन जौरे ले अईहऽ, कि ऊ भी जिन्दा रहत।20सभे रगन के जीउवन में से दू दूगो तोरा भीर अईतन, कि तूँ ओकरा जिन्दा रखबऽ। ओकरा में से सभे रगन के चिरईंयन आउर धरती रेंगे वाला आउर सभे रगन के दू दूगो बड़कन जानवरवन आउर सभे किसीम के दू दूगो जीव सामिल होत जे जमीन पर करीब चलऽ हे।21आउर जईसन खाना के तोरा आउर ई सभे जीऊवन के जरुरी हे ओकरा में से कुछ लेके नाव में रखिहऽ।22एहिगुने नूह ऊ सभे कुछ कईलन जौन परमेश्वर उनका करे ला कहलन हल।
Bridge Connectivity Solutions Pvt. Ltd.