Genesis5
1ई ऊ लोगवन के सूची हे जे आदम के कुल खनदान हथन। जखनी परमेश्वर आदमी के बनईलन, तऽ ऊ ओखनी के सभे तरह से अपने जईसन बनईलन। 2ऊ एगो आदमी आउर एगो औरत के बनईलन। ऊ ओखनी के आशीष देलन, आउर जौन दिन ऊ ओखनी के बनईलन, ऊ दिन ऊ ओखनी के अादमी कहलन। 3जहिया आदम 130 बरिस के होलन, तऽ उनका से एगो बेटा होल जे उनकर स्वरुप में हल। उनकर बेटा के नाम ऊ शेत रखलन।4शेत के जनम के बाद आदम आठ सौ साल आउर जिन्दा रहलन, आउर ऊ सभे साल में उनकर आउर भी बेटा बेटी के जनम होल।5आदम सभे मिला के नौ सौ तीस साल ला जिन्दा रहलन, आउर फिन ऊ मर गेलन।6जहिया शेत 105 साल के होलन, तऽ उनका से एनोश के जनम होल।7एनोश के जनम के बाध शेत आठ सौ सात बरिस आउर जिन्दा रहलन, आउर उनकर आउरो बेटा बेटी जनम होल।8आउर शेत सभे मिला के नौ सौ बारह बरिस जिन्दा रहलन, आउर फिन ऊ मर गेलन।9जहिया एनोश नब्बे बरिस के होलन, तऽ उनका से केनान जनम होल।10केनान के जनम के बाद एनोश आठ सौ पंद्रह साल ला आउर जिन्दा रहलन, आउर उनका से आउरो बेटा बेटी के जनम होल।11तऽ एनोश सभे मिला के नौ सौ पाँच साल जिन्दा रहलन, आउर फिन ऊ मर गेलन।12जहिया केनान सत्तर साल के होलन, तऽ उनका से महललेल के जनम होल। 13महललेल के जनम के बाद केनान आठ सौ चालीस साल आउर जिन्दा रहलन, आउर उनकर आउरो बेटा बेटी के जनम होल।14केनान सभे मिला के नौ सौ दस साल जिन्दा रहलन, आउर फिन मर गेलन।15जखनी महललेल पैंसठ साल के होलन, तऽ उनका से येरेद जनम लेलन।16येरेद के जनम के बाद महललेल आठ सौ तीस साल आउर जिन्दा रहलन, आउर उनकर आउरो बेटा बेटी के जनम होल।17महललेल सभे मिला के आठ सौ पंचानवे साल जिन्दा रहलन, आउर फिन ऊ मर गेलन।18जहिया येरेद एक सौ बासठ साल के होलन, तऽ उनका से हनोक के जनम होल।19आउर हनोक के जलम के बाद येरेद आठ सौ साल आउर जिन्दा रहलन, आउर उनकर आउरो बेटा बेटी के जलम होल।20आउर येरेद सभे मिला के नौ सौ बासठ साल जिन्दा रहलन, आउर फिन ऊ मर गेलन।21जहिया हनोक पैंसठ साल के हो गेलन, तऽ उनका से मतूशेलह के जलम होल।22मतूशेलह के जनम के बाध हनोक तीन सौ बरीस ला परमेश्वर के करीब रहलन, आउर उनकर आउर बेटा बेटी के जलम होल।23हनोक तीन सौ पैंसठ साल ला जिन्दा रहलन।24हनोक परमेश्वर के जौरे गहिरा संघत में हलन, आउर एक दिन ऊ लोप हो गेलन, काहेकि परमेश्वर उनका अपने जौरे रहे लागी ले लेलन। 25जखनी मतूशेलह एक सौ सतासी साल के होलन, तऽ उनका से लेमेक के जलम होल।26लेमेक के जलम के बाद मतूशेलह सात सौ बेरासी साल आउर जिन्दा रहलन, आउर उनकर आउर भी बेटा बेटी पईदा लेलक।27आउर मतूशेलह सब मिला के नौ सौ छियासठ साल जिन्दा रहलन, तऽ ऊ मरलन।28जखनी लेमेक एक सौ बेरासी साल के होलन, तऽ ऊ एगो बेटा के बाप होलन,29जेकर नाम ऊ नूह रखलन, काहेकि जईसन ऊ कहलन हल, “ऊ हमनी के ऊ सभे कड़ा मेहनत से छुटकारा देलईतन जे हम धरती पर भोजन पइदा करे ला करते आ रहली हे। जेकरा यहोवा श्राप देलन हल।”30नूह के जलम के बाद लेमेक पाँच सौ पंचानवे बरिस आउर जिन्दा रहलन आउर दोसर बेटा आउर बेटी के बाप बनलन।31आउर लेमेक के जीवन के दिन सब मिला के सात सौ सतहत्तर साल जिन्दा रहलन, ओकर बाद ऊ मर गेलन।32जहिया नूह पाँच सौ बरिस के होलन, तऽ उनकर मेहरारू के जरिये एगो बेटा के जलम होल, जेकरा नाम ऊ शेम रखलन, कुछ बरिस के बाद दूसरा बेटा होल जिनकर नाम हाम, आउर तिसरका के नाम येपेत रखलन।
Bridge Connectivity Solutions Pvt. Ltd.