Genesis30
1राहेल के मालूम होल कि ऊ खुद एकदम गर्भवती नऽ हो पा रहलन हे। येहिगुने ऊ अपन बड़की दीदी लिआ से जले लगलन, काहेकि लिआ चार बेटा के जनम देलन हल ऊ याकूब से कहलन, "हमरा साथे सहवास करऽ, ताकि हम बाल-बच्चा पईदा कर सकम! जदि तूँ अईसन नऽ करबऽ तऽ हम मर जाम!"2याकूब राहेल पर गोस्सा होलन आउर कहलन, हम परमेश्वर नऽ ही! परमेश्वर ही तोरा बाल-बच्चा होवे से रोकले हथन!"3तऽ ऊ कहलन, “ई हमर दासी बिल्हा हे। उनका जौरे रहऽ ताकि ऊ हमर जगह बच्चा पईदा करतन। अईसे हमर कानूनी बच्चा होत।”4तऽ राहेल अपन दासी बिल्हा के दोसरकी मेहरारू होवे लागी उनका दे देलन, आउर याकूब उनका जौरे सूत रहलन।5बिल्हा गर्भवती होलन आउर याकूब से एगो बेटा पईदा होल।6राहेल कहलन, “परमेश्वर हमरा न्याय देलन। जखनी हम उनका से प्रार्थना कईली तऽ ऊ हमर सुन लेलन, आउर उनकर न्याय एही हल, कि हमरा एगो बेटा देतन।” ऊ ओकर नाम दान रखलन जे इब्रानी भाषा जईसन लगऽ हे जेकर माने हे कि “ऊ हमर न्याय करऽ हथन।” 7बाद में राहेल के दासी बिल्हा फिन गर्भवती होलन आउर ऊ याकूब लागी एगो आउर बेटा के जलम देलन।8तऽ राहेल कहलन, “हमर दीदी के जईसन बच्चा पईदा करे ला बड़ी लड़ाई लड़े पड़ल हे, बाकि सच में हमर एगो बेटा हे।” येहिगुने ओकर नाम नप्ताली रखलन, जे इब्रानी भाषा के जईसन लगऽ हे जेकर मतलब हे कि “लड़ाई।” 9जखनी लिआ के पता चलल कि अखनी उनकर कोई बाल-बच्चा नऽ होवत, तऽ ऊ अपन दासी जिल्पा के लेके याकूब के दे देलन, कि ऊ उनकर दोसरकी मेहरारू होतन।10जिल्पा जे लिआ के नौकरानी हल जल्दिये पेट से रहलन आउर ऊ याकूब ला एगो बेटा के जनम देलन।11लिआ कहलन, “हम सच में भाग्यशाली ही!” येहिगुने ऊ ओकर नाम गाद रखलन, जेकर माने हे कि “भाग्यशाली।” 12बाद में लिआ के दासी जिल्पा याकूब ला एगो आउर बेटा के जलम देलन।13लिआ कहलन, “अखनी हम बड़ी खुश ही, आउर लोग हमरा खुशी कहतन।” येहिगुने ऊ ओकर नाम आशेर रखलन, जेकर माने हे कि “खुशी।” 14जौन घड़ी ऊ गेहूँम काट रहलन हल, रूबेन खेत में जा के कुछ दूदाफल देखलन। ऊ ओकरा में से कुछ के अपन माय भीर ले अईलन। बाकि राहेल ओकरा देखलन आउर लिआ से कहलन, "कृपा कर के ऊ पेड़वन में से कुछ हमरा दे दऽ जे तोर बेटा तोरा भीर लइलन हे!" 15बाकि लिआ उनका से कहलन, "नऽ! ई बड़ी बुरा होल कि तूँ हमर मरद के चोरा लेलऽ! अखनी का तूँ हमर बेटा के दूदाफल के पेड़ लेवे ला चाहऽ हऽ?" राहेल कहलन, “ठीक हे, याकूब आज रात के तोरा जौरे रह सकलन हे, जदि तूँ हमरा अपन बेटा के दूदाफल के कुछ पेड़ दे देवऽ तऽ।” येहिगुने लिआ राहेल से राजी हो गेलन।16ऊ साँझ के जखनी याकूब गेहूँ के खेत में से अईलन, तऽ लिआ उनका से भेंट करे ला निकसलन। ऊ कहलन, “तोरा आज रात के हमरा जौरे रहे ला होत, काहेकि हम राहेल के अईसन करे के इजाजत देवे ला दाम देवे ला कुछ दूदाफल के पेड़ देली हल।” येहिगुने याकूब ऊ रात उनका जौरे रहलन।17परमेश्वर लिआ के प्रार्थना सुन लेलन, आउर ऊ पेट से होलन आउर याकूब से पचमा बेटा के जलम देलन।18लिआ कहलन, परमेश्वर हमरा प्रतिफल देलन हे, कि हम अपन दासी के अपन मरद के सौंप के उनकर दोसर मेहरारू बनम। येहिगुने ऊ ओकर नाम इस्साकार रखलन, जे इब्रानी भाषा के जईसन लगऽ हे जेकर माने हे कि “ई नाम।” 19लिआ फिन पेट से रहलन आउर याकूब से छठा बेटा के जलम होल।20लिआ कहलन, "परमेश्वर हमरा एगो अनमोल ई नाम देलन हे। ई बार हमर मरद हमरा इज्जत करतन, काहेकि हम उनका लागी छःगो बेटा पईदा कईली हे। येहिगुने" ऊ ओकर नाम जबूलून रखलन। 21बाद में ऊ एगो बेटी के जलम देलन, आउर ओकर नाम दीना रखलन।22तऽ परमेश्वर सोंचलन कि राहेल का चाहऽ हे। तऽ ऊ उनकर प्रार्थना सुनलन आउर उनकर बंद कोंख के खोल देलन।23ऊ पेट से रहलन आउर ऊ एगो बेटा के जलम देलन। ऊ कहलन, “परमेश्वर हमरा बाल-बच्चा पईदा करे के चलते अखनी आउर लज्जित नऽ होवे देलन हे।”24ऊ ओकर नाम यूसुफ रखलन, जे इब्रानी भाषा जईसन लगऽ हे जेकर माने हे कि, “यहोवा हमरा एगो आउर बेटा देलन हे।” 25कुछ समय बाद राहेल यूसुफ के जलम देलन, तऽ याकूब लाबान से कहलन, “अखनी हमरा तोरा लागी काम करे ला छोड़ देम आउर अपन देश जाय दऽ।26तूँ ऊ काम के जानऽ हऽ जे हम तोरा लागी कईली हे। येहिगुने हम अपन मेहरारु आउर बाल-बच्चा के, जेकरा ला हम तोरा लागी सेवा के काम कईली हे, ले जाम, आउर चल जाम।”27बाकि लाबान उनका से कहलन, “जदि तोर नजर में हमरा अनुग्रह मिलल हे, तऽ तूँ हमरा से खुश हऽ, तऽ हियाँ रहऽ, काहेकि हम अनुभव से जान लेली हे, कि जे कुछ तूँ हमरा लागी कईलऽ हे, ओकरा चलते यहोवा हमरा आशीष देलन हे।28हमरा बतावऽ कि हमरा लागी काम करते रहे के बदले तूँ का चाहऽ हऽ कि हम तोरा दाम देऊं आउर हम तोरा ओही दाम देम।”29याकूब उनका से कहलन, “तूँ जानऽ हऽ कि हम तोरा लागी कईसन सेवा के काम कईली हे, आउर तूँ जानऽ हऽ कि तोर जानवर के जेकर हम देख भाल कईली हे ऊ बड़ी बढ़ गेल हे।30हमरा ईहाँ आवे से पहिले तोरा भीर खाली कुछ ही जानवर हल। बाकि अखनी तोरा भीर बड़ी मनी जानवर हे, आउर जहाँ-जहाँ हम ओकरा ले गेली हे ऊहाँ यहोवा ओकरा आशीष देलन हे आउर बड़ी जनसंख्या में बढ़ा देलन हे। बाकि अखनी हमरा अपन परिवार के जरुरत के धियान रखे ला शुरू करे पड़त।”31लाबान जबाब देलन, “तूँ का चाहऽ हऽ कि हम तोरा देऊं?” याकूब जबाब देलन, हम नऽ चाहऽ ही कि तूँ हमरा कुछ दाम दऽ। बाकि तूँ हमरा लागी ई एगो काम करबऽ तऽ हम तोर भेड़-बकरियन के देख भाल करते रहम आउर ओकर हिफाजत करते रहम।32हमरा आज जा के तोर सभे भेड़-बकरियन के देखे के आज्ञा दऽ, ओकरा में सभे चितकबरी भेड़-बकरियन, आउर सभे करिया रंग के भेड़, आउर सभे चितकबरी बकरियन, के अलगे कर देम हम ओकरा अपना भीर रखे ला चाहऽ ही। ओही हमर मजूरी होत।33अईसे भविष्य में तूँ जान सकवऽ कि तूँ हमरा जे दाम देलऽ हे, ओकरा में हम सच्चा ही कि नऽ। जदि हमर कोई बकरी पर कोई दाग चाहे धब्बा नऽ रहे, आउर जदि कोई भेड़ के रंग करिया नऽ होत, तऽ तूँ जान लिहऽ कि हम ओकरा तोरा से चोरा लेली हे।34लाबान राजी होके कहलन, हाँ, जईसन तूँ कहलऽ हे ओईसहीं हम करम।35बाकि ऊ दिन लाबान सभे बकरियन के, जेकरा पर करिया आउर उज्जर धारीदार चाहे धब्बेदार हल, आउर जेतना बकरियन पर करिया धारी चाहे धब्बा हल, आउर जेतना बकरियन पर कुछ उज्जर धारी हल, आउर जेतना करियन आउर करिया रंग के भेड़ हल, सभे के अलग कर देलन। ऊ ओकरा दोसरा जनावरवन से अलगे कर देलन आउर अपन बेटवन के ओकर मुखिया बना देलन।36तऽ लाबान आउर उनकर बेटवन ऊ जनावरवन के लेलन, आउर जहाँ याकूब हलन ऊहाँ से तीन दिन के यात्रा कईलन। याकूब लाबान के बाकि भेड़-बकरियन के देख भाल करते रहलन। 37तऽ याकूब चिनार, बेदाम, आउर अर्मोन के पेड़वन के कुछ डौउढ़ियन काटलन। ऊ डौउढ़ियन से छाल के पट्टी छिललन। अईसे जहाँ ऊ छाल उतारलन, ऊहाँ डौंऊढ़ी हल्का रंग के हल।38तऽ ऊ छिलल डौउढ़ियन के ऊ नाद में रख देलन जहाँ जनावर सब के पानी पियावल जा हल, ताकि जखनी भेड़-बकरियन पानी पीये तऽ ओकरा देख ले।39आउर जनावर भी डौंढ़ी के सामने भेड़-बकरियन समागम करऽ हल आउर बाद में ओकरा से धब्बा वाला, चाहे चितकबरी, चाहे करिया आउर उज्जर धारी वाला बच्चा पईदा होवऽ हल।40अगला केतना बरस के दौरान, याकूब हमेशा लाबान के झुंड के मादा भेड़वन के दूसरा भेड़वन आउर बकरियन से अलग कर देलन। जखनी ऊ सहवास कईलक, तऽ ऊ ओकरा करिया आउर उज्जर धारी वाला जनावर आउर करिया रंग के जनावर दने देखे लागी कहलन। येहिगुने ऊ अईसन निसान वाला जनावरवन के जलम देलक। तऽ ऊ ई जनावरवन के लाबान के भेड़-बकरियन से अलगे कर के अपना भीर रखतन।41एकर अलावे, जखनी लगातार मादा भेड़-बकरियन सहवास करे लागी तैयार होवऽ हल, तऽ याकूब ऊ छिलल गेल छड़ी में से कुछ के ओकर सामने के नल्ली में रख दे हलन, जेकरा से ऊ छड़ी के सामने सहवास कर सकत।42बाकि जखनी कमजोर जनावर समागम करे लागी तैयार होवऽ हल, तऽ ऊ ओकर नाद में डौउढ़ियन के डाल देलन। येहिगुने ओखनी कमजोर भेड़वन के जनम देलन, जे लाबान के भेड़-बकरी रह गेल, बाकि बरियार भेड़ याकूब के भेड़ बकरी में मिल गेल।43जेकर नतीजा, याकूब बड़ी अमीर हो गेलन। उनका भीर बड़ी बड़का झुण्ड हल। उनका भीर बड़ी मनी दास-दासी, ऊँट आउर गधा भी हल।
Bridge Connectivity Solutions Pvt. Ltd.