Genesis3
1यहोवा परमेश्वर जेतना आउर सभे जंगली जनावर बनईलन हल, ओखनी सभे में साँप धूर्त हल। साँप औरत से कहलक, “का परमेश्वर तोरा से सच कहलन हे कि तूँ बगइचा के कोई भी पेड़ के फल नऽ खईहऽ?” 2औरत सांप के जबाब देलक, “परमेश्वर जे कहलन हे ऊ ई हल कि जे पेड़ बगइचा के बीच में हे ओकर फल नऽ खईहऽ, आउर नऽ ओकरा छूइहऽ। अईसन करवऽ तऽ तूँ मर जइवऽ।3बाकि जौन पेड़ बाटिका के बीच में हे, परमेश्वर कहलन नऽ तऽ तूँ खईहऽ नऽ तऽ तूँ छुईहऽ नऽ तो मर जईवऽ।”4साँप औरत से कहलक, “नऽ, तूँ एकदम नऽ मरवऽ। परमेश्वर अईसन कहलन हेऽ5परमेश्वर खाली येहिगुने अईसन येहिगुने कहलन हे कि ऊ जानऽ हथन कि जखनी तूँ ऊ पेड़ के फल खइबऽ, तऽ तोरा नया-नया बात समझ में आवत। अईसन लगत मानऽ तोर आँख खुल गेल, आउर खुद समझ लेवऽ कि कौची करे ला भला हे आउर कौची करे ला बुरा हे, जौन परमेश्वर कर हथिन।” 6औरत देखलन कि पेड़ के फल खाय में निमन, आउर बड़ी अच्छा भी हे। ऊ एकरा चाहऽ हलन, काहेकि ओकरा लग हल कि ई फल ओकरा बुद्धिमान बना देत। एहिगुने ऊ कुछ फल तोड़लन आउर खा लेलन। तऽ ऊ कुछ अपन मरद के देलन, आउर ऊ भी खईलन।7अचानक अईसन लगल कि उनकर आँख खुल गेल, आउर समझ आ गेल कि हम नंगा ही, आउर ऊ लजा गेलन। येहिगुने ओखनी कुछ अंजीर के पत्ता के तोड़लन आउर ओकरा आपस में एक साथे जोड़-जोड़ के अपना लागी कपड़ा बना लेलन।8ओही दिन दुपहर के बाद, सांझ घड़ी जखनी ठण्डा हवा चल रहल हल, तऽ ओखनी यहोवा परमेश्वर के आवाज सुनलन, जखनी ऊ बगइचा में टहल रहलन हल। तऽ आदमी आउर उनकर मेहरारू बगइचा के पेड़वन में छिप गेलन, कि यहोवा परमेश्वर उनका नऽ देखतन।9तऽ यहोवा परमेश्वर ऊ आदमी के पुकार के उनका से कहलन, तूँ हमरा से काहेला छिपेला चाह रहलऽ हे?10ऊ अादमी जबाब देलन, कि हम बगइचा में अपने के गोड़ के आवाज सुनली, आउर हम नंगा हली, एहिगुने हम डरा गेली आउर तोरा से छिप गेली।11परमेश्वर कहलन, “तोरा कईसे पता चलल कि तूँ नंगा हऽ? अईसन येहिगुने होल होत, काहेकि जौन पेड़ के बारे में हम तोरा से कहली हल, कि ओकर फल नऽ खईहऽ। का तूँ ओकर फल खा लेलऽ?का तूँ एही कईलऽ हे?”12आदम कहलन, अपने ही ई औरत के जे हमरा जौरे रहे ला हमरा देलऽ हे। ओही ऊ पेड़ के फल में से खायला कुछ हमरा देलन, येहिगुने हम ओकरा खइली।13तऽ यहोवा परमेश्वर औरत से कहलन, तूँ अईसन काहे कईलऽ? औरत जबाब देलन, “हम ओकरा येहिगुने खइली काहेकि साँप हमरा बहका देलक हल।”14तऽ यहोवा परमेश्वर साँप से कहलन, “सभे पालतू जानवर आउर जंगली जानवरवन में से जे तूँ ई लोग के धोखा देले हे, एकरा चलते हम तोरा श्राप देम। जेकर नतीजा के रूप में तूँ आउर दोसरा सभे साँप अपन पेटकुनिये जमीन पर सरकते चलमे, आउर एहिगुने जब ला तूँ जिन्दा रहमे आउर जे भी खईमे ओकरा पर तूँ मिट्टी ही लगल रहत।15हम तोरा आउर ई औरत के एक दोसर के दुश्मन बना देम, आउर तोर बाल-बच्चा आउर ई औरत के बाल-बच्चा में एक दोसर के दुश्मन बना देम। तूँ ओकर एड़ी में डँसमें, आउर ऊ तोर मुड़ी के चूर देतन।”16तऽ यहोवा औरत से कहलन, जखनी तूँ बच्चा के जनम देवऽ तऽ “हम तोरा बड़ी वेदना देम। तूँ अपन मरद के जौरे रहे ला लालसा करबऽ, आउर ऊ तोरा पर राज करतन।”17तऽ ऊ, आदम से कहलन, तूँ अपन मेहरारू के बात सुनलऽ हे, आउर जौन पेड़ के बारे में हम तोरा आदेश देली हल कि ओकरा फल नऽ खईहऽ, ओकर फल तूँ खइलऽ हे। एहिगुने हम तोर काम के कारण अनाज के उपजावेला धरती के श्रापित कर देम। जहिया ला तूँ जिन्दा रहबऽ तहिया ला तोरा धरती से खायला अनाज पईदा करे ला कड़ा मेहनत करे पड़त।18काँटादार झाड़ी आउर कांटेदार पौधा आउर दोसर जंगली घास धरती पर जलमत जे कुछ तूँ रोपलऽ हे ओकरा बढ़े से रोकत। आउर भोजन में तोरा ऊ चीज खाय पड़त जौन तोर खेतवन में उपजल हे।19तूँ अपन जिंदगी भर खाय लागी अनाज उपजावेला मेहनत करे में पसीना बहइबऽ, फिन तूँ मर जइबऽ आउर तोर देह धरती में गाड़ देवल जायेत। हम तोरा मिट्टी से बनइली हे, एहिगुने तोर देह फिन से मिट्टी में मिल जायेत।20आदम अपन मेहरारू के नाम हव्वा रखलन, हव्वा के मतलब जीवन हे, काहेकि ऊ सभे जिन्दा लोगवन के पूरखा बन गेलन।21तऽ यहोवा परमेश्वर कुछ जानवर के मार देलन आउर ओकर खाल से आदम आउर उनकर मेहरारू लागी कपड़ा बनईलन।22तऽ यहोवा परमेश्वर कहलन, “देखऽ! ऊ दूनो हमरे जईसन हो गेलन हे काहेकि ऊ जान हथन कि कौची भला हे आउर कौची बुरा हे। एहिगुने अखनी, ई ठीक नऽ होवत जदि ऊ हाथ बढ़ा के ऊ पेड़ से फल तोड़ के खा लेतन, जे एकरा खाय वाला लोगवन के सबदिना लागी जिन्दा रहे के काबिल बना दे हे!”23एहिगुने यहोवा परमेश्वर आदम आउर उनकर मेहरारू के अदन के बगइचा में से निकास देलन। यहोवा परमेश्वर आदम के जमीन से बनईलन हल, आउर ऊ उनका जमीन जोते लागी मजबूर कईलन।24जखनी यहोवा परमेश्वर उनका बाहर निकास देलन, तऽ परमेश्वर अदन के बगइचा के पूरुब पट्टी करुब के, आउर चारो पट्टी एगो धधकल तलवार रख देलन, जे आगे पीछे चमक हल ऊ घूँसे वाला दुआरी के रोक देलक, जेकरा से लोग ऊ पेड़ भीर वापस फिन से नऽ जा सकतन जे कोई ओकर फल खईतन ऊ सभे दिन जिन्दा रहतन।
Bridge Connectivity Solutions Pvt. Ltd.