Genesis1
1आदि में परमेश्वर आकाश आउर पृथ्वी के बनईलन। 2जखनी परमेश्वर पृथ्वी के बनईलन, तऽ ऊ बेडौल आउर एकदम सुनसान हल। गहिरा पानी के ऊपर घोर अंधार छायेल हल। आउर परमेश्वर के आत्मा पानी पर मण्डरा हल। 3परमेश्वर कहलन, “हम आज्ञा दे ही कि इंजोर हो जाय” आउर इंजोर हो गेल।4परमेश्वर इंजोर से खुश होलन। फिन ऊ कुछ जगह पर सही समय पर इंजोर कईलन जबकि कुछ जगह पर अखनियो अंधार हल।5परमेश्वर इंजोर के नाम “दिन” आउर अंधार के नाम “रात” रखलन। अईसे साँझ आउर विहान होके पहिला दिन होल। 6तऽ परमेश्वर कहलन, “हम आज्ञा दे ही कि पानी दूगो हिस्सा में बाँटलन एगो बड़का गो गुंबद जईसन खाली जगह होवे।”7आउर ओईसहीं होल। परमेश्वर खाली जगह के एगो बड़का गुंबद के जईसन बनईलन आउर ऊ ओकर उपरे के पानी के ओकर धरती के पानी से अलग कर देलन।8परमेश्वर ई बड़का गोलाकार जईसन जगह के “आकाश” नाम देलन। अईसे एगो साँझ आउर दोसरका दिन के विहान होल।9तऽ परमेश्वर कहलन, “आकाश के नीचे के पानी के एक जगह जौर होवे, आउर सुखल जमीन के देखाई देवे ला, आउर ओकरा उपरे निकले ला आज्ञा दे ही।” आउर ओईसहीं होल। 10परमेश्वर सुखल जमीन के “पृथ्वी” नाम देलन, आउर जे पानी एक जगह जमा होल ओकरा “समुद्र” नाम देलन। परमेश्वर धरती आउर समुद्र के देख के खुश होलन।11फिन परमेश्वर कहलन, हम धरती के आज्ञा दे ही, कि बड़ी किसीम के पेड़ पौधा आउर घास के उपजावे, जे बीज पईदा करत, आउर अईसन पेड़ होत, जे बीच्चा के साथे फल फरे। आउर ओईसहीं हो गेल। 12तऽ पृथ्वी पर पौधा आउर हरा घास उपजल। सभे किसीम के पौधा अपन-अपन रगन के बीहन उपजावेला शुरू कईलक, आउर सभे किसीम के पेड़ अपन-अपन बीच्चवन के जौरे फल देवे लगल। परमेश्वर पेड़-पौधवन देख के खुश होलन।13ई एगो साँझ आउर बिहान, माने कि तिसरका दिन होल।14तऽ परमेश्वर कहलन, “हम आज्ञा दे ही कि आकाश में बड़ी ज्योति चमके के आज्ञा दे ही। ऊ दिन के रात से अलग करत आउर ई चिन्ह होत। ओकर रंग रूप में बदलाव कर के ऊ सभे किसीम के पर्व आउर दोसरा चीज के समय के इशारा करत जे लोग सही बखत पर आउर सही साल में करऽ हथन।15हम यही चाहऽ ही कि आकाश के ई ज्योति पृथ्वी पर चमकत।” आउर ओईसहीं होल।16परमेश्वर ओकरा में से दूगो के बड़ी बड़का गो ज्योति बनईलन। सभे से बड़का गो सूरज के ऊ दिन पर अधिकार करे लागी बनईलन आउर छोटका चाँद के ऊ रात पर अधिकार करे लागी बनईलन। ऊ तरेगनवन के भी बनईलन। 17परमेश्वर ऊ सभे के पृथ्वी पर इंजोर करे ला आकाश में रखलन,18दिन आउर रात पर अधिकार करत आउर दिन के इंजोर के रात से अलग करत। परमेश्वर ज्योति के देख के खुश होलन।19साँझ होल आउर बिहान होल ई तरह से चौथा दिन हो गेल।20तऽ परमेश्वर कहलन, “जल हमर बनावल गेल सभे तरह के जलचर जीव जंतु से भर देवल जाय, आउर आकाश में आउर पृथ्वी के उपरे उड़ेवाला चिरईंयन से भर देवल जाय।”21अईसे कर के परमेश्वर समुद्र में रहे वाला बड़ी बड़का-बड़का गो जीव-जन्तुवन के रचलन, आउर जेतना जीव पानी में बड़ी बड़का गिनती में पावल जा हे, ऊ सभे के बनईलन। ऊ सभे तरह के पांखवाला चिरईंयन के भी बनईलन। ई सभे जीव अपन बच्चा पईदा करे के लायक होत। परमेश्वर जे कुछ बनईलन हल, ओकरा देखलन आउर ऊ ओकरा से खुश होलन।22येहिगुने परमेश्वर ओखनी के आशीर्वाद देलन। ऊ कहलन, “बाल-बच्चा पईदा करऽ आउर बड़ी सा हो जा। हम चाहऽ ही कि पानी के जीव-जन्तु सभे पानी से भरल जलाशय में रहे, आउर चिरईं-चिरगुन्नी अनगिनती हो जाय।”23ई एगो साँझ आउर बिहान होके पचमा दिन होल।24तऽ परमेश्वर कहलन, “हम पृथ्वी के आज्ञा दे ही कि ऊ सभे तरह के जानवर के पईदा करत जे पृथ्वी पर रहे वाला के पईदा करत। केतना तरह के पालतु जनावर, जमीन पर रेंगे वाला जीव-जन्तु आउर बड़का-बड़कागो जंगली जनावर होत।” आउर ओईसहीं होल। 25परमेश्वर सभे तरह के जंगली जानवर आउर पालतू जानवर आउर जमीन पर रेंगे वाला सभे तरह के जीव जन्तुवन के बनईलन। ऊ सभे एक्के जईसन आउर जादे जनावर के पईदा कर सकल हल। परमेश्वर ओखनी से खुश होलन।26तऽ परमेश्वर कहलन, “हम आदमी के अपन स्वरुप में बनायेम। हम चाहऽ ही कि ऊ समुद्र के मछलियन, आकाश के चिरईंयन, सभे पालतू जानवरवन, आउर धरती पर रेंगे वाला सभे जीव-जंतुवन पर शासन करतन।”27तऽ येहिगुने परमेश्वर आदमी के अईसे रचलन जे सभे तरह से उनकर स्वरुप में हल। ऊ उनका अपने जईसन बनईलन। ऊ ओखनी के नर आउर नारी के रूप में बनईलन। 28तऽ परमेश्वर ई कह के उनका आशीर्वाद देलन, “कि बड़ी सा बाल बच्चा पईदा करऽ, जे समूचे पृथ्वी पर बस के ओकरा पर राज्य करतन। हम चाहऽ ही कि तूँ समुद्र के मछलियन, आकाश के चिरईंयन आउर पृथ्वी पर रेंगे वाला सभे जीव-जन्तु पर अधिकार रखिहऽ।” 29तब परमेश्वर कहलन, “देखऽ! हम तोरा समूचे पृथ्वी पर बीज पईदा करे वाला सभे पौधावन, आउर फल पईदा करे वाला सभे पेड़वन देली हे। ई सभे चीजवन तोरा खाय लागी हे।” 30हम सभे हरियर पौधवन के सभे जंगली जनावर, आउर चिरईंयन, आउर सभे पृथ्वी पर रेंगे वाला सभे जीव-जंतुवन, माने कि ऊ सभे जीव-जन्तु के खाय लागी देली हे, जेकरा में जीवन देवेवाला साँस हे। आउर ओईसहीं होल।31परमेश्वर जे कुछ बनईलन हल ओकरा से ऊ खुश होलन। सचमुच ई सभे बहुत बढ़ियाँ हल। ई साँझ आउर विहान के छठा दिन होल।
Bridge Connectivity Solutions Pvt. Ltd.